തൊടുപുഴ: അന്തര്സംസ്ഥാന സ്വകാര്യ ബസും ബൈക്കും കൂട്ടിയിടിച്ചുണ്ടായ അപകടത്തിൽ രണ്ടു യുവാക്കള് മരിച്ചു. തൊടുപുഴ ഒളമറ്റം പൊന്നന്താനം തടത്തില് സന്തോഷിന്റെ മകന് ടി.എസ്.ആല്ബര്ട്ട് (19) ഇന്നലെ മരിച്ചിരുന്നു. ബൈക്ക് ഓടിച്ചിരുന്ന കരിങ്കുന്നം വടക്കുംമുറി കൊച്ചുഭൂതക്കാട്ടില് പരേതനായ ജോബിയുടെ ഏക മകന് എബിന് (19) ആണ് ഇന്നു പുലര്ച്ചെ മരിച്ചത്. ഗുരുതരമായി പരിക്കേറ്റ ആല്ബര്ട്ടിനെ തൊടുപുഴയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. അപകടത്തില് കാല് അറ്റുതൂങ്ങിയ നിലയിലാണ് എബിനെ കോലഞ്ചേരി മെഡിക്കല് മിഷന് ആശുപത്രിയില് എത്തിച്ചത്. ഇവിടെ അത്യാഹിത വിഭാഗത്തില് പ്രവേശിപ്പിച്ചെങ്കിലും പുലര്ച്ചയോടെ മരണത്തിനു കീഴടങ്ങുകയായിരുന്നു. തൊടുപുഴ-പാല റൂട്ടില് ഇന്നലെ രാത്രി എട്ടരയോടെ കരിങ്കുന്നം പുത്തന് പള്ളിക്കു സമീപമായിരുന്നു അപകടം. കരിങ്കുന്നം ഭാഗത്തേക്കു പോകുകയായിരുന്ന ബൈക്കും തൊടുപുഴയിലേക്കു വരികയായിരുന്ന കല്ലട ബസുമാണ് കൂട്ടിയിടിച്ചത്.പൊന്നന്താനത്ത് വാടകയ്ക്കു താമസിക്കുകയാണ് ആല്ബര്ട്ടിന്റെ കുടുംബം. റീനയാണ് മാതാവ്. സഹോദരി ആഞ്ജലീന. മൃതദേഹം ഇന്ന്…
Read MoreCategory: Edition News
ടെൻഡർ നടപടികൾ ഒരാഴ്ചക്കുള്ളിൽ പ്രഥമ ബുള്ളറ്റ് ട്രെയിൻ നിർമാണം ബംഗളുരുവിൽ
കൊല്ലം: രാജ്യത്തെ പ്രഥമ ബുള്ളറ്റ് ട്രെയിൻ നിർമാണം ബംഗളുരുവിലെ ഭാരത് ഹെവി എർത്ത് മൂവേഴ്സ് ലിമിറ്റഡിൽ (ബിഇഎംഎൽ.)നടക്കും. ഇതിനായുള്ള ധാരണാപത്രം ഒപ്പിടൽ ഒരാഴ്ചക്കുള്ളിൽ ഉണ്ടാകും.എട്ട് കോച്ചുകൾ ഉള്ള രണ്ട് സെറ്റ് ബുള്ളറ്റ് ട്രെയിനുകൾ നിർമിക്കുന്നതിന് ചെന്നൈയിലെ ഇൻ്റഗ്രൽ കോച്ച് ഫാക്ടറി ഈ മാസം അഞ്ചിന് ടെൻഡർ ക്ഷണിച്ചിരുന്നു. ബിഎച്ച്ഇഎൽ മാത്രമാണ് ഇതിനായി അപേക്ഷ നൽകിയിട്ടുള്ളത്. രണ്ട് ട്രെയിനുകൾ മാത്രമുള്ള ചെറിയ ഓർഡർ ആയതിനാൽ മറ്റ് പ്രമുഖ കമ്പനികൾ ഒന്നും ടെൻഡറിൽ അപേക്ഷ നൽകിയിട്ടില്ല. അതിനാലാണ് ബിഇഎംഎല്ലിന് നറുക്കു വീഴുന്നത്. കരാർ തുക സംബന്ധിച്ച വിവരങ്ങൾ വ്യക്തമല്ല. ടെൻഡർ നടപടികൾ പൂർത്തിയായാൽ രണ്ടര വർഷത്തിനുള്ളിൽ നിർമാണം പൂർത്തിയാക്കുകയാണ് ലക്ഷ്യമെന്ന് ഇൻ്റഗ്രൽ കോച്ച് ഫാക്ടറി ജനറൽ മാനേജർ യു. സുബ്ബറാവു പറഞ്ഞു. ട്രെയിനിൻ്റെ പരമാവധി വേഗത മണിക്കൂറിൽ 280 കിലോമീറ്ററും പ്രവർത്തന വേഗത 250 കിലോമീറ്ററും ആയിരിക്കുമെന്നും അദ്ദേഹം ചൂണ്ടിക്കാട്ടി.…
Read Moreഓണ വിപണി: സപ്ലൈക്കോയ്ക്കും കണ്സ്യൂമർഫെഡിനും നേട്ടം
തൊടുപുഴ: ഓണക്കാലത്ത് സാധാരണക്കാർക്ക് ന്യായവിലയ്ക്ക് സാധനങ്ങൾ ലഭ്യമാക്കാൻ സർക്കാർ ഒരുക്കിയ വിപണികളിൽനിന്നു മെച്ചപ്പെട്ട വരുമാനം. സപ്ലൈക്കോ, കണ്സ്യൂമർഫെഡ്, കുടുംബശ്രീ ഓണച്ചന്തകളിലൂടെയാണ് ഇത്തവണ മെച്ചപ്പെട്ട വരുമാനം നേടാനായത്. കോടികളുടെ വരുമാനമാണ് ഓണച്ചന്തകളിലൂടെ ലഭ്യമായത്. സപ്ലൈക്കോയുടെ ആഭിമുഖ്യത്തിൽ തൊടുപുഴയിൽ ജില്ലാഫെയർ സംഘടിപ്പിച്ചിരുന്നു. ഇതിനു പുറമേ താലൂക്ക് ഫെയറുകളും നടത്തി. ഇതിലൂടെ ആകെ 1.21 കോടിയാണ് വരുമാനമുണ്ടായത്. തൊടുപുഴ, നെടുങ്കണ്ടം, മൂന്നാർ ഡിപ്പോകൾക്ക് കീഴിലെ താലൂക്ക് ഫെയറുകളുടെയും ജില്ലാ ഫെയറിന്റെയും ചേർത്തുള്ള വരുമാനമാണിത്. ജില്ലാ ഫെയറിൽ മാത്രം നടന്ന വിൽപ്പനയിലൂടെ 7,92,315 രൂപയാണ് ലഭിച്ചത്. കഴിഞ്ഞ ആറിനാണ് ഓണച്ചന്തകൾ തുടങ്ങിയത്. ഉത്രാടനാളായ 14ന് അവസാനിച്ചു. സബ്സിഡി, നോണ് സബ്സിഡി സാധനങ്ങളും ഹോർട്ടികോർപ്, കുടുംബശ്രീ, മിൽമ ഉത്പന്നങ്ങളും വിൽപ്പനയ്ക്കുണ്ടായിരുന്നു. പകൽ രണ്ടു മുതൽ നാലു വരെയുള്ള സമയത്ത് വാങ്ങിയാൽ 45 ശതമാനംവരെ അധിക ഡിസ്കൗണ്ടും അനുവദിച്ചിരുന്നു. സബ്സിഡിയിതര സാധനങ്ങൾക്ക് അഞ്ചുമുതൽ 50 ശതമാനം…
Read Moreനടപ്പാത കൈയടക്കി കച്ചവടക്കാർ; കണ്ടില്ലെന്നു നടിച്ച് അധികാരികൾ
അമ്പലപ്പുഴ: ലക്ഷങ്ങൾ ചെലവിട്ടു നിർമിച്ച റോഡിന്റെ നടപ്പാത കച്ചവടക്കാർ കൈയടക്കിയത് കണ്ടില്ലെന്നു നടിച്ച് അധികാരികൾ. കാൽനടയാത്രക്കാർ ദുരിതത്തിൽ. അമ്പലപ്പുഴ-തിരുവല്ല സംസ്ഥാന പാതയുടെ ഇരുഭാഗത്തുമുള്ള കച്ചവടക്കാരാണ് നടപ്പാത കൈയടക്കിയത്. തിരക്കേറിയ റോഡിൽ കാൽനടയാത്രക്കാർക്ക് അപകടമുണ്ടാകാതിരിക്കാനാണ് മനോഹരമായ നടപ്പാതയും റോഡിനൊപ്പം നിർമിച്ചത്. എന്നാൽ, പലയിടത്തും നടപ്പാത കച്ചവടക്കാരുടെ വ്യാപാര സാധനങ്ങൾ വയ്ക്കാനുള്ള ഒന്നായി മാറ്റി. അമ്പലപ്പുഴ പടിഞ്ഞാറെ നടയിൽ നിരവധി കച്ചവടക്കാരാണ് ഇത്തരത്തിൽ നടപ്പാതയിൽ സാധനങ്ങൾ വയ്ക്കുന്നത്. അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിലെത്തുന്ന ഭക്തരുൾപ്പെടെയുള്ളവർക്ക് നടക്കാൻ കഴിയാത്ത തരത്തിലാണ് കച്ചവടക്കാർ സാധനങ്ങൾ നടപ്പാതയിൽ വയ്ക്കുന്നത്. ഇതിനെതിരേ പൊതുമരാമത്ത് വകുപ്പ്, പോലീസ്, പഞ്ചായത്ത് എന്നിവയൊന്നും ഒരു നടപടിയും സ്വീകരിച്ചിട്ടില്ല. ഇതിൽ വ്യാപക പ്രതിഷേധവുമുയർന്നിട്ടുണ്ട്.
Read Moreഎഡിജിപി കൈക്കൂലി പണം കൊണ്ട് ഫ്ളാറ്റ് വാങ്ങി; സോളാര് കേസ് അട്ടിമറിക്കാൻ പണം പറ്റി; പി. ശശി പൂര്ണപരാജയം; ആരോപണങ്ങളുമായി വീണ്ടും അൻവർ
കോഴിക്കോട്: വിജിലന്സ് അന്വേഷണം നേരിടുന്ന ക്രമസമാധന ചുമതലയുള്ള എഡിജിപി എം.ആര്. അജിത്കുമാറിനെതിരേ വീണ്ടും ഗുരുതര ആരോപണങ്ങളുമായി ഭരണകക്ഷി എംഎൽഎയായ പി.വി. അന്വര്. അജിത് കുമാര് കൈക്കൂലി പണം ഉപയോഗിച്ച് ഫ്ളാറ്റുകള് വാങ്ങി മറിച്ചുവിറ്റെന്നും കള്ളപ്പണം വെളുപ്പിച്ചെന്നും അന്വര് വാർത്താസമ്മേളനത്തിൽ പറഞ്ഞു. സോളാര് കേസ് അട്ടിമറിച്ചതിനു കിട്ടിയ കൈക്കൂലി പണം ഉപയോഗിച്ചാണു ഫ്ളാറ്റ് വാങ്ങിയതെന്നും അന്വര് ആരോപിച്ചു. തിരുവനന്തപുരം കവടിയാര് വില്ലേജില് 2016 ഫെബ്രുവരിയില് 33.80 ലക്ഷം രൂപയ്ക്ക് സ്വന്തം പേരില് അജിത്കുമാര് ഫ്ളാറ്റ് വാങ്ങിയിരുന്നു. പത്തു ദിവസം കഴിഞ്ഞ് 65 ലക്ഷത്തിന് ഇതു മറിച്ചുവിറ്റു. ഈ ഫ്ളാറ്റ് വാങ്ങാന് എഡിജിപിക്ക് എവിടെനിന്നു പണം കിട്ടി? സോളാര് കേസ് അട്ടിമറിച്ചതിന്റെ പണം ഉപയോഗിച്ചാണ് ഫ്ളാറ്റ് വാങ്ങിയത്. ഇക്കാര്യം പരിശോധിക്കണം. കൃത്യമായി അന്വേഷിച്ചാല് തെളിവുകള് ലഭിക്കും. 33.80 ലക്ഷത്തിന്റെ ഫ്ളാറ്റ് 65 ലക്ഷത്തിനു വിറ്റ് 32 ലക്ഷം രൂപയാണ് വെളുപ്പിച്ചത്.…
Read Moreനേരിയ തോതിൽ വിലകുറഞ്ഞപ്പോൾ എല്ലാവരും വീണ്ടും വാങ്ങിക്കൂട്ടി; ഇന്ന് സ്വർണവില വീണ്ടും സർവകാല റിക്കാർഡിൽ
കൊച്ചി: സംസ്ഥാനത്ത് സ്വര്ണവില വീണ്ടും സര്വകാല റിക്കാര്ഡില്. ഇന്ന് ഗ്രാമിന് 75 രൂപയും പവന് 600 രൂപയുമാണ് വര്ധിച്ചത്. ഇതോടെ സ്വര്ണവില ഗ്രാമിന് 6,960 രൂപയും പവന് 55,680 രൂപയുമായി. കഴിഞ്ഞ മേയ് 20 ലെ ബോര്ഡ് റേറ്റായ ഗ്രാമിന് 6,890 രൂപ, പവന് 55,120 രൂപ എന്ന സര്വകാല റിക്കാര്ഡാണ് ഇന്ന് മറികടന്നത്. 18 കാരറ്റ് സ്വര്ണം ഗ്രാമിന് 5775 രൂപയായി. 24 കാരറ്റ് തങ്കക്കട്ടിയുടെ ബാങ്ക് നിരക്ക് കിലോഗ്രാമിന് 77 ലക്ഷം രൂപയ്ക്ക് അടുത്തായി. ഇന്ത്യന് രൂപ ചെറിയ തോതില് കരുത്താര്ജിച്ചിട്ടുണ്ട്. രൂപയുടെ വിനിമയ നിരക്ക് 83.50 ആണ്. കഴിഞ്ഞ നവംബറില് അന്താരാഷ്ട്ര വില ട്രോയ് ഔണ്സിന് 1800 ഡോളറില് ആയിരുന്നതാണ് ഇപ്പോള് 800 ഡോളറില് അധികം വര്ധിച്ച് 2622 ഡോളറിലായത്. യുഎസ് പലിശ നിരക്ക് കുറച്ചതിനുശേഷം സ്വര്ണ വിലയില് വലിയതോതില് വര്ധന ഉണ്ടായിരുന്നില്ല.…
Read Moreചാരുംമൂട് മിനി സിവിൽ സ്റ്റേഷൻ നിർമാണം വൈകുന്നു: സ്ഥലം കാടുകയറി
ചാരുംമൂട്: ചാരുംമൂട് കേന്ദ്രമാക്കി മിനി സിവിൽസ്റ്റേഷനുവേണ്ടി ശിലാഫലകം സ്ഥാപിച്ച സ്ഥലം കാടുകയറി. ചാരുംമൂട്ടിൽ പുതിയ മിനി സിവിൽസ്റ്റേഷൻ സ്ഥാപിക്കാൻ കരിമുളയ്ക്കലിലാണ് സ്ഥലം കണ്ടെത്തിയത്. ചുനക്കര പഞ്ചായത്തിന്റെ അധികാര പരിധിയിലുള്ള കരിമുളയ്ക്കലിലെ പഴയ പബ്ലിക് മാർക്കറ്റിലാണ് മിനി സിവിൽ സ്റ്റേഷൻ നിർമിക്കാൻ തീരുമാനിച്ചത്. ഇതിന്റെ നിർമാണം ഉടൻ പൂർത്തിയാക്കുമെന്ന് പ്രഖ്യാപിച്ച് നാലുവർഷം മുമ്പ് അന്നത്തെ മന്ത്രി ജി. സുധാകരൻ തറക്കല്ലിട്ട് ഉദ്ഘാടനം നിർവഹിച്ചു. എന്നാൽ, മന്ത്രി ശിലാഫലകം സ്ഥാപിച്ച സ്ഥലം ഇപ്പോൾ കാടായിമാറി. ഒരു വർഷം മുമ്പ് ഭരണാനുമതി കിട്ടിയതിനെ തുടർന്ന് സ്ഥലത്ത് റവന്യു അധികൃതർ എത്തി സർവേ നടത്തിയിരുന്നു. ഈ സ്ഥലത്ത് മാവേലിക്കര ആർടി ഓഫീസിലെ ഡ്രൈവിംഗ് ടെസ്റ്റുകൾ നടന്നുവരികയായിരുന്നു.
Read Moreതളിപ്പറമ്പിൽ ടാങ്കർലോറി താഴ്ചയിലേക്കു മറിഞ്ഞു; ലോറി കാലി ആയതിനാൽ ഒഴിവായത് വൻ ദുരന്തം
തളിപ്പറമ്പ്: ദേശീയ പാതയിൽ ചിറവക്ക് വളവിൽ ടാങ്കർ ലോറി നിയന്ത്രണംവിട്ട് റോഡിൽ നിന്നു താഴ്ചയിലേക്കു മറിഞ്ഞു. ഡ്രൈവർക്കു പരിക്കേറ്റു. ഉത്തർപ്രദേശ് സ്വദേശി പവൻ ഉപാധ്യായ്ക്കാണ് (45) പരിക്കേറ്റത്. ഇന്നു പുലർച്ചെയായിരുന്നു അപകടം. എംഎച്ച് 43 ബിപി 6916 എന്ന ഓയിൽ ടാങ്കർ ലോറിയാണു അപകടത്തിൽ പ്പെട്ടത്. പരിക്കേറ്റ ഡ്രൈവറെ പരിയാരത്തെ കണ്ണൂർ ഗവ. മെഡിക്കൽ കോളജിൽ പ്രവേശിപ്പിച്ചു. പരിക്കു സാരമുള്ളതല്ല. അപകടവിവരമറിഞ്ഞ് എത്തിയ തളിപ്പറമ്പ് പോലീസാണ് ഉപാധ്യായയെ ആശുപത്രിയിലെത്തിച്ചത്. ടാങ്കർ ലോറി കാലിയായതിനാലാണു വൻ ദുരന്തം ഒഴിവായത്. തളിപ്പറമ്പിൽനിന്നുള്ള അഗ്നിരക്ഷാസേന സ്ഥലത്തെത്തി പരിശോധന നടത്തി.
Read Moreആരാധനാലയങ്ങൾ കേന്ദ്രീകരിച്ച് മോഷണം; കൊല്ലം കുണ്ടറ സ്വദേശി മൊട്ട ബിജുവെന്ന ബിജു ജോർജ് പിടിയിൽ
കാട്ടാക്കട: ആരാധനാലയങ്ങൾ കേന്ദ്രീകരിച്ച് മോഷണം നടത്തിയ മോഷ്ടാവ് പിടിയിൽ. കൊല്ലം കുണ്ടറ ആലുംമൂട് കുനുകന്നുർ ബിൻസി ഭവനിൽ ബിജു ജോർജ്(55) എന്ന മൊട്ട ബിജു ആണ് പിടിയിലായത്. കഴിഞ്ഞ മാസം കാട്ടാക്കട ചന്ത നടയിലെ ഗുരു മന്ദിരം, തയ്ക്കാപള്ളി, ചന്തയിലെ തട്ടു കട, കട്ടക്കോട് സെന്റ് ആന്റണീസ് ദേവാലയം എന്നിവിടങ്ങളിൽ മോഷണം നടത്തിയ പ്രതിയാണ് ഇയാൾ. അതിവിദഗ്ധമായി മോഷണം നടത്തി മുങ്ങി നടക്കുന്ന ഇയാൾ കഴിഞ്ഞ ദിവസം കൊല്ലത്ത് നിന്നും പോലീസിന്റെ വലയിലാകുകയായിരുന്നു. കാട്ടാക്കട സെന്റ് ആന്റണി ദേവാലയത്തിൽ നിന്നും കാണിക്കപ്പെട്ടി കുത്തിത്തുറന്ന് പതിനായിരത്തോളം രൂപയാണ് അന്ന് ഇയാൾ മോഷ്ടിച്ചത്. ഇതുകൂടാതെ കട്ടക്കോട് ജംഗ്ഷനിലെ കുരിശടിയിൽ നിന്നും ഇയാൾ കവർച്ച നടത്തിയിരുന്നു. കാട്ടാക്കട ഗുരുമന്ദിരത്തിലെ കാണിക്കവഞ്ചിയിൽ നിന്നും, ചന്ത നടയിലെ മുസ് ലിം തയ്ക്ക പള്ളിയിൽനിന്നും കൂടാതെ ചന്തയിലെ ഒരു പെട്ടിക്കടയിൽനിന്നും ഇയാൾ പണം കവർന്നിട്ടുണ്ട് .…
Read Moreട്രെയിനുകളിൽ ടിക്കറ്റ് പരിശോധന കർശനമാക്കാൻ നിർദേശം; പതിവ് പരിശോധനകൾക്ക് പുറമേ സർപ്രൈസ് ചെക്കിംഗുകളും
കൊല്ലം: ട്രെയിനുകളിൽ ടിക്കറ്റ് പരിശോധനകൾ കർശനമാക്കാൻ റെയിൽവേ ബോർഡ് ഉത്തരവ് ഇറക്കി. ഇത് സംബന്ധിച്ച റെയിൽവേ പാസഞ്ചർ മാർക്കറ്റിംഗ് എക്സിക്യൂട്ടീവ് ഡയറക്ടർ ശിവേന്ദ്ര ശുക്ലയുടെ അടിയന്തിര നിർദേശം എല്ലാ സോണുകളിലെയും ചീഫ് കൊമേഴ്സ്യൽ മാനേജർമാർക്ക് നൽകിക്കഴിഞ്ഞു. പതിവ് പരിശോധനകൾക്ക് പുറമേ സർപ്രൈസ് ചെക്കിംഗുകൾ നടത്തണമെന്നാണ് നിർദേശത്തിലെ പ്രധാന ഉള്ളടക്കം. ഇതിനായി രണ്ടു ഘട്ട സ്പെഷൽ ഡ്രൈവുകൾ നടത്തണം. ആദ്യഘട്ട പരിശോധനകൾ ഒക്ടോബർ ഒന്നു മുതൽ 15 വരെയാണ്. രണ്ടാം ഘട്ട പരിശോധന ഒക്ടോബർ 25 മുതൽ നവംബർ പത്ത് വരെയുമാണ് നിശ്ചയിച്ചിട്ടുള്ളത്. മുതിർന്ന ഉദ്യോഗസ്ഥരുടെ മേൽനോട്ടത്തിലായിരിക്കണം പരിശോധനകൾ നടത്തേണ്ടതെന്നും നിർദേശത്തിലുണ്ട്. മേൽനോട്ടം വഹിക്കുന്ന ഉദ്യോഗസ്ഥരെ സോണൽ റെയിൽവേ അധികൃതർ നോമിനേറ്റ് ചെയ്യണം. സോണൽ ലവലിലും ഡിവിഷൻ തലത്തിലും നടത്തുന്ന പരിശോധനയുടെ വിശദമായ റിപ്പോർട്ട് നവംബർ 18-നകം പാസഞ്ചർ മാർക്കറ്റിംഗ് എക്സിക്യൂട്ടീവ് ഡയറക്ടർക്ക് നൽകുകയും വേണം. റിസർവ്ഡ് കോച്ചുകളിലെ…
Read More