കോട്ടയം: വഴിയാത്രക്കാരിയുടെയും കടയുടമയുടെയും നല്ല മനസില് ജാന്സിക്കു നഷ്ടപ്പെട്ട മാല പോലീസ് സ്റ്റേഷനില്നിന്നു തിരികെ ലഭിച്ചു. കടുവാക്കുളം തിരുഹൃദയ നഴ്സിംഗ് കോളജിലെ ഓഫീസ് ജീവനക്കാരിയും ആലപ്പുഴ പൂന്തോപ്പ് സ്വദേശിനിയുമായ ജാന്സി ഷാജന് വ്യാഴാഴ്ച വൈകുന്നേരം ജോലി കഴിഞ്ഞ് ചങ്ങനാശേരിക്കുള്ള ബസ് കയറുന്നതിനായി ചൂള ഭാഗത്തുനിന്നു കടുവാക്കുളം ജംഗ്ഷനിലേക്കുള്ള യാത്രാമധ്യേ ഒരുപവന് തൂക്കമുള്ള സ്വർണമാല നഷ്ടപ്പെടുകയായിരുന്നു. വീട്ടിലെത്തിയപ്പോഴാണ് മാല നഷ്ടപ്പെട്ട വിവരം ജാന്സി അറിയുന്നത്. കെഎസ്ആര്ടിസി ബസില് വച്ചാണ് മാല നഷ്ടപ്പെട്ടതെന്ന സംശയത്തില് കോട്ടയം, ചങ്ങനാശേരി, ആലപ്പുഴ ഡിപ്പോകളില് വിവരം അറിയിച്ചു. ഇതിനിടയില് ജാന്സിക്കു പിന്നാലെ അതുവഴി നടന്നെത്തിയ യാത്രക്കാരിക്കു വഴിയില് കിടന്നു മാല ലഭിച്ചു. യാത്രക്കാരി മാല ഉടന് തന്നെ കടുവാക്കുളം ജംഗ്ഷനിലുള്ള ഇലക്ട്രിക് കടയുടമ ഷിജുവിനെ ഏല്പ്പിക്കുകയും യാത്രക്കാരി സോഷ്യല് മീഡിയയില് മാല ലഭിച്ച വിവരം പങ്കുവയ്ക്കുകയും ചെയ്തു. തനിക്ക് ലഭിച്ച മാല ഷിജു കോട്ടയം…
Read MoreCategory: Edition News
ആരോപണത്തിൽ കഴമ്പുണ്ടോ? എഡിജിപി അജിത്ത് കുമാറിനെതിരായ വിജിലൻസ് അന്വേഷണം; ആദ്യഘട്ടത്തിൽ കേസെടുക്കില്ല
തിരുവനന്തപുരം: എഡിജിപി. എം.ആർ. അജിത്ത് കുമാറിനെതിരെയുള്ള വിജിലൻസ് അന്വേഷണത്തിൽ ആദ്യഘട്ടത്തിൽ കേസെടുക്കാതെയുള്ള അന്വേഷണമായിരിക്കും നടത്തുകയെന്ന് സൂചന. ആരോപണത്തിൽ കഴന്പുണ്ടെങ്കിൽ മാത്രം കേസെടുത്താൽ മതിയെന്നാണ് നിലവിലെ തീരുമാനമെന്നാണ് ലഭിക്കുന്ന വിവരം. വിജിലൻസ് യൂണിറ്റ്-1 ലെ എസ്പി. ജോണ്കുട്ടിയുടെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. ഡിവൈഎസ്പി. ഷിബു പാപ്പച്ചൻ, സിഐ. കിരണ് ഉൾപ്പെടെയുള്ള ഉദ്യോഗസ്ഥരാണ് അന്വേഷണ സംഘത്തിലുള്ളത്. വിജിലൻസ് ഡയറക്ടർ യോഗേഷ് ഗുപ്ത അന്വേഷണത്തിന് നേരിട്ട് മേൽനോട്ടം വഹിക്കും. അജിത്ത് കുമാറിനെതിരെയും മുൻ എസ്പി. സുജിത്ത് ദാസിനെതിരെയും ഈ സംഘമാണ് അന്വേഷണം നടത്തുക. സ്വർണക്കടത്ത് വേട്ടയിലെ തട്ടിപ്പ്, കവടിയാറിലെ ആഡംബര വീട് നിർമാണം, അനധികൃത സ്വത്ത് സന്പാദനം ഉൾപ്പെടെയുള്ള കാര്യങ്ങളാണ് അന്വേഷണ പരിധിയിൽ വരുന്നത്. സംസ്ഥാന പോലീസ് മേധാവി ഷേഖ് ദർബേഷ് സാഹിബ് സർക്കാരിന് സമർപ്പിച്ച ശിപാർശയുടെ അടിസ്ഥാനത്തിൽ കഴിഞ്ഞ ദിവസമാണ് സർക്കാർ വിജിലൻസ് അന്വേഷണം പ്രഖ്യാപിച്ചത്. അജിത്ത് കുമാറിനെതിരേ…
Read Moreനഗരമധ്യത്തിൽ ഓട്ടോയിലെത്തിയ യുവതിയെ തടഞ്ഞ് നിർത്തി ശാരീരികമായി ആക്രമിച്ചു; നാലുപേർ പോലീസ് പിടിയിൽ
തൊടുപുഴ: ഓട്ടോയിൽ യാത്ര ചെയ്ത യുവതിയെ നഗരമധ്യത്തിൽ ശാരീരികമായി ആക്രമിക്കാൻ ശ്രമിച്ച കേസിൽ നാലു പേർ അറസ്റ്റിൽ. അക്രമരംഗം പ്രതികൾ മൊബൈൽ ഫോണിൽ ചിത്രീകരിക്കുകയും ചെയ്തു. തൊടുപുഴ കോലാനി കോതായിക്കുന്നേൽ കെ.എം മുജീബ് (34), പാറപ്പുഴയിൽ പി.ഡി. ഫ്രാൻസിസ് (47), ചിറവേലിൽ ഹരിനാരായണൻ (49), കരിമണ്ണൂർ നെയ്യശേരി മനയ്ക്കപ്പാടം കൊച്ചുവീട്ടിൽ കെ.കെ. ബഷീർ (53) എന്നിവരാണ് അറസ്റ്റിലായത്. ബുധനാഴ്ച നാലരയോടെയാണ് കേസിനാസ്പദമായ സംഭവം. ഗാന്ധി സ്ക്വയറിൽനിന്നു തൊടുപുഴ പ്രൈവറ്റ് ബസ് സ്റ്റാൻഡിലേക്ക് പോകാൻ ഓട്ടോയിൽ കയറിയതായിരുന്നു യുവതി. ഓട്ടോ ബസ് സ്റ്റാൻഡിനു സമീപമെത്തിയപ്പോൾ മറ്റൊരു ഓട്ടോയിലെത്തിയ പ്രതികൾ വാഹനം തടയുകയും യുവതിയെ ആക്രമിക്കുകയുമായിരുന്നെന്ന് പോലീസ് പറഞ്ഞു. ഇതു തടഞ്ഞപ്പോൾ മർദിക്കുകയും അശ്ലീലപ്രയോഗം നടത്തുകയും ചെയ്തു. അക്രമം തടയാൻ ശ്രമിച്ച ഓട്ടോ ഡ്രൈവറെ പ്രതികൾ ഭീഷണിപ്പെടുത്തുകയും താക്കോൽ ഉൗരി വാങ്ങുകയും ചെയ്തു. ഇതിനിടെ യുവതിയുടെ ദൃശ്യങ്ങൾ മൊബൈൽ ഫോണിൽ…
Read Moreഹോട്ടലിൽ വിളമ്പിയ ചിക്കൻ കറിയിൽ ജീവനുള്ള പുഴുക്കൾ; ഭക്ഷ്യവിഷബാധയെത്തുടർന്ന് മൂന്ന് വിദ്യാർഥികൾ ചികിത്സയിൽ
കട്ടപ്പന: കട്ടപ്പനയിലെ ഹോട്ടലിൽ വിളമ്പിയ ചിക്കൻ കറിയിൽ ജീവനുള്ള പുഴുക്കൾ. ഭക്ഷണം കഴിച്ച മുന്ന് വിദ്യാർഥികൾ ആശുപത്രിയിൽ. കട്ടപ്പന പള്ളിക്കവലയിലെ ഒരു ഹോട്ടലിൽ നിന്നു ചിക്കൻ കറിയും പൊറോട്ടയും കഴിച്ച വെള്ളാരംകുന്നിലെ മൂന്ന് വിദ്യാർഥികളെയാണ് ഭക്ഷ്യ വിഷബാധയെ തുടർന്ന് കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചത്. കട്ടപ്പന ഓസാനം സ്വിമ്മിംഗ് അക്കാദമിയിൽ നീന്തൽ പരിശീലനത്തിനുശേഷം കുട്ടികൾ പള്ളിക്കവലയിലെ ഹോട്ടലിൽനിന്ന് ചിക്കൻ കറിയും പൊറോട്ടയും കഴിക്കുകയായിരുന്നു. ചിക്കൻ കറിയിൽ ധാരാളം ജീവനുള്ള പുഴുക്കളെ കണ്ടതിനു പിന്നാലെ ഇവർ ഛർദിച്ചു. തുടർന്ന് വയറു വേദനയും തളർച്ചും അനുഭവപ്പെട്ടതോടെ മൂന്നു പേരെയും ആശുപത്രിയിൽ പ്രവേശിപ്പിക്കുകയായിരുന്നു. സംഭവത്തിൽ നഗരസഭാ ആരോഗ്യവകുപ്പിന് പരാതി നൽകിയിട്ടുണ്ട്. വിദ്യാർഥികളുടെ ആരോഗ്യ നില നിരീക്ഷിച്ചുവരികയാണെന്ന് ആശുപത്രി അധികൃതർ പറഞ്ഞു. വണ്ടിപ്പെരിയാറിൽ ഭക്ഷ്യവിഷബാധവണ്ടിപ്പെരിയാർ: വണ്ടിപ്പെരിയാറിൽ വീണ്ടും ഭക്ഷ്യ വിഷബാധ. ഭക്ഷ്യസുരക്ഷാ വകുപ്പും ആരോഗ്യവകുപ്പും പരിശോധന നടത്തി ഏഴു ദിവസം കട അടച്ചിടാൻ…
Read More1887 സെപ്റ്റംബർ 21 ; മനുഷ്യനിർമിത വിസ്മയമായ മുല്ലപ്പെരിയാർ ഡാമിനു ശിലപാകിയ ദിനം
കുമളി: 1887 സെപ്റ്റംബർ 21. മുല്ലപ്പെരിയാർ അണക്കെട്ടിന് ബ്രിട്ടീഷ് എൻജിനിയർ ജോണ് പെന്നി ക്വിക്ക് ശില പാകിയ ദിനം. ‘മനുഷ്യ നിർമിത വിസ്മയം’ ഈ വാക്കുകൾ മദ്രാസ് ഗവർണറായിരുന്ന വെൻലോക്ക് പ്രഭു മുല്ലപ്പെരിയാർ അണക്കെട്ടിനെപ്പറ്റി അണക്കെട്ട് കമ്മീഷൻ വേളയിൽ പറഞ്ഞതാണ്. നൂറിലേറെ വർഷങ്ങൾക്കു മുൻപുള്ള വെൻലോക്കിന്റെ വാക്കുകൾ ശരിവച്ച് ഇന്നും മുല്ലപ്പെരിയാർ അണക്കെട്ട് കാലപ്പഴക്കം കൊണ്ടും വിവാദങ്ങൾകൊണ്ടും വിസ്മയമായി നിലകൊള്ളുന്നു. അണക്കെട്ടിന്റെ നിർമാണ ഘട്ടത്തിൽ ബ്രിട്ടീഷ് എൻജിനിയറായിരുന്ന എ.ഡി. മക്കൻസി രചിച്ച ‘ഹിസ്റ്ററി ഓഫ് ദ പെരിയാർ റിവർ പ്രോജക്ട്’ പുസ്തകത്തിൽ അണക്കെട്ടിന് പിന്നിലെ പ്രയത്നങ്ങൾ വിവരിക്കുന്നുണ്ട്. 1886 ഒക്ടോബർ 29ന് തിരുവിതാംകൂർ-മദ്രാസ് ഭരണകർത്താക്കൾ പെരിയാർ അണക്കെട്ടുമായി ബന്ധപ്പെട്ട കരാറിൽ ഒപ്പുവച്ചു. സമുദ്രനിരപ്പിൽ നിന്ന് 3000 അടി ഉയരത്തിലുള്ള സ്ഥലം, വന്യമൃഗങ്ങൾ നിറഞ്ഞ വനം, വിഷപ്പാന്പുകൾ, വർഷത്തിൽ ഭൂരിഭാഗവും തോരാതെ പെയ്യുന്ന മഴ, യാത്രാക്ലേശം, കൂടെ മലന്പനിയും.…
Read Moreഅങ്കണവാടികളില് ഒഴിവ്
ആലപ്പുഴ: ഹരിപ്പാട് ഐസിഡിഎസ് പ്രോജക്ട് പരിധിയിലുള്ള തൃക്കുന്നപ്പുഴ പഞ്ചായത്തിലെ വിവിധ അങ്കണവാടികളില് നിലവില് ഒഴിവുള്ളതും അടുത്ത മുന്നു വര്ഷത്തിനിടയില് ഉണ്ടാകാനിടയുള്ളതുമായ വര്ക്കര്/ഹെല്പ്പര് തസ്തികകളില് അപേക്ഷ ക്ഷണിച്ചു. വര്ക്കര് തസ്തികയില് അപേക്ഷിക്കുന്നവര് 10-ാം ക്ലാസ് ജയിച്ചിരിക്കണം. ഹെല്പ്പര് തസ്തികകളില് അപേക്ഷിക്കുന്നവര് ഏഴാം ക്ലാസ് പാസായവരും എന്നാല്, 10-ാം ക്ലാസ് പാസാകാത്തവരുമായിരിക്കണം. പ്രായം 18-46 വയസ്. അപേക്ഷകള് ഒക്ടോബര് അഞ്ചിന് വൈകിട്ട് അഞ്ചിനു മുമ്പായി ഹരിപ്പാട് റവന്യു ടവറില് പ്രവര്ത്തിക്കുന്ന ശിശുവികസന പദ്ധതി ഓഫീസില് നല്കണം.
Read Moreകിളിവയലിലും കുളനടയിലും വാഹനാപകടം; റോഡിലൂടെ ഡീസല് ഒഴുകി ഗതാഗതം തടസപ്പെട്ടു
അടൂര്: എംസി റോഡില് കിളിവയലിലും കുളനടയിലും വാഹനങ്ങള് കൂട്ടിയിടിച്ച് ഓയില് റോഡില് കൂടി ഒഴുകി. കിളിവയലില് രാത്രി 12.30 ഓടെയാണ് സംഭവം. തിരുവനന്തപുരത്തു നിന്നു മത്സ്യം കയറ്റി അടൂര് ഭാഗത്തേക്കു വന്ന വാനും അടൂരില് നിന്നും കൊട്ടാരക്കരയ്ക്കു പോയ കാറുമായി കൂട്ടിയിടിക്കുകയായിരുന്നു. നിയന്ത്രണം വിട്ട വാന് റോഡിലേക്കു മറിഞ്ഞു. മത്സ്യ വാഹനത്തിലെ ഐസ് വെള്ളം ഡീസലുമായി ചേര്ന്ന് റോഡില് കൂടി ഒഴുകി ഗതാഗതം തടസപ്പെട്ടു. വാഹനങ്ങളില് ഉണ്ടായിരുന്നവരെ പരിക്കുകളോടെ ആശുപത്രികളില് പ്രവേശിപ്പിച്ചു.കുളനടയില് പുലര്ച്ചെ രണ്ടോടെയാണ് ചെങ്ങന്നൂര് ഭാഗത്തു നിന്നു വന്ന പിക്കപ്പും പന്തളത്ത് നിന്നു ചെങ്ങന്നൂര് ഭാഗത്തേക്കു പോയ ബിഎംഡബ്ല്യു കാറും തമ്മില് കൂട്ടിയിടിച്ചത്. ഇടിയുടെ ആഘാതത്തില് പിക്കപ്പിന്റെ ടാങ്കില് നിന്ന് ഡീസല് റോഡില് ഒഴുകി ഗതാഗതം തടസപ്പെട്ടു. രണ്ടു സ്ഥലങ്ങളിലും അടൂര് അഗ്നിശമന സേന എത്തി ഓയില് നിക്കം ചെയ്തു ഗതാഗതം പുനഃസ്ഥാപിച്ചു.
Read Moreവേശ്യാവൃത്തിക്കെത്തിച്ച ബംഗ്ലാദേശി യുവതിയെ രക്ഷപ്പെടുത്തി; ഏജന്റ് സെറീന അടക്കം മൂന്ന് പേർ അറസ്റ്റിൽ; നടുക്കുന്ന സംഭവം കൊച്ചിയിൽ
കൊച്ചി: വേശ്യാവൃത്തിക്കെത്തിച്ച ബംഗ്ലാദേശി യുവതിയെ രക്ഷപ്പെടുത്തി. സംഭവത്തില് വരാപ്പുഴ സ്വദേശി വിപിന്, ഏജന്റായ തമിഴ്നാട് സ്വദേശി സെറീന, തിരുവനന്തപുരം പൂന്തുറ സ്വദേശി ജഗദ എന്നിവരെ പോലീസ് കസ്റ്റഡിയിലെടുത്തു. ഇന്നലെ സെറീന 26കാരിയായ യുവതിയെ കൂട്ടിക്കൊണ്ടുപോകാന് വന്നതോടെയാണ് സംഭവത്തിന് ആധാരമായ കാര്യങ്ങള് നടന്നത്.2013 ല് ബംഗ്ലാദേശില്നിന്ന് ആരോ തന്നെ കടത്തിക്കൊണ്ടുവന്നതാണെന്നാണ് യുവതിയുടെ മൊഴി. അതിനുശേഷം ഇവര് ബംഗളൂരുവില് ലൈംഗികത്തൊഴില് ചെയ്തുവരുകയായിരുന്നുവെന്ന് പോലീസ് പറഞ്ഞു. അതിനിടെ ഒരു മാസം മുമ്പ് യുവതി കൊച്ചിയിലെത്തി. ജഗദയ്ക്കൊപ്പം പോണേക്കരയിലെ വീട്ടില് താമസിക്കുകയായിരുന്നു. ഇവിടെനിന്ന് വിപിന് യുവതിയെ തൃശൂര്ക്ക് കൊണ്ടുപോയി. ഇതറിഞ്ഞ സെറീന വന്ന് യുവതിയെ തിരികെ ബംഗളൂരുവിലേക്ക് കൊണ്ടുപോകാന് ശ്രമിച്ചത് ബഹളത്തില് കലാശിച്ചു. വിപിന് യുവതിയെ വിവാഹം ചെയ്യാമെന്ന് സമ്മതം അറിയിച്ചെങ്കിലും സെറീന കൂട്ടാക്കിയില്ല. തുടര്ന്ന് പോലീസ് സ്ഥലത്തെത്തുകയായിരുന്നു. കസ്റ്റഡിയിലുള്ളവരെ പോലീസ് വിശദമായി ചോദ്യം ചെയ്തുവരുകയാണ്. ബംഗ്ലാദേശ് സ്വദേശിയാണെന്നതിനുള്ള രേഖകളൊന്നും ഇവരുടെ പക്കലില്ലെന്നു…
Read Moreസിനിമയെ വെല്ലുന്ന ചേസിംഗ്; ശുചിമുറിമാലിന്യം തള്ളിയവരെ നാട്ടുകാർ പിന്തുടർന്നു പിടികൂടി പോലീസിന് കൈമാറി
പാലാ: റോഡരികില് ശുചിമുറിമാലിന്യം തള്ളിയവരെ പിടികൂടാന് കിലോമീറ്ററുകള് നീണ്ട കാര് ചേസിംഗ്. പാലാ കടപ്പാട്ടൂര് ബൈപ്പാസിലാണ് രാത്രിയുടെ മറവില് ടാങ്കറിലെത്തിച്ച് മാലിന്യം തള്ളിയത്. നാട്ടുകാര് പിന്തുടര്ന്നതോടെ ഓടിച്ചുപോയ ടാങ്കറിനെ ഗാന്ധിനഗറില് വച്ചാണ് പോലീസ് കസ്റ്റഡിയിലെടുത്തത്. സംഭവത്തിൽ ആലപ്പുഴ പൂച്ചാക്കല് സ്വദേശികളായ രണ്ടുപേരെ പാലാ പോലിസീനു കൈമാറി കോട്ടയം റോഡില് നിന്നും പാലാ ടൗണില് പ്രവേശിക്കാതെ പൊന്കുന്നം റോഡിലേയ്ക്കുള്ള കടപ്പാട്ടൂര് ബൈപ്പാസിലാണ് സ്ഥിരമായി ശുചിമുറിമാലിന്യം തള്ളുന്നത്. പരാതികള് നൽകിയിട്ടും ഇതു തുടര്ന്നതോടെയാണ് ജനങ്ങള് നിരീക്ഷണം ശക്തമാക്കിയത്. ഇതിനിടെയാണ് ബുധനാഴ്ച രാത്രി മാലിന്യം തള്ളുന്നത് പ്രദേശവാസികള് ശ്രദ്ധിച്ചത്. ഇവര് അടുത്തെത്തിയതോടെ ടാങ്കര് ഓടിച്ചുപോവുകയായിരുന്നു.പഞ്ചായത്ത് പ്രസിഡന്റിനെ വിവരം അറിയിച്ചതിനെത്തുടര്ന്ന് സംഭവം കണ്ടവര് ടാങ്കറിനെ പിന്തുടര്ന്നു. കിടങ്ങൂര്, ഏറ്റുമാനൂര് പോലീസ് സ്റ്റേഷനുകളില് ഇവര് വിവരം അറിയിച്ചു. ലോറി മണര്കാട് എത്തിയ ശേഷം ചെറുവഴികളിലൂടെ എംസി റോഡിലും പിന്നീട് കോട്ടയം ടൗണിലുമെത്തി. കാര് പിന്തുടരുന്നതു…
Read Moreകാത്തിരുന്നു കിട്ടിയ റോഡ് മാസങ്ങൾക്കകം തകർന്നു; റീ ടാർ ചെയ്യണമെന്നു നാട്ടുകാർ
അന്പലപ്പുഴ: നാട്ടുകാർ കാത്തിരുന്ന റോഡ് യാഥാർഥ്യമായി. എന്നാൽ, നിർമാണം പൂർത്തിയായി മാസങ്ങൾ പിന്നിട്ടപ്പോൾ റോഡ് തകർന്നു. ഉദ്ഘാടനം പോലും ചെയ്യാത്ത റോഡിൽ പലയിടത്തും ടാർ ഇളകി. നിർമാണത്തിൽ അഴിമതി ആരോപിച്ച് നാട്ടുകാർ. അമ്പലപ്പുഴ വടക്ക് പഞ്ചായത്ത് കാക്കാഴം മുരളി മുക്ക് മുതൽ ദേശീയ പാത വരെയുള്ള റോഡാണ് തകർന്നത്. റീ ബിൽഡ് കേരള പദ്ധതിയിലുൾപ്പെടുത്തി 64 ലക്ഷം രൂപാ ചെലവിലാണ് 800 മീറ്റർ റോഡ് പുനർ നിർമിക്കാൻ തീരുമാനിച്ചത്. നിർമാണത്തിനായി 2 വർഷം മുൻപ് റോഡ് പൊളിച്ചിട്ടതാണ്. പിന്നീട് കാൽനട യാത്ര പോലും സാധിക്കാത്ത സ്ഥിതിയായി. വർഷങ്ങൾ കഴിഞ്ഞിട്ടും റോഡ് നിർമാണം ആരംഭിക്കാത്തതിൽ പ്രതിഷേധിച്ച് നാട്ടുകാർ ഏതാനും മാസം മുമ്പ് അമ്പലപ്പുഴ ബ്ലോക്ക് പഞ്ചായത്ത് ഓഫീസ് ഉപരോധിക്കുകയും ചെയ്തു. ഒടുവിൽ എംഎൽഎ ഇടപെട്ട് വിളിച്ചു ചേർത്ത യോഗത്തിനു ശേഷമാണ് ടാറിംഗ് ജോലികൾ ആരംഭിച്ചത്. മാസങ്ങൾക്കുമുൻപ് ടാറിംഗ്…
Read More