മൂന്നാർ: കഴിഞ്ഞ ദിവസം കൊന്പുകോർത്ത് ജനവാസ മേഖലകളെ വിറപ്പിച്ച കാട്ടുകൊന്പൻമാർ വീണ്ടും വീടുകൾക്കു സമീപം നിലയുറപ്പിച്ചു. മൂന്നാറിലെ നയമക്കാട് എസ്റ്റേറ്റിൽ കഴിഞ്ഞ ദിവസം ഏറ്റുമുട്ടിയ പടയപ്പയും ഒറ്റക്കൊന്പനും ആണ് ബുധനാഴ്ച വൈകുന്നേരത്തോടെ കന്നിമല എസ്റ്റേറ്റിലെ ലയങ്ങൾക്കു സമീപം എത്തിയത്. കന്നിമല എസ്റ്റേറ്റിലെ ലോവർ ഡിവിഷനിൽ നിലയുറപ്പിച്ചതോടെ തൊഴിലാളികളും ആശങ്കയിലായി. രണ്ട് ആനകളെയും നിരീക്ഷിച്ച് ആർആർടി സംഘം സമീപത്തുതന്നെ തുടരുന്നുണ്ട്. ചൊവ്വാഴ്ച രാവിലെയാണ് രണ്ടു കൊന്പൻമാരും നയമക്കാട് എസ്റ്റേറ്റിൽ ഏറ്റുമുട്ടിയത്. ബുധനാഴ്ച രാവിലെ കന്നിമലയ്ക്കു സമീപം എത്തിയ കൊന്പമാർ ഏതാനും മീറ്ററുകൾക്ക് അപ്പുറം മാത്രം നിലയുറപ്പിച്ചിരിക്കുകയാണ്. ചിന്നക്കനാലിൽ ചക്കക്കൊന്പൻ, മുറിവാലൻ എന്നീ വിളിപ്പേരുകൾ ഉള്ള കൊന്പൻമാർ തമ്മിലുള്ള ഏറ്റുമുട്ടലിൽ മുറിവാലൽ ഞായറാഴ്ച ചരിഞ്ഞിരുന്നു.
Read MoreCategory: Edition News
ഇന്ന് ദേശീയ അധ്യാപകദിനം; വിരമിച്ചിട്ടും പാവകളിയിലൂടെ ബോധനവിദ്യയുമായി ക്ലാസ് മുറികളിൽ സജീവമായി ജോസഫ് സാർ
പത്തനംതിട്ട: അധ്യാപക ജീവിതത്തിന്റെ തുടക്കത്തിൽ പരിശീലിച്ച പാവകളി എന്ന കലാരൂപത്തെ റിട്ടയർമെന്റ് ജീവിതത്തിലും എം.എം. ജോസഫ് മേക്കൊഴൂർ ക്ലാസ് മുറികളിലേക്ക് എത്തിച്ചു ശ്രദ്ധേയനാണ്.1993 ലാണ് ബോധനമാധ്യമമെന്ന നിലയിൽ പാവനാടകത്തെ ജോസഫ് സാർ സ്വീകരിക്കുന്നത്. ന്യൂഡൽഹി സിസിആർടി(സെന്റർ ഫോർ കൾച്ചറൽ റിസോഴ്സസ് ആൻഡ് ട്രെയിനിംഗ്)യിൽ നിന്നാണ് പപ്പട്രി ഫോർ എഡ്യുക്കേഷൻ എന്ന വിഷയത്തിൽ പ്രത്യേക പരിശീലനം നേടുന്നത്. സ്വന്തം ക്ലാസ് മുറികളിൽ ഈ ബോധനവിദ്യ പ്രയോജനപ്പെടുത്തിയതോടൊപ്പം രാജ്യത്തെ മറ്റു വിദ്യാലയങ്ങളിലും അധ്യാപകപരിശീലന കേന്ദ്രങ്ങളിലും ഈ വിദ്യ പരിചയപ്പെടുത്തുന്നതിൽ അദ്ദേഹം പിശുക്കു കാട്ടിയില്ല. എൻഎസ്എസ്, സ്കൗട്ട്, അങ്കണവാടി, ടിടിഐ, ബിഎഡ്, സ്കൂളുകൾ തുടങ്ങിയവയിലൂടെ അഞ്ഞൂറിലധികം ശില്പശാലകൾക്കു നേതൃത്വം നൽകിയിട്ടുണ്ട്.പത്തനംതിട്ട തൈക്കാവ് ഗവൺമെന്റ് എച്ച്എസ്എസിൽ നിന്ന് 2021ലാണ് വിരമിച്ചത്. സ്കൂളുകളിൽ ജോലി നോക്കുന്പോഴും പാവകളിയിലൂടെ എം.എം. ജോസഫിന്റെ ക്ലാസുകൾ ശ്രദ്ധേയമായിരുന്നു. ദീർഘകാലം സേവനം ചെയ്ത കടമ്മനിട്ട ഗവൺമെന്റ് എച്ച്എസ്എസിൽ ഭൈരവി പാവനാടക…
Read Moreടൂറിസം വെള്ളത്തിലായി; നിശ്ചലമായി വേമ്പനാട്ട് കായലോരം; മുന്നൂറോളം ഹൗസ്ബോട്ട് ജീവനക്കാരുടെ കുടുംബം പട്ടിണിയിൽ
കോട്ടയം: കോട്ടയം ടൂറിസത്തില് ഇക്കൊല്ലം കാര്മേഘം പടര്ന്നിരിക്കുന്നു.ജൂണ്, ജൂലൈ മണ്സൂണ് ടൂറിസത്തില് വിദേശികളുടെ വരവ് പതിവിലും കുറവായിരുന്നു. തുടര്ച്ചയായ വെള്ളപ്പൊക്കത്തിന്റെയും പൊതു അവധികളുടെയും ആലസ്യം വിട്ടൊഴിഞ്ഞിട്ടില്ല. ഓഗസ്റ്റ് രണ്ടാം ശനിയിലെ ആലപ്പുഴ നെഹ്റു ട്രോഫി വള്ളംകളി മാറ്റിവച്ചതോടെ കുമരകം സന്ദര്ശം പതിവാക്കിയ ടൂറിസ്റ്റുകള് ബുക്കിംഗ് റദ്ദാക്കി. ഹോട്ടലുകള്, വ്യാപാരസ്ഥാപനങ്ങള്, റിസോര്ട്ടുകള്, ഹൗസ് ബോട്ടുകള് തുടങ്ങി എല്ലാ മേഖലയിലും അപ്രതീക്ഷിത മാന്ദ്യമാണ്. ഓണത്തിന് പകിട്ടും പരിപാടികളും കുറഞ്ഞതും സഞ്ചാരികളുടെ വരവ് കുറയാന് കാരണമായിട്ടുണ്ട്. ആഴ്ചയില് ഒരു ദിവസം പോലും ബുക്കിംഗ് ലഭിക്കാത്ത ഹൗസ് ബോട്ടുകള് വേമ്പനാട്ട് കായല്തീരത്ത് ഏറെയാണ്. ആലപ്പുഴ മുതല് കുമരകം വരെയുള്ള മുന്നൂറോളം ഹൗസ് ബോട്ടുകളുടെ ജീവനക്കാര്ക്കാണ് ജീവിതം വഴിമുട്ടിയത്. വയനാട് പ്രകൃതിദുരന്തത്തെത്തുടര്ന്ന് സമ്മേളനങ്ങളും ചടങ്ങുകളും മുടങ്ങിയതും റിസോര്ട്ടുകള്ക്ക് തിരിച്ചടിയായി. ടൂറിസ്റ്റ് ഗൈഡുകള്ക്കും ഹോട്ടല് ജീവനക്കാര്ക്കും ഓണക്കാലത്ത് വരുമാനം നഷ്ടപ്പെട്ടു. വള്ളംകളി വൈകിയതിനാല് ഇക്കൊല്ലം വിദേശടൂറിസ്റ്റുകള്…
Read Moreഹെലികോപ്റ്റര് അപകടത്തിൽ മരിച്ച പൈലറ്റ് വിപിന് ബാബുവിന് നാടിന്റെ അന്ത്യാഞ്ജലി
മാവേലിക്കര: ഗുജറാത്തിലെ പോര്ബന്തറില് രക്ഷാപ്രവര്ത്തനത്തിനനെത്തിയ കോസ്റ്റ് ഗാര്ഡിന്റെ ഹെലികോപ്റ്റര് അടിയന്തര ലാന്ഡിംഗിനിടെ കടലില് പതിച്ച് മരിച്ച മലയാളി പൈലറ്റ് കണ്ടിയൂര് പറക്കടവ് നന്ദനത്തില് വിപിന് ബാബുവിന് നാടിന്റെ അന്ത്യാഞ്ജലി. വൈകിട്ട് ആറരയോടെ കണ്ടിയൂര് ശ്മശാനത്തില് ഔദ്യോഗിക ബഹുമതികളോടെ സംസ്കാരം നടത്തി. മകന് സെനിത്ത് ചിതയ്ക്കു തീകൊളുത്തി. കോസ്റ്റ്ഗാര്ഡിന്റെ കൊച്ചിയിലെ ഡിസ്ട്രിക്ട് കമാന്ഡര് ഡിഐജി എന്. രവിയുടെ നേതൃത്വത്തിലുള്ള നൂറോളം വരുന്ന ഉദ്യോഗസ്ഥരുടെ നേതൃത്വത്തിലായിരുന്നു ചടങ്ങുകള് നടന്നത്. മൃതദേഹത്തില് ദേശീയപതാക പുതപ്പിച്ചു. വീട്ടിലും ശ്മശാനത്തിലും കോസ്റ്റ് ഗാര്ഡും കേരള പോലീസും ഗാര്ഡ് ഓഫ് ഓണര് നല്കി. എം.എസ്. അരുണ്കുമാര് എംഎല്എ, ഡെപ്യൂട്ടി കളക്ടര് ഡി.സി. ദിലീപ് കുമാര്, തഹസീല് എം. ബിജുകുമാര്, ഡെപ്യൂട്ടി തഹസീല്ദാര്മാരായ കെ. സുരേഷ്ബാബു, ജി. ബിനു, നഗരസഭാ കൗണ്സിലര്മാര് അടക്കം നുറുകണക്കിനാളുകള് അന്ത്യോപചാരമര്പ്പിച്ചു. എയര്ഫോഴ്സ് റിട്ട. ഉദ്യോഗസ്ഥന് പരേതനായ ആര്. സി. ബാബുവിന്റെയും ശ്രീലത…
Read Moreബലാത്സംഗ കേസ്; രണ്ടുദിവസത്തെ വാദം പൂർത്തിയായി; നടന്മാരുടെ മുന്കൂര് ജാമ്യാപേക്ഷയില് കോടതി വിധി നാളെ
കൊച്ചി: ബലാത്സംഗ കേസില് നടനും എംഎല്എയുമായ മുകേഷ്, ഇടവേള ബാബു, അഭിഭാഷകനായ ചന്ദ്രശേഖരന് എന്നിവര് നല്കിയ മുന്കൂര് ജാമ്യാപേക്ഷയില് വാദം പൂര്ത്തിയാക്കി കോടതി നാളെ വിധി പറയും. മണിയന്പിള്ള രാജുവിനെതിരേ ജാമ്യം ലഭിക്കാവുന്ന കുറ്റമാണ് ചുമത്തിയതെന്ന് കണ്ടെത്തി ഹര്ജി തീര്പ്പാക്കി. പ്രതികള്ക്ക് ജാമ്യം നല്കുന്നതിനെ പ്രോസിക്യൂഷന് ശക്തമായി എതിര്ത്തു. മുകേഷ്, ഇടവേള ബാബു, അഡ്വ. ചന്ദ്രശേഖരന്, മണിയന്പിള്ള രാജു എന്നിവരുടെ മുന്കൂര് ജാമ്യപേക്ഷ എറണാകുളം പ്രിന്സിപ്പല് സെഷന്സ് കോടതിയാണ് പരിഗണിച്ചത്. രണ്ട് ദിവസമായി നടന്ന രഹസ്യവാദത്തെ തുടര്ന്നാണ് നാളെ വിധി പറയാന് മാറ്റിയത്. പ്രതികളെ കസ്റ്റഡിയിലെടുത്ത് ചോദ്യം ചെയ്യണമെന്നും ജാമ്യം നല്കരുതെന്നുമാണ് പ്രോസിക്യൂഷന് നിലപാടെടുത്തത്. മണിയന് പിള്ള രാജുവിനെതിരേ ഫോര്ട്ടുകൊച്ചി പോലീസ് രജിസ്റ്റര് ചെയ്ത കേസ് ജാമ്യം ലഭിക്കാവുന്ന കുറ്റക്യത്യമായതിനാല് അത് രേഖപെടുത്തിയ കോടതി ഹര്ജി തീര്പ്പാക്കി. മറ്റ് മൂന്നു ഹര്ജികളാണ് വിശദമായ വാദം കേട്ട് നാളെ…
Read Moreപീഡന പരാതിയില് നടന്മാരുടെ അറസ്റ്റ് ഉടനില്ല; പരാതിക്കാരികളുടെ മൊഴിയെടുത്തശേഷം അടുത്ത നടപടി; അലന്സിയറിനെതിരേയും കേസ്
കൊച്ചി; പീഡന പരാതിയില് നടന്മാരുടെ അറസ്റ്റ് ഉടന് ഉണ്ടാവില്ല. എറണാകുളം ഊന്നുകല്, ചെങ്ങമനാട് പോലീസ് സ്റ്റേഷനുകളില് രജിസ്റ്റര് ചെയ്ത എഫ്ഐആര് ഇന്നലെ നടിമാരുടെ പരാതികള് അന്വേഷിക്കുന്ന പ്രത്യേക അന്വേഷണ സംഘത്തിന് (എസ്ഐടി)ക്ക് കൈമാറിയിരുന്നു. പരാതിക്കാരികളുടെ മൊഴി രേഖപ്പെടുത്തിയ ശേഷമായിരിക്കും അടുത്ത നടപടികളിലേക്ക് കടക്കാനാണ് പ്രത്യേക അന്വേഷണ സംഘത്തിന്റെ നീക്കം. എസ്പി ഐശ്വര്യ ഡോങ്റേയ്ക്കാണ് രണ്ടു കേസിന്റെയും അന്വേഷണ ചുമതല. അലന്സിയറിനെതിരേയും ലൈംഗികാതിക്രമത്തിന് കേസ്നടന് അലന്സിയറിനെതിരേ ലൈംഗികാതിക്രമത്തിന് എറണാകുളം ചെങ്ങമനാട് പോലീസ് കേസെടുത്തു. യുവനടിയുടെ പരാതിയില് ഐപിസി 354 വകുപ്പ് പ്രകാരമാണ് കേസ് എടുത്തിരിക്കുന്നത്. 2017ല് ബംഗളൂരുവിലെ സിനിമ സെറ്റില് വച്ച് ലൈംഗിക അതിക്രമം കാട്ടിയെന്നാണ് പരാതി.
Read Moreതൃശൂർ ഫർണിച്ചർ ഷോപ്പിൽ വൻ അഗ്നിബാധ: കോടികളുടെ നഷ്ടം; ശക്തമായ മഴയുണ്ടായതിനാൽ സമീപ പ്രദേശത്തേക്ക് തീ പടർന്നില്ല
ഒല്ലൂർ: മരത്താക്കര കുഞ്ഞനംപാറയിൽ ഫർണിച്ചർ സ്ഥാപനത്തിൽ വൻ അഗ്നിബാധ; കോടികളുടെ നഷ്ടം കണക്കാക്കുന്നു. ഇന്നു പുലർച്ചെ രണ്ടു മണിയോടെയാണ് അഗ്നിബാധയുണ്ടായത്. ഡി റ്റൈയിൽ സ്ഥാപനത്തിലാണ് അഗ്നിബാധയുണ്ടായത്. തീ പടരുന്നതുകണ്ട് സ്ഥാപനത്തിലെ സെക്യൂരിറ്റി ജീവനക്കാരാണ് അഗ്നിശമന സേനയെ വിവരം അറിയിച്ചത്. ഷോറൂം പൂർണമായും കത്തിനശിച്ചു. ഷോറുമിനോടു ചേർന്നു പ്രവർത്തിക്കുന്ന ഫർണീച്ചർ നിർമാണ ശാലയിൽ നിന്നാണ് തീ പടർന്നതെന്നാണ് കരുതുന്നത്. ഷോറുമും നിർമാണ ശാലയും പൂർണമായും കത്തിനശിച്ചു. ടിന്നർ സൂക്ഷിച്ചിരിന്ന ഭാഗത്തേക്ക് തീപടരും മുൻപ് തീ നിയന്ത്രണ വിധേയമാക്കി. മണിക്കുറുകൾ നീണ്ട പരിശ്രമത്തിനൊടുവിലാണ് തീ പൂർണമായും അണച്ചത്. തൃശൂർ, പുതുക്കാട്, ചാലക്കുടി, വടക്കാഞ്ചേരി എന്നിവിടങ്ങളിൽനിന്ന് ആറ് യൂണിറ്റ് ഫയർ ഫോഴ്സ് എത്തിയാണു തീയണച്ചത്. സംഭവ സമയത്തു ശക്തമായ മഴയുണ്ടായതിനാൽ തീ മറ്റിടങ്ങളിലേക്കു വ്യാപിച്ചില്ല.
Read Moreചിന്നക്കനാലില് ചക്കക്കൊമ്പന് വീട് തകര്ത്തു; വീട്ടില് ആളില്ലാതിരുന്നതിനാല് വന് അപകടം ഒഴിവായി; പ്രതിഷേധിച്ച് നാട്ടുകാർ
ഇടുക്കി: ചിന്നക്കനാലില് വീണ്ടും ചക്കക്കൊമ്പന്റെ ആക്രമണം. ആദിവാസികളെ പുനരധിവസിപ്പിച്ചിരിക്കുന്ന 301 കോളനിയിലെ വീടിനു നേരെയാണ് ചക്കക്കൊമ്പന്റെ ആക്രമണമുണ്ടായത്. ഇന്നു പുലര്ച്ചെ മൂന്നോടെ എത്തിയ കാട്ടാന വീട് ഇടിച്ചു തകര്ക്കുകയായിരുന്നു. 301 കോളനി സ്വദേശിയായ സോമി സെബാസ്റ്റ്യന്റെ വീടാണ് തകര്ത്തത്. ഇന്നലെ രാത്രിയോടെ എത്തിയ ചക്കക്കൊമ്പന് 301 സമീപം കോളനിക്കു സമീപം തമ്പടിച്ചിരിക്കുകയായിരുന്നു. പിന്നീടാണ് പുലര്ച്ചെ വീട് ഇടിച്ചു തകര്ത്തത്. വീടിന്റെ മുന്വശത്തെ ഭിത്തി പൂര്ണമായും തകര്ന്നു. വീട്ടില് ആളില്ലാതിരുന്നതിനാല് വന് അപകടം ഒഴിവായി. ആശുപത്രി ആവശ്യങ്ങള്ക്കായി ഇവര് പോയിരുന്നതിനാലാണ് കാട്ടാനയുടെ ആക്രമണത്തില് നിന്നും രക്ഷപ്പെടാനായത്. ചക്കക്കൊമ്പന് പുറമെ മറ്റൊരു കാട്ടാനക്കൂട്ടവും പ്രദേശത്ത് തമ്പടിച്ചിട്ടുണ്ട്. സംഭവമറിഞ്ഞ് ആര്ആര്ടി സംഘം സ്ഥലത്തെത്തിയിട്ടുണ്ട്. കഴിഞ്ഞ ദിവസം ചക്കക്കൊമ്പനുമായി ഏറ്റമുട്ടിയ മുറിവാലന് കൊമ്പന് ചരിഞ്ഞിരുന്നു. പ്രദേശ വാസികളെ ഭീതിയിലാഴ്ത്തി കാട്ടാനശല്യം അതിരൂക്ഷമായി തുടരുന്പൊഴും 301 മേഖലയില് സുരക്ഷാസംവിധാനങ്ങള് ഒരുക്കാത്തതിനെതിരെ നാട്ടുകാരുടെ പ്രതിഷേധവും ശക്തമാണ്.
Read Moreതടിയന്റവിട നസീർ പരോളിൽ; അച്ഛന്റെ മരണാനന്തര കർമങ്ങളിൽ പങ്കെടുക്കാനാണ് ഏഴുദിവസത്തെ പരോളിൽ കണ്ണൂരിലെത്തിയത്
കണ്ണൂർ: ബംഗളൂരു സ്ഫോടനക്കേസിൽ പരപ്പന അഗ്രഹാര ജയിലിൽ ശിക്ഷയനുഭവിക്കുന്ന കണ്ണൂർ മരക്കാർകണ്ടിയിലെ ബൈത്തുൽ ഹിലാലിൽ തടിയന്റവിട നസീറിന് ബംഗളൂരു കേടതി ഒരാഴചത്തേക്ക് പരോൾ അനുവദിച്ചു. നസീറിന്റെ പിതാവ് മരക്കാർക്കണ്ടിയിലെ അബ്ദുൾ മജീദ്(72) കഴിഞ്ഞ ദിവസം മരിച്ചിരുന്നു. മരണാനന്തര കർമങ്ങളിൽ പങ്കെടുക്കാനാണ് ഏഴുദിവസത്തെ പരോൾ കോടതി അനുവദിച്ചത്. മരക്കാർക്കണ്ടിയിലെ വീട്ടുപരിസരത്ത് വൻ സുരക്ഷയാണ് പോലീസ് ഒരുക്കിയത്. കണ്ണൂർ സിറ്റി പോലീസിന്റെ നേതൃത്വത്തിൽ പട്രോളിംഗും ശക്തമാക്കി. കാഷ്മീർ റിക്രൂട്ട്മെന്റ് കേസ്, 2008 ലെ ബംഗളൂരു സ്ഫോടന പരമ്പര, മുൻ മുഖ്യമന്ത്രി ഇ.കെ. നായനാർ വധശ്രമം, കാച്ചപ്പള്ളി ജ്വല്ലറി കവർച്ച, കോഴിക്കോട് ഇരട്ട സ്ഫോടനക്കേസ്, കളമശേരിയിൽ ബസ് കത്തിച്ച സംഭവം തുടങ്ങിയ കേസുകളിൽ നസീർ പ്രതിയാണ്.
Read Moreവാടകയ്ക്ക് ഓടിച്ച ഓട്ടോറിക്ഷ ഉടമ വിറ്റതിൽ മാനസിക സംഘർഷം; ഒറ്റപ്പാലത്ത് യുവാവ് ട്രെയിൻ തട്ടി മരിച്ച നിലയിൽ
പാലക്കാട്: ഒറ്റപ്പാലത്ത് യുവാവിനെ ട്രെയിൻ തട്ടി മരിച്ച നിലയിൽ കണ്ടെത്തി. ഒറ്റപ്പാലം പാലപ്പുറം എസ്ആർകെ നഗർ താണിക്കപ്പടി വീട്ടിൽ നിഷാദാണ് (41) മരിച്ചത്. വാടകയ്ക്ക് ഓടിച്ചു ഉപജീവനമാർഗം കണ്ടെത്തിയിരുന്ന ഓട്ടോറിക്ഷ ഉടമ വിറ്റതോടെ നിഷാദ് മാനസിക സംഘർത്തിലായിരുന്നുവെന്ന് പോലീസ് പറയുന്നു. സ്വകാര്യ പണമിടപാട് സ്ഥാപനങ്ങളിൽ നിഷാദിന് സാന്പത്തിക ബാധ്യതയുണ്ടായിരുന്നു. ഇതിന് പിന്നാലെയാണ് ഒറ്റപ്പാലം മീറ്റ്നയിൽ വച്ച് നിഷാദിനെ ട്രെയിൻ തട്ടി മരിച്ച നിലയിൽ കണ്ടെത്തിയത്. മൃതദേഹം ഒറ്റപ്പാലം താലൂക്ക് ആശുപത്രി മോർച്ചറിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.
Read More