കോട്ടയം: ഗ്രാമീണ ടൂറിസത്തിന്റെ ഏറ്റവും സുന്ദരകേന്ദ്രമായ മലരിക്കലിലേക്ക് സഞ്ചാരികളുടെ ഒഴുക്ക്. തിരുവാര്പ്പ് പഞ്ചായത്തിലെ മലരിക്കലിലെ ആമ്പല്വസന്തം തദ്ദേശീയ ടൂറിസം വരുമാനത്തിന്റെ പുത്തന് മാതൃകയായിരിക്കുകയാണ്. കഴിഞ്ഞ വര്ഷം മൂന്നു മാസംകൊണ്ടു 1.5 കോടി രൂപ വരുമാനമാണ് ലഭിച്ചത്. നെല്പ്പാടത്തെ കളയായ ആമ്പല് മലരിക്കല് നിവാസികള്ക്ക് വരുമാനത്തിന്റെയും വിളയായി മാറിയിരിക്കുകയാണ്. ശനി, ഞായര് ദിവസങ്ങളിലും അവധി ദിനങ്ങളിലുമാണ് തിരക്കേറെ. 1850 ഏക്കര് വരുന്ന ജെ ബ്ലോക്ക് ഒമ്പതിനായിരം പാടത്തും 650 ഏക്കര് വരുന്ന തിരുവായ്ക്കരി പാടത്തുമുള്ള ആമ്പല് വസന്തം മീനച്ചിലാര് -മീനന്തറയാര്- കൊടൂരാര് നദീപുനര്സംയോജന പദ്ധതിയുടെ ഭാഗമായുള്ള ജനകീയ കൂട്ടായ്മയാണ് മലരിക്കല് ആമ്പല് ഫെസ്റ്റ് എന്ന പേരില് പൂക്കളുടെ ഉത്സവം വരുമാനമാര്ഗമാക്കി മാറ്റിയത്. രാവിലെ ആറു മുതല് 10 വരെയാണ് മലരിക്കലില് ആളുകള് എത്തുന്നത്. ഏഴു മുതല് ഒമ്പതു വരെയാണ് കാഴ്ചയ്ക്ക് ഏറ്റവും നല്ലത്. 10നു ശേഷം പൂക്കള് വാടും.…
Read MoreCategory: Edition News
കണ്ണൂരിൽ മൊയ്തു പാലത്തിൽ ആംബുലൻസും ഫയർഫോഴ്സ് വാഹനവും കൂട്ടിയിടിച്ചു; ആംബുലൻസ് ഡ്രൈവർ മരിച്ചു
എടക്കാട് (കണ്ണൂർ): മൃതദേഹവുമായി പോകുകയായിരുന്ന ആംബുലൻസും ഫയർഫോഴ്സ് വാഹനവും കൂട്ടിയിടിച്ച് ആംബുലൻസ് ഡ്രൈവർ മരിച്ചു. മൂന്നുപേർക്ക് പരിക്കേറ്റു. പരിയാരത്തെ ആംബുലൻസ് ഡ്രൈവറായ ഏഴോം കൊട്ടില സ്വദേശി കെ. മിഥുനാണ് (38) മരിച്ചത്. വടക്കുമ്പാട് കൂളിബസാറിലെ പോത്തോടയില് പി. സിന്ധു(48), പ്രവീണ്, സുകേഷ് എന്നിവര്ക്കാണ് പരിക്കേറ്റത്. ഇവരെ തലശേരി സഹകരണ ആശുപത്രിയിൽ പ്രവേശിപ്പിച്ചു. ഇന്നലെ രാത്രി 11 ഓടെ ധർമടം മൊയ്തുപാലത്തിലായിരുന്നു അപകടം. തീപിടിത്തം ഉണ്ടായ മുഴപ്പിലങ്ങാട് കുളം ബസാറിലേക്ക് പോകുകായിരുന്ന അഗ്നിരക്ഷാസേനയുടെ വാഹനവും പരിയാരം കണ്ണൂർ ഗവ. മെഡിക്കൽ കോളജിൽനിന്നു പാലയാട് അണ്ടല്ലൂര്കാവിന് സമീപത്തെ ഹരിദാസ് എന്നാളുടെ മൃതദേഹവുമായി പോയ ആംബുലൻസുമാണ് കൂട്ടിയിടിച്ചത്. അപകടത്തിൽ ആംബുലൻസ് പൂർണമായും തകർന്നു. അപകടം നടന്നയുടനെ മിഥുനെ തലശേരി സഹകരണ ആശുപത്രിയിൽ എത്തിച്ചിരുന്നുവെങ്കിലും മരിക്കുകയായിരുന്നു. അപകടത്തിൽ അഗ്നിരക്ഷാ സേനാംഗങ്ങൾക്ക് പരിക്കില്ല. പരിക്കേറ്റ സുകേഷും സിന്ധുവും ഹരിദാസന്റെ മക്കളാണ്. പ്രവീൺ മറ്റൊരു…
Read Moreമുളകുപൊടിയെറിഞ്ഞ് വയോധികയെ പീഡിപ്പിച്ച ശേഷം ആഭരണം കവർന്നു; സുധാലയത്തില് ധനീഷിനെ അകത്താക്കി പോലീസ്
കായംകുളം: ഒറ്റയ്ക്കു താമസിക്കുന്ന വയോധികയെ വീടിനുള്ളില് അതിക്രമിച്ചുകയറി ഒളിച്ചിരുന്നശേഷം കണ്ണില് മുളകുപൊടിയെറിഞ്ഞ് ഉപദ്രവിക്കുകയും ആഭരണങ്ങളും മൊബൈല് ഫോണും അപഹരിക്കുക യും ചെയ്ത പ്രതി പിടിയില്. കായംകുളം കണ്ടല്ലൂര്തെക്ക് കാട്ടുപുരയ്ക്കല് സുധാലയത്തില് ധനീഷ് (29) ആണ് കനകക്കുന്ന് പോലീസിന്റെ പിടിയിലായത്. കഴിഞ്ഞദിവസം രാത്രിയിലാ യിരുന്നു സംഭവം. വയോധിക അറിയാതെ അകത്തുകയറി ഒളിച്ചിരുന്ന ഇയാള് രാത്രിയില് വയോധികയെ മുളകുപൊടി എറിഞ്ഞ് ശാരീരികമായി ഉപദ്രവിക്കുകയായിരുന്നു. തുടര്ന്ന് ഭീഷണിപ്പെടുത്തി സ്വര്ണാഭരണവും മൊബൈല് ഫോണും പിടിച്ചുവാങ്ങിയ ശേഷം വയോധികയെ വീട്ടിനുള്ളിലാക്കി വാതില് പൂട്ടിയ ശേഷം മുങ്ങുകയായിരുന്നു. കതകുകള് തുറക്കാത്തതിനെത്തുടര്ന്ന് പരിസരവാസികള് പോലീസിനെ വിവരം അറിയിക്കുകയും പോലീസെത്തി കതകു തുറന്നു വയോധികയെ രക്ഷിക്കുകയായിരുന്നു. തുടര്ന്നാണ് ആക്രമണ സംഭവം സംബന്ധിച്ച് വയോധിക പോലീസിനു മൊഴി നല്കിയത്. പിടിയിലായ പ്രതി മുമ്പു പോലീസിനെ ആക്രമിച്ച കേസിലും പ്രതിയാണെന്ന് കനകക്കുന്ന് പോലീസ് പറഞ്ഞു.
Read Moreകോട്ടയം നഗരസഭയിലെ കോടികളുടെ തട്ടിപ്പ് ; പ്രതി കൊല്ലം സ്വദേശി അഖിൽ കാണാമറയത്ത്; ഒളിവിലെ പ്രതിക്ക് രാഷ്ട്രീയക്കാരുടെ സഹായം ലഭിക്കുന്നതായി സൂചന
കോട്ടയം: കോട്ടയം നഗരസഭയിലെ മൂന്നു കോടി രൂപയുടെ പെന്ഷന് ഫണ്ട് തട്ടിപ്പ് കേസിലെ പ്രതിയെ പിടികൂടാന് കഴിയാതെ പോലീസ്. തട്ടിപ്പ് പുറത്തുവന്നു 16 ദിവസങ്ങള് കഴിഞ്ഞിട്ടും കേസിലെ പ്രതിയായ കൊല്ലം സ്വദേശി അഖില് സി. വര്ഗീസിനെ കണ്ടെത്താന് പോലീസിനു കഴിഞ്ഞിട്ടില്ല. ഇതു പോലീസിനും കോട്ടയം നഗരസഭയ്ക്കും വലിയ നാണക്കേടായി മാറിയിരിക്കുകയാണ്. ഇതിനു പുറമെ തട്ടിപ്പ് നടന്ന പെന്ഷന് ഫണ്ടിന്റെ രണ്ടു വര്ഷത്തെ രേഖകള് നഗരസഭയില്നിന്നും അപ്രത്യക്ഷമായിരിക്കുകയാണ്. അതിനാല് കേസ് അന്വേഷണവും നഷ്ടമായ പണത്തിന്റെ കണക്കും കൃത്യമായി തിട്ടപ്പെടുത്തണമെങ്കില് അഖിലിനെ പിടികൂടിയാല് മാത്രമേ സാധിക്കൂ. ആദ്യം കോട്ടയം വെസ്റ്റ് പോലീസ് കേസ് അന്വേഷിച്ചപ്പോഴും പിന്നീട് കേസ് കോട്ടയം ക്രൈംബ്രാഞ്ചിനു കൈമാറിയപ്പോഴും അഖിലിനെ കണ്ടെത്താന് സാധിച്ചിട്ടില്ല. സംസ്ഥാനത്തിനു പുറത്ത് ഒളിവില് കഴിയുന്ന അഖിലിനു രാഷ്ട്രീയക്കാരുടെ സഹായം ലഭിക്കുന്നതായും സൂചനയുണ്ട്. കഴിഞ്ഞ ഓഗസ്റ്റ് ഏഴിനാണു കോട്ടയം നഗരസഭയിലെ പെന്ഷന് വിഭാഗം ക്ലാര്ക്കായ…
Read Moreസന്ധ്യമയങ്ങിയാൽ നഗരം കൈയടക്കി മദ്യപസഘം; ജഡ്ജിക്കുനേരെ അസഭ്യവർഷം, ബാങ്ക് ജീവനക്കാരന് മർദനം; കാറിലെത്തിയ സംഘത്തെ തിരഞ്ഞ് പോലീസ്
കോട്ടയം: നഗരത്തിൽ മദ്യപസംഘത്തിന്റെ അഴിഞ്ഞാട്ടം. ഇന്നലെ വൈകുന്നേരം 7.30 ഓടെ ഐസിഐസിഐ ബാങ്കിന്റെ കോട്ടയം കുമരകം റോഡി ലുള്ള ബ്രാഞ്ചിനു മുൻപിലായിരുന്നു സംഭവം. മദ്യപിച്ചു കാറിലെത്തിയ യുവാക്കളുടെ സംഘം അക്രമം അഴിച്ചുവിടുകയായിരുന്നു. ബാങ്കിനു മുൻപിൽ കാർ പാർക്കു ചെയ്ത ശേഷം ഇവർ ജീവനക്കാരെയും സമീപത്തുണ്ടായിരുന്ന ആളുകളെയും ചീത്തവിളിക്കുകയായി രുന്നു. സ്ത്രീകളടക്കം നിരവധിയാളുകൾ സഞ്ചരിക്കുന്ന വഴിയിലാണ് യുവാക്കൾ അസഭ്യവർഷം നടത്തി യത്. ഇത് ചോദ്യം ചെയ്ത ബാങ്ക് ജീവനക്കാരനെ ഇവർ മർദിച്ചു. വനിതാ ജീവനകാർക്കു നേരേയും ചീത്തവിളിയുണ്ടായി. മൂന്നു പേരാണ് കാറിലുണ്ടായിരുന്നത്. ഇതിൽ ഒരാൾ വനിതയാണ്. മദ്യലഹരിയിലായിരുന്നു സംഘമെന്നു ദൃക്സാക്ഷികൾ പറഞ്ഞു. സംഭവസമയത്ത് ജില്ലാ സിവിൽ ജഡ്ജി സ്വന്തം വാഹനത്തിൽ സ്ഥലത്തുണ്ടായിരുന്നു. ജഡ്ജിക്കു നേരേയും യുവാക്കൾ അസഭ്യവർഷം നടത്തി. തുടർന്ന് ബാങ്ക് ജീവനക്കാർ കൺട്രോൾ റൂമിൽ വിവരം അറിയിച്ചു. പോലീസ് എത്തുമെന്ന് മനസിലാക്കിയതോടെ യുവാക്കൾ വാഹനം തള്ളി സ്റ്റാർട്ടാക്കി…
Read Moreകോട്ടയം മെഡിക്കൽ കോളജിലെ ചാർജ് വർധനവ് മന്ത്രി വാസവന്റെ അറിവോടെ; നിരക്ക് വർധനവ് പിൻവലിക്കണമെന്ന് യൂത്ത് കോൺഗ്രസ്
ഗാന്ധിനഗര്: കോട്ടയം മെഡിക്കൽ കോളജിൽ ഐസിയുവിന് 500 രൂപയും വെന്റിലേറ്ററിന് 750 രൂപയും രോഗികളില്നിന്ന് ഈടാ ക്കാനു ള്ള തീരുമാനം ഉടന് പിന്വലിക്കണമെന്ന് ആവശ്യപ്പെട്ട് യൂത്ത് കോണ്ഗ്രസ് ജില്ലാ കമ്മിറ്റിയുടെ നേതൃത്വത്തില് മെഡിക്കല് കോളജ് സൂപ്രണ്ട് ഓഫീസ് ഉപരോധിച്ചു. ഡിസിസി ജനറല് സെക്രട്ടറി എം. മുരളി സമരം ഉദ്ഘാടനം ചെയ്തു. മെഡിക്കല് കോളജ് വികസന സമിതി ജനങ്ങളില്നിന്ന് പിരിക്കുന്ന പണം അനധികൃതമായി നടത്തിയ രാഷ്ട്രീയ നിയമനങ്ങള്ക്ക് ശമ്പളം നല്കാനും ധൂര്ത്തടിക്കാനും വേണ്ടിയാണ് വിനിയോഗിക്കുന്നതെന്നും തീരുമാനങ്ങള് എടുക്കുന്നതിനു മന്ത്രി വി.എന്. വാസവന് കൂട്ടുനില്ക്കുകയാണെന്നും എം. മുരളി പറഞ്ഞു. യൂത്ത് കോണ്ഗ്രസ് ജില്ലാ പ്രസിഡന്റ് ഗൗരിശങ്കര് അധ്യക്ഷത വഹിച്ചു. ഡിസിസി ജനറല് സെക്രട്ടറി ജോബിന് ജേക്കബ്, ഏറ്റുമാനൂര് കോണ്ഗ്രസ് നിയോജകമണ്ഡലം പ്രസിഡന്റ് സോബിന് തെക്കേടം, യൂത്ത് കോണ്ഗ്രസ് സംസ്ഥാന സെക്രട്ടറി രാഹുല് മറിയപ്പള്ളി തുടങ്ങിയവർ പ്രസംഗിച്ചു.
Read Moreഹേമ കമ്മിറ്റി റിപ്പോർട്ട്; അമ്മയുടെ പ്രതികരണം വൈകിയെന്ന് നടന് ജയന് ചേര്ത്തല; ആഷിക് അബു, സാന്ദ്രാ, ചിന്മയി എന്നിവരുടെ പ്രതികരങ്ങൾ ഇങ്ങനെ…
ഹേമ കമ്മിറ്റി റിപ്പോര്ട്ടില് അമ്മയുടെ പ്രതികരണം വൈകിയെന്നാണ് വൈസ് പ്രസിഡന്റ് ജയന് ചേര്ത്തല പ്രതികരിച്ചത്, വിഷയത്തില് ഉടന് പ്രതികരണം ഉണ്ടായിരുന്നുവെങ്കില് ഇത്രയധികം ചര്ച്ച ഉണ്ടാകില്ലായിരുന്നു. സംവിധായകന് രഞ്ജിത്തിനെതിരേ അന്വേഷണം നടക്കട്ടെയെന്നും അദ്ദേഹം പറഞ്ഞു. വനടി ശ്രീലേഖ മിത്രയുടെ വെളിപ്പെടുത്തല് തലകുനിച്ച് കേള്ക്കുന്നു: ആഷിക് അബു സംവിധായകനും ചലച്ചിത്ര അക്കാദമി ചെയര്മാനുമായ രഞ്ജിത്തിനെതിരായ നടി ശ്രീലേഖ മിത്രയുടെ വെളിപ്പെടുത്തല് തലകുനിച്ച് കേള്ക്കുന്നുവെന്നാണ് സംവിധായകന് ആഷിക് അബുവിന്റെ പ്രതികരണം. ബംഗാളില്നിന്നു വന്നൊരു സ്ത്രീ കേരളത്തില് ഭയചകിതയായി ഒരു രാത്രി തളളി നീക്കേണ്ടി വന്നിരിക്കുന്നു. നഗ്നമായ മനുഷ്യാവകാശ ലംഘനവും സ്ത്രീയോടുളള അക്രമവുമാണുണ്ടായത്. നടിയുടെ വെളിപ്പെടുത്തലിന്റെ അടിസ്ഥാനത്തില് ശക്തമായ നിയമപരമായ നടപടി എത്രയും പെട്ടന്ന് സ്വീകരിക്കണമെന്നും ആഷിക് അബു ആവശ്യപ്പെട്ടു. മന്ത്രി സജി ചെറിയാന്രാജിവയ്ക്കണം: സാന്ദ്രാ തോമസ് കൊച്ചി: ബംഗാളി നടി ശ്രീലേഖ മിത്രയുടെ ആരോപണത്തില് സംവിധായകന് രഞ്ജിത്തിനെ സംരക്ഷിച്ച മന്ത്രി സജി…
Read Moreഇടവേളകളില്ലാതെ പരാതികൾ..! ‘അഡ്ജസ്റ്റ് ചെയ്താല് അംഗത്വഫീസ് വേണ്ട, അവസരവും കിട്ടും’; ഇടവേള ബാബുവിനെതിരേ ജൂനിയര് ആര്ട്ടിസ്റ്റ്
കൊച്ചി: അമ്മയുടെ മുന് ജനറല് സെക്രട്ടറി ഇടവേള ബാബുവിനെതിരേ രൂക്ഷമായ ആരോപണവുമായി ജൂനിയര് ആര്ട്ടിസ്റ്റ് ജുബിത ആണ്ടിയും രംഗത്തെത്തി. ‘അമ്മ’യില് അംഗത്വ ഫീസിന് പകരം അഡ്ജസ്റ്റ് ചെയ്യാന് ആവശ്യപ്പെട്ടുവെന്നാണ് ജുബിതയുടെ ആരോപണം. അമ്മയില് അംഗത്വ ഫീസിന് പകരം അഡ്ജസ്റ്റ് ചെയ്യാന് പറഞ്ഞു. രണ്ട് ലക്ഷത്തിന് പകരം അഡ്ജസ്റ്റ് ചെയ്യാനാണ് പറഞ്ഞത്. അഡ്ജസ്റ്റ് ചെയ്താല് രണ്ട് ലക്ഷം വേണ്ട അവസരവും കിട്ടും എന്ന് പറഞ്ഞു. അഡ്ജസ്റ്റ് ചെയ്താല് സിനിമയില് ഉയരുമെന്നും ഉപദേശിച്ചു. ഹരികുമാര്, സുധീഷ് എന്നിവരില് നിന്നും മോശം പെരുമാറ്റം ഉണ്ടായി. ഹരികുമാറിന്റെ സിനിമയില് അഭിനയിച്ച് തൊട്ടടുത്ത ദിവസം വരാന് ആവശ്യപ്പെട്ടു. എന്നാല് ഞാന് അത് നിഷേധിച്ചു. ഏതൊരു ലൊക്കേഷനില് പോയാലും കുറച്ച് സമയത്തിനുള്ളില് അഡ്ജസ്റ്റ്മെന്റിനെക്കുറിച്ച് പറയും. അഡ്ജസ്റ്റ് ചെയ്തുള്ള അവസരങ്ങള് വേണ്ടെന്ന് പറഞ്ഞു. ഇപ്പോള് അവസരങ്ങള് ഇല്ല. ഒരുമിച്ച് യാത്ര ചെയ്യാം ടൂര് പോവാം എന്നൊക്കെയാണ് സുധീഷ്…
Read Moreഎയര് ഇന്ത്യ വിമാനത്തിലെ വ്യാജ ബോംബ് ഭീഷണി; പ്രതിയെ കണ്ടെത്താനായില്ല; പോലീസിന്റെ നിരുത്തരവാദിത്വത്തിനെതിരെ വിമാന യാത്രക്കാർ
വലിയതുറ: എയര് ഇന്ത്യയുടെ മുംബൈ-തിരുവനന്തപുരം വിമാനത്തിലുണ്ടായ വ്യാജ ബോംബ് ഭീഷണിയില് ഇതുവരെയും പ്രതിയെ കണ്ടെത്താന് പോലീസിന് കഴിഞ്ഞിെല്ലന്ന് ആക്ഷേപം. ശംഖുമുഖം അസി.കമ്മീഷണറുടെ നേതൃത്വത്തില് വലിയതുറ പോലീസാണ് കേസ് അന്വേഷണം നടത്തുന്നത്. സംഭവവുമായി ബന്ധപ്പെട്ട് തമിഴ്നാട് തേങ്ങാപ്പട്ടണം സ്വദേശിയായ യാത്രക്കാരനെ കസ്റ്റഡിയിലെടുത്ത് ചോദ്യം ചെയ്തെങ്കിലും തുമ്പൊന്നും കണ്ടെത്താന് പോലീസിന് കഴിഞ്ഞിട്ടില്ല. മുംബൈയില് നിന്നും വ്യാഴാഴ്ച പുലര്ച്ചെ 5.45 ന് ടേക്ഓഫ് ചെയ്ത എ.ഐ -657 നമ്പര് വിമാനത്തിലാണ് ബോംബ് ഭീഷണിയുണ്ടായത്. വിമാനത്തിലെ ശൗചാലയത്തില് ടിഷ്യു പേപ്പറില് എഴുതിവച്ച ബോംബ് ഭീഷണി കുറിപ്പ് കാബിന് ക്രൂ കണ്ടെത്തിയതിനെ തുടര്ന്നാണ് വിമാനം തിരുവനന്തപുരത്ത് എമര്ജന്സി ലാന്ഡിങ് നടത്തിയത്. 136 യാത്രക്കാരാണ് വിമാനത്തില് ഉണ്ടായിരുന്നത്. ഇക്കൂട്ടത്തില് ആരൊക്കെയാണ് ശൗചാലയത്തില് പോയിട്ടുളളതെന്ന് വിമാനത്തിനുളളിലെ ദൃശ്യങ്ങള് പരിശോധിച്ചാല് കണ്ടെത്താനാകും. എന്നാല് പോലീസും ബന്ധപ്പെട്ട അധികൃതരും സംഭവത്തെ നിരുത്തരവാദിത്വപരമായി കാണുന്നത് അംഗീകരിക്കാന് കഴിയില്ലെന്നാണ് വിമാന യാത്രികര് പറയുന്നുത്.…
Read Moreചെള്ളുപനി ബാധിച്ച കണ്ണൂർ സ്വദേശി മരിച്ചു; പനിക്ക് കാരണം ശരീരത്തില് പ്രവേശിക്കുന്ന ബാക്ടീരിയ; രോഗം മനുഷ്യരില് നിന്ന് മനുഷ്യരിലേക്ക് പകരില്ല
പരിയാരം: കണ്ണൂരിൽ ചെള്ളുപനി ബാധിച്ച് ചികിത്സയിലായിരുന്ന മധ്യവയസ്കൻ മരിച്ചു. പുരളിമല കോളനിയിലെ കായലോടന് കുമാരനാണ് (50) മരിച്ചത്. ഒരു മാസം മുമ്പ് പനി ബാധിച്ച് രോഗം ഭേദപ്പെട്ട കുമാരന് ഒരാഴ്ച മുമ്പാണ് വീണ്ടും പനി വന്നത്. തുടര്ന്നുള്ള പരിശോധനയില് ചെള്ളുപനിയാണെന്ന് വ്യക്തമായതോടെ കണ്ണൂര് ഗവ.മെഡിക്കല് കോളജിലേക്ക് മാറ്റുകയായിരുന്നു. തുടർന്ന് വെന്റിലേറ്ററില് കഴിയുകയായിരുന്ന കുമാരന് ഇന്നലെ രാത്രിയോടെയാണ് മരിച്ചത്. സ്ക്രൈബ് ടൈഫസ് എന്നറിയപ്പെടുന്ന ചെള്ളുപനിക്ക് കാരണം ചെള്ളുകളിലൂടെ ശരീരത്തില് പ്രവേശിക്കുന്ന ബാക്ടീരിയയാണ്. എലികളിലും മറ്റ് ചില ഉരഗങ്ങളിലും കാണപ്പെടുന്ന ചെള്ളുകള് മനുഷ്യരെ കടിച്ചാല് മാത്രമേ രോഗം പിടിപെടുകയുള്ളൂ. രോഗം മനുഷ്യരില് നിന്ന് മനുഷ്യരിലേക്ക് പകരില്ലെന്ന് മെഡിക്കല് കോളജ് സൂപ്രണ്ട് ഡോ.കെ.സുദീപ് പറഞ്ഞു. ചെള്ളുകടിയേറ്റ ഭാഗത്ത് കറുപ്പ്നിറം പ്രത്യക്ഷപ്പെടും. 14 ദിവസത്തിനകം പനി, തലവേദന, പേശിവേദന, ചുമ, വിറയല് ദഹനമില്ലായ്മ എന്നിവയും രോഗ ലക്ഷണങ്ങളാണ്. ഭാര്യ.എന്.കെ. ഗീത. മക്കള്: അതുല്കുമാര്,ആദര്ശ്,അഞ്ജിമ. …
Read More