തിരുവനന്തപുരം: മലപ്പുറം ജില്ലാ പോലീസ് മേധാവി എസ്. ശശിധരനെ പൊതുവേദിയിൽ അധിക്ഷേപിച്ച നിലമ്പൂര് എംഎല്എ പി.വി. അൻവറിനെതിരേ പ്രമേയം പാസാക്കി ഐപിഎസ് അസോസിയേഷൻ. പി.വി. അൻവര് നടത്തിയ പ്രസ്താവന പിൻവലിച്ച് മാപ്പ് പറയണമെന്നാണ് ഐപിഎസ് അസോസിയേഷന്റെ പ്രമേയത്തിലെ ആവശ്യം. എംഎല്എക്കെതിരെ മുഖ്യമന്ത്രിക്ക് പരാതി നൽകാനാണ് ഐപിഎസ് അസോസിയേഷന്റെ തീരുമാനം. ഐപിഎസ് ഉദ്യോഗസ്ഥരെ പി.വി. അൻവര് പൊതുവിൽ അപകീർത്തിപ്പെടുത്താനാണ് തീരുമാനിച്ചതെന്നും നിയമരാഹിത്യത്തിന്റെ ഭീതിതമായ സ്ഥിതിയാണ് എംഎല്എ സൃഷ്ടിക്കാൻ ശ്രമിക്കുന്നതെന്നും പ്രസ്താവനയിൽ പറയുന്നു. ഇന്നലെ മലപ്പുറം എസ്പിയെ പി.വി.അന്വര് പൊതുവേദിയില് അധിക്ഷേപിച്ചത് വിവാദമായതിനു പിന്നാലെയാണ് അൻവറിനെതിരെ ഐപിഎസ് അസോസിയേഷൻ പ്രമേയം പാസാക്കിയത്. മലപ്പുറത്ത് നടന്ന പൊലീസ് അസോസിയേഷന് ജില്ലാ സമ്മേളന വേദിയില് വച്ചായിരുന്നു മലപ്പുറം എസ്പിയെ അന്വര് അധിക്ഷേപിച്ചത്. തന്റെ പാര്ക്കിലെ ഒന്പതു ലക്ഷം രൂപ വിലയുള്ള റോപ് മോഷണം പോയി എട്ടു മാസമായിട്ടും പ്രതിയെ പിടിച്ചില്ലെന്നു പറഞ്ഞായിരുന്നു അധിക്ഷേപ…
Read MoreCategory: Edition News
തിരുപ്പൂരിൽനിന്നു കാണാതായ കുട്ടിയെ തൃശൂരിൽ കണ്ടെത്തി; കണ്ടെത്തിയത് ട്രെയിനിലെ ടോയ്ലെറ്റിനുള്ളിൽ; കുട്ടിയെ സുരക്ഷിതമായി ബന്ധുക്കൾക്ക് കൈമാറി
തൃശൂർ: തമിഴ്നാട്ടിലെ തിരുപ്പൂരിൽനിന്ന് കാണാതായ പതിനാലുകാരി പെണ്കുട്ടിയെ തൃശൂർ റെയിൽവേ സ്റ്റേഷനിൽ നടത്തിയ പരിശോധനയിൽ ട്രെയിനിൽനിന്ന് കണ്ടെത്തി. കഴക്കൂട്ടത്തുനിന്നു കാണാതായ പെണ്കുട്ടിക്കു വേണ്ടി സംസ്ഥാനവ്യാപകമായി തെരച്ചിൽ നടത്തുന്നതിനിടെയാണ് തൃശൂർ റെയിൽവേ സ്റ്റേഷനിൽ നിർത്തിയിട്ട ടാറ്റാനഗർ എക്സ്പ്രസിലെ ടോയ്ലെറ്റിൽനിന്ന് പെണ്കുട്ടിയെ കണ്ടെത്തിയത്. തുടർന്നു നടത്തിയ വിശദമായ അന്വേഷണത്തിലാണ് ഈ കുട്ടി തിരുപ്പൂരിൽനിന്ന് കാണാതായ കുട്ടിയാണെന്ന് മനസിലായത്. പിന്നീട് ഈ കുട്ടിയെ ചൈൽഡ് ലൈന് പ്രവർത്തകർക്ക് കൈമാറുകയും കുട്ടിയുടെ ബന്ധുക്കളെ വിവരമറിയിക്കുകയും ചെയ്തു. ഇന്ന് അർധരാത്രി പന്ത്രണ്ടേകാലോടെയാണ് ട്രെയിനിൽ നിന്ന് കുട്ടിയെ കണ്ടെത്തിയത്. കുട്ടിയുടെ ബന്ധുക്കൾ രാവിലെ തന്നെ തൃശൂരിലെത്തുകയും കുട്ടിയെ ഇവർക്കൊപ്പം പറഞ്ഞയയ്ക്കുകയും ചെയ്തു.
Read Moreറെയിൽവേയിൽ ജോലി വാഗ്ദാനം ചെയ്ത് തട്ടിയെടുത്തതു കോടികൾ; അന്വേഷണം ഊർജിതമാക്കി; ഒന്നാം പ്രതിയായ സിപിഎം നേതാവ് പോലീസ് കസ്റ്റഡിയിൽ
തലശേരി: റെയിൽവേയിൽ ജോലി വാഗ്ദാനം ചെയ്ത് സംസ്ഥാനത്തിന്റെ വിവിധ ഭാഗങ്ങളിൽനിന്നു കോടികൾ തട്ടിയെടുത്ത സംഭവത്തിൽ തലശേരി പോലീസ് അന്വേഷണം ഊർജിതമാക്കി. ഇന്ത്യൻ റെയിൽവേയിൽ ക്ലർക്ക്, ട്രെയിൻ മാനേജർ, സ്റ്റേഷൻ മാനേജർ തുടങ്ങിയ ജോലികൾ വാഗ്ദാനം ചെയ്താണ് കോടികളുടെ തട്ടിപ്പ് നടത്തിയത്. സംഭവത്തിൽ തലശേരി പോലീസ് രജിസ്റ്റർ ചെയ്ത കേസിലെ മൂന്നാം പ്രതിയുടെ ജാമ്യഹർജി ഇന്ന് ജില്ലാ സെഷൻസ് കോടതി പരിഗണിക്കും. കേസിലെ മൂന്നാംപ്രതി തിരുവനന്തപുരം മലയിൻകീഴ് സ്വദേശി ഗീതാറാണി നൽകിയ മുൻകൂർ ജാമ്യാപേക്ഷയാണ് ഇന്ന് കോടതി പരിഗണിക്കുന്നത്. ഗീതാറാണി സമാനമായ ഏഴ് കേസുകളിൽ പ്രതിയാണെന്ന് പോലീസ് വൃത്തങ്ങൾ പറഞ്ഞു. കൊയ്യോട് സ്വദേശി ശ്രീകുമാർ നൽകിയ പരാതിയിലാണ് ഗീതാ റാണി ഉൾപ്പെടെ മൂന്നുപേരെ പ്രതി ചേർത്ത് ടൗൺ പോലീസ് കേസെടുത്തത്. ഒന്നാം പ്രതിയും സിപിഎം നേതാവും മുൻ ബ്ലോക്ക് പഞ്ചായത്തംഗവുമായിരുന്ന ചൊക്ലി നാടുബ്രത്തെ കെ. ശശിയെ നേരത്തെ പോലീസ്…
Read Moreവിവാഹത്തട്ടിപ്പ്: സ്വർണവും പണവുമായി മുങ്ങിയ പ്രതി പിടിയിൽ
അമ്പലപ്പുഴ: വിവാഹത്തട്ടിപ്പ് നടത്തി സ്വർണവും പണവുമായി മുങ്ങിയ പ്രതി പിടിയിൽ. ഹരിപ്പാട് പിലാപ്പുഴയിൽ അനീഷ് ഭവനത്തിൽ അനീഷാ (39) ണ് വിവാഹ തട്ടിപ്പ് നടത്തി സ്വർണവും പണവുമായി മുങ്ങിയ കേസിൽ അറസ്റ്റിലായത്. 2023 ജൂണിൽ ആണ് കേസിന് ആസ്പദമായ സംഭവം നടന്നത്. അനീഷ് വിവാഹിതനാണെന്ന കാര്യം മറച്ച് വെച്ച് മാട്രിമോണിയൽ ആപ്പ് വഴി പരിചയപ്പെട്ട് അമ്പലപ്പുഴ സ്വദേശിനിയുമായി പരിചയം സ്ഥാപിച്ച് ജൂൺ മാസത്തിൽ അമ്പലപ്പുഴ നവരാക്കൽ അമ്പലത്തിൽവച്ച് വിവാഹം കഴിച്ചു. ഭാര്യാ ഭർത്താക്കന്മാരായി കഴിഞ്ഞുവരികയായിരുന്നു. ഇതിനിടയിൽ അമ്പലപ്പുഴ സ്വദേശിനിയുടെ കൈയിൽ നിന്നു പല പ്രാവശ്യമായി രണ്ടു ലക്ഷത്തി നാൽപ്പതിനായിരം രൂപ തട്ടിയെടുക്കുകയും കൂടുതൽ പണം ആവശ്യപ്പെട്ട് യുവതിയെ ഉപദ്രവിച്ച് കടന്നു കളയുകയും ആയിരുന്നു. തുടർന്ന് അമ്പലപ്പുഴ സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതിനെ തുടർന്ന് മുങ്ങിയ അനീഷിനെ പുന്നപ്ര പൊലീസ് സ്റ്റേഷൻ പരിധിയിൽ നിന്ന് പുന്നപ്ര…
Read Moreഇരകളുടെയല്ല, വേട്ടക്കാരുടെ സ്വകാര്യത സംരക്ഷിക്കാനാണ് സര്ക്കാര് ശ്രമിക്കുന്നത്; റിപ്പോർട്ട് പൂഴ്ത്തിയത് ആരെ സംരക്ഷിക്കാനെന്ന് വി.ഡി. സതീശൻ
തിരുവനന്തപുരം: നാലര വര്ഷം മുന്പ് കിട്ടിയ ഹേമാ കമ്മിറ്റി റിപ്പോർട്ട് സര്ക്കാര് അന്ന് വായിച്ചിരുന്നെങ്കില് അപ്പോള് തന്നെ നിയമ നടപടികള് സ്വീകരിക്കാമായിരുന്നെന്ന് പ്രതിപക്ഷ നേതാവ് വി.ഡി.സതീശൻ. സര്ക്കാര് വേട്ടക്കാര്ക്കൊപ്പമാണ്. ഇരകളുടെയല്ല, വേട്ടക്കാരുടെ സ്വകാര്യത സംരക്ഷിക്കാനാണ് സര്ക്കാര് ശ്രമിക്കുന്നത്. ഇത് ഒരു തൊഴിലിടത്ത് നടന്ന ചൂഷണ പരമ്പരയാണ്. ആരെ സംരക്ഷിക്കാനാണ് സര്ക്കാര് റിപ്പോര്ട്ട് പൂഴ്ത്തിയതെന്നും സതീശന് ചോദിച്ചു. സോളര് കമ്മിഷന് റിപ്പോര്ട്ടില് പോലും പരാതിക്കാരിയെ വിളിച്ചു വരുത്തി പരാതി എഴുതി വാങ്ങിയാണ് കേസ് സിബിഐക്ക് വിട്ടത്. ഈ കേസില് സര്ക്കാരിന് കുറെ ആളുകളെ സംരക്ഷിക്കണമെന്നും സതീശൻ ആരോപിച്ചു. റിപ്പോർട്ടിന്റെ അടിസ്ഥാനത്തിൽ കേസെടുക്കാൻ തയാറായില്ലെങ്കിൽ നിയമപരമായി നേരിടുന്നതിനെ കുറിച്ച് ആലോചിക്കുമെന്നും സതീശന് കൂട്ടിച്ചേർത്തു.
Read Moreഓണത്തെ വരവേൽക്കാൻ ബന്ദിപ്പൂ; വിളവെടുപ്പുമായി തൊഴിലുറപ്പ് തൊഴിലാളികൾ
കായംകുളം : ബന്ദിപ്പൂ വിളവെടുത്ത് ഓണത്തെ വരവേൽക്കാൻ ഒരുങ്ങുകയാണ് മുതുകുളം ഗ്രാമപഞ്ചായത്തിലെ തൊഴിലുറപ്പ് തൊഴിലാളികൾ.പഞ്ചായത്തിലെ ഒൻപതാം വാർഡിൽ തൊഴിലുറപ്പ് പദ്ധതിയിൽ ഉൾപ്പെടുത്തി കൃഷി ചെയ്ത ബന്ദിപ്പൂ കൃഷിയുടെ വിളവെടുപ്പ് ആണ് നടന്നത്. മഞ്ഞയും ഓറഞ്ചും നിറത്തിലുള്ള ബന്ദിപ്പൂക്കൾ ഓണത്തിന് ഒരു കുട്ട പൂവ് എന്ന പദ്ധതിയുടെ ഭാഗമായാണ് കൃഷി ചെയ്തത്. വിളവെടുപ്പ് ഉദ്ഘാടനം മുതുകുളം ഗ്രാമപഞ്ചായത്ത് പ്രസിഡന്റ് കെ.വി.ജ്യോതിപ്രഭ നിർവഹിച്ചു. ഗ്രാമപഞ്ചായത്തംഗം സുസ്മിത ദിലീപ്, എ.ഡി.എസ് പ്രസിഡന്റ് സുഭമോൾ, സെക്രട്ടറി ശ്രീകല, സി.ഡി.എസ് അംഗം അശ്വതി, തൊഴിലുറപ്പ് മേറ്റ് രമ്യ എന്നിവർ പങ്കെടുത്തു.
Read Moreസംസ്ഥാന പെർമിറ്റ്; ഓട്ടോറിക്ഷകള് ശബരിമലയിലേക്ക് വരാനുള്ള സാധ്യത മുന്നില്ക്കണ്ട് തടയിടാനുള്ള നടപടികളുമായി മോട്ടോര് വാഹനവകുപ്പ്
പത്തനംതിട്ട: ഓട്ടോറിക്ഷകള്ക്ക് അന്തര്ജില്ലാ പെര്മിറ്റ് നല്കാനുള്ള തീരുമാനം ശബരിമലയിലേക്കുള്ള പന്പാ പാതയില് നടപ്പാകില്ല. സംസ്ഥാന പെര്മിറ്റ് ഉണ്ടെന്ന പേരില് ഓട്ടോറിക്ഷകള് ശബരിമലയിലേക്ക് വരാനുള്ള സാധ്യത മുന്നില്ക്കണ്ട് തടയിടാനുള്ള നടപടികള് മോട്ടോര് വാഹനവകുപ്പ് ആലോചിച്ചു തുടങ്ങി. ഓട്ടോറിക്ഷകളുടെ യാത്രയ്ക്കു പറ്റിയ പാതയല്ല പന്പയിലേക്കുള്ളതെന്നതിനാല് ഇവയ്ക്ക് പണ്ടുമുതല്ക്കേ യാത്രാ നിരോധനമുണ്ട്. എന്നാല് ഓരോ തീര്ഥാടനകാലത്തും നൂറുകണക്കിന് ഓട്ടോറിക്ഷകളാണ് നിരോധനം മറികടന്ന് എത്തുന്നത്. ശബരിമല സേഫ് സോണ് പദ്ധതി ഏര്പ്പെടുത്തിയതോടെ ഓട്ടോറിക്ഷകള് വടശേരിക്കരയില് തടയുകയായിരുന്നു. പത്തനംതിട്ട ജില്ലയിലെ ഓട്ടോറിക്ഷകള്ക്ക് പന്പയിലേക്കു പോകാന് കഴിയുമായിരുന്നെങ്കിലും അട്ടത്തോട് വരെ ഇവയുടെ യാത്രയും പരിമിതപ്പെടുത്തിയിരുന്നു. എന്നാല്, സംസ്ഥാന ട്രാന്സ്പോര്ട്ട് അഥോറിറ്റിയുടെ പുതിയ തീരുമാനപ്രകാരം ശബരിമല പാതയില് ഓട്ടോറിക്ഷകള്ക്കു സഞ്ചരിക്കാനാകും. നിലവിലെ പെര്മിറ്റ് അനുസരിച്ച് ഓട്ടോറിക്ഷകള്ക്ക് ജില്ല അതിര്ത്തിവിട്ട് പരമാവധി 20 കിലോമീറ്ററാണ് യാത്ര ചെയ്യാന് കഴിയുന്നത്. വളവുകളും കയറ്റവും നിറഞ്ഞ കാനനപാത ഓട്ടോറിക്ഷകളുടെ യാത്ര സുരക്ഷിതമല്ലെന്നാണ്…
Read Moreനേട്ടം ഉണ്ടാക്കാന് ഔദ്യോഗിക പദവി ദുരുപയോഗം ചെയ്തതു; സാമ്പത്തിക ക്രമക്കേടിൽ തളിപ്പറമ്പ് നഗരസഭ വൈസ് ചെയർമാനെതിരേ കേസ്
തളിപ്പറമ്പ്: ഔദ്യോഗിക പദവികള് ദുരുപയോഗം ചെയ്ത് സാമ്പത്തിക ക്രമക്കേടിലൂടെ വഞ്ചന നടത്തിയെന്ന പരാതിയില് തളിപ്പറമ്പ് സര്വീസ് സഹകരണ ബാങ്ക് മുന് പ്രസിഡന്റിനും വൈസ് പ്രസിഡന്റിനുമെതിരേ കേസ്. ബാങ്കിന്റെ മുന് പ്രസിഡന്റും നിലവിൽ തളിപ്പറമ്പ് നഗരസഭാ വൈസ് ചെയർമാനുമായ കീഴാറ്റൂരിലെ കല്ലിങ്കല് പത്മനാഭന്, മുന് വൈസ് പ്രസിഡന്റ് തളിപ്പറമ്പ് ബ്ലോക്ക് ഓഫീസിന് സമീപത്തെ അബ്ദുല്ലഹാജി എന്നിവര്ക്കെതിരേ തളിപ്പറമ്പിലെ പ്ലാന്തോട്ടത്തില് ഗോവിന്ദന് നല്കിയ പരാതിയിലാണ് കണ്ണൂര് സാമ്പത്തിക കുറ്റാന്വേഷണ വിഭാഗം കേസെടുത്തത്. ബാങ്കിന്റെ താത്പര്യം സംരക്ഷിക്കാന് ബാധ്യതയുള്ള ഭരണസമിതി കാലഘട്ടത്തിലെ പ്രസിഡന്റും വൈസ് പ്രസിഡന്റും അനധികൃത സാമ്പത്തിക നേട്ടം ഉണ്ടാക്കാന് ഔദ്യോഗിക പദവി ദുരുപയോഗം ചെയ്തതായും വിശ്വാസവഞ്ചനയും ചതിയും നടത്തിയതായുമുള്ള പരാതിയിലാണ് സാമ്പത്തിക കുറ്റാന്വേഷണ വിഭാഗം കേസെടുത്തത്.
Read Moreപയ്യന്നൂരിൽ 14 പേര്ക്ക് കുറുക്കന്റെ കടിയേറ്റു; പരിക്കേറ്റവരിൽ 72കാരായ വയോധികരും; പ്രതിരോധ കുത്തിവ യ്പ് സംവിധാനമില്ലാതെ താലൂക്കാശുപത്രി
പയ്യന്നൂര്: കുഞ്ഞിമംഗലത്ത് വയോധികരുള്പ്പെടെ 14 പേര്ക്ക് ഭ്രാന്തന് കുറുക്കന്റെ കടിയേറ്റു. പരിക്കേറ്റവരെ പയ്യന്നൂര് താലൂക്ക് ആശുപത്രിയിലെ പ്രാഥമിക ശുശ്രൂഷകള്ക്കുശേഷം പരിയാരത്തെ കണ്ണൂര് ഗവ. മെഡിക്കല് കോളജ് ആശുപത്രിയില് പ്രവേശിപ്പിച്ചു.ഇന്നു രാവിലെ ആറരയോടെയാണ് ഭ്രാന്തന് കുറുക്കന്റെ ആക്രമണമുണ്ടായത്. വീടിന് പുറത്തുണ്ടായിരുന്നവരും പ്രഭാത സവാരിക്കായി പോയവരുമാണ് ആക്രമണത്തിനിരയായത്. കുഞ്ഞിമംഗലം മൂശാരിക്കൊവ്വല്, കുതിരുമ്മല്, മാട്ടുമ്മല് കളരി, വണ്ണച്ചാല് പ്രദേശത്ത് ഭ്രാന്തന് കുറുക്കന് കണ്ണില് കണ്ടവരെയെല്ലാം കൈക്കും കാലിനുമൊക്കെ കടിച്ച് പരിക്കേല്പ്പിക്കുകയായിരുന്നു. കമലാക്ഷി (56), കൃഷ്ണന് (72), ചന്ദ്രന് (63), ദാമോദരന് (72), കരുണാകരന് (72), ദീപ (45), ശ്രീജ (46), സജീവന് (47), കുഞ്ഞമ്പു (85), സുഷമ (45), ഉമ (46), പ്രജിത്ത് (35), രാജന് (56), കമലാക്ഷി (70) എന്നിവര്ക്കാണ് പരിക്കേറ്റത്. പത്ര വിതരണത്തിനിടയിലാണ് പ്രജിത്തിന് കടിയേറ്റത്. വിവരമറിഞ്ഞെത്തിയവര് ഉടന്തന്നെ പരിക്കേറ്റവരെ പയ്യന്നൂര് താലൂക്ക് ആശുപത്രിയിലെത്തിച്ചു. താലൂക്ക് ആശുപത്രിയില് ഇഞ്ചക്ഷനില്ലാത്തതിനാൽ…
Read Moreപുഴയില് ഇറങ്ങാൻ കര്ണാടക പോലീസ് അനുമതി നല്കുന്നില്ല; തെരച്ചില് നടത്തുന്നതിന് കേരളം ഇടപെടണമെന്ന് ഈശ്വര് മല്പെ
കോഴിക്കോട്: കര്ണാടകത്തിലെ ഷിരൂരില് മണ്ണിടിച്ചിലില് കാണാതായ കോഴിക്കോട് കണ്ണാടിക്കലിലെ ഡ്രൈവര് അര്ജുനെ കണ്ടെത്തുന്നതിനു സ്വതന്ത്രമായി തെരച്ചില് നടത്താനുള്ള സാഹചര്യം ഒരുക്കണമെന്നു നീന്തല് വിദഗ്ധന് ഈശ്വര് മല്പെ. കേരള സര്ക്കാര് ഇക്കാര്യത്തില് അടിയന്തരമായി ഇടപെടണമെന്ന് അര്ജുന്റെ വീടു സന്ദര്ശിച്ചശേഷം അദ്ദേഹം മാധ്യമങ്ങളോടു പറഞ്ഞു. അര്ജുനെ പുഴയിലിറങ്ങി തെരയാന് തയാറായിട്ടും കര്ണാടക പോലീസ് അനുമതി നല്കുന്നില്ല. ഒരു ദിവസം പുഴയില് ഇറങ്ങിയാല് രണ്ടു ദിവസം കരയില് ഇരിക്കേണ്ടിവരുന്നു. ഒളിച്ചുപോയി ഡൈവിംഗ് നടത്തേണ്ട സാഹചര്യം വരെയുണ്ടായി. ഇപ്പോള് കുറച്ചുദിവസമായി തെരച്ചില് നിര്ത്തിവച്ചിരിക്കുകയാണ്. അര്ജുന് ഓടിച്ച ലോറിയുണ്ടെന്നു കരുതുന്ന സ്ഥലത്തു പതിനഞ്ചടിയോളം മണ്ണുണ്ട്. ഇതു മാറ്റാന് ഡ്രഡ്ജിംഗ് യന്ത്രം കൊണ്ടുവരണം. അഞ്ചുദിവസത്തിനകം കൊണ്ടുവരുമെന്നാണു പറഞ്ഞിരുന്നത്. എന്നാല് ഇതുവരെ എത്തിയിട്ടില്ല. ഡ്രഡ്ജിംഗ് മെഷിന് കമ്പനി ആദ്യം അരക്കോടി രൂപയാണ് ആവശ്യപ്പെട്ടിരുന്നത്. പിന്നീടത് ഒരുകോടിയാക്കി. കര്ണാടക സര്ക്കാര് ഇക്കാര്യത്തില് തീരുമാനം നീട്ടുകയാണ്. ഫണ്ട് അനുവദിക്കുന്നതില് ആശയക്കുഴപ്പം…
Read More