കോട്ടയം: ജില്ലയിലെ ഗാര്ഹിക പാചകവാതക ഉപയോക്താക്കളുടെ പരാതി പരിഹരിക്കാനായി 29ന് ഉച്ചകഴിഞ്ഞ് 2.30ന് കളക്ടറേറ്റ് തൂലിക കോണ്ഫറന്സ് ഹാളില് അഡീഷണല് ജില്ലാ മജിസ്ട്രേട്ട് ബീന പി. ആനന്ദിന്റെ അധ്യക്ഷതയില് പാചകവാതക അദാലത്ത് നടക്കും. പാചകവാതക കമ്പനി പ്രതിനിധികള്, ഏജന്സികള്, പൊതുവിതരണ വകുപ്പ് ഉദ്യോഗസ്ഥര്, ഉപഭോക്തൃസംഘടനാ പ്രതിനിധികള് എന്നിവര് പങ്കെടുക്കും. പരാതികള് 27നു വൈകുന്നേരം അഞ്ചിനകം അതതു താലൂക്ക് സപ്ലൈ ഓഫീസിലോ അദാലത്തില് നേരിട്ടോ നല്കാം.
Read MoreCategory: Edition News
പാറമട എന്ന ‘ജലബോംബ്’; ദുരന്തഭീതിയിൽ മലയോരഗ്രാമങ്ങൾ
മുണ്ടക്കയം: നിറഞ്ഞുകവിഞ്ഞ അണക്കെട്ട് പോലെ ഭീതി ജനിപ്പിക്കുന്ന പാറമടകള് മൂടിക്കളയാനുള്ള നടപടി ഇഴയുന്നു. കോട്ടയം ജില്ലയില് ജലബോംബുകളായി മാറിയിരിക്കുന്ന പാറമടകള് ഉയര്ത്തുന്ന ഭീഷണി സംബന്ധിച്ച രാഷ്ട്രദീപിക റിപ്പോര്ട്ടിന്റെ അടിസ്ഥാനത്തില് ഇതേക്കുറിച്ച് റിപ്പോര്ട്ട് നല്കാന് ജില്ലാ കളക്ടര് ജിയോളജി വകുപ്പിനോട് ആവശ്യപ്പെട്ടിരുന്നു. ഓഫീസിലെ മറ്റു തിരക്കുകള് മൂലം റിപ്പോര്ട്ട് നല്കാന് ജിയോളജി വകുപ്പിന് ഇതുവരെ സാധിച്ചിട്ടില്ല. വിവിധ പഞ്ചായത്തുകളിലായി പാറപൊട്ടിച്ചു മാറ്റിയ ഇരുനൂറോളം മടകളാണ് നിറഞ്ഞൊഴുകി പ്രദേശവാസികളുടെ ജീവനും സ്വത്തും ആശങ്കയിലാഴ്ത്തിയിരിക്കുന്നത്. കൂട്ടിക്കൽ ഉരുള്പൊട്ടലും വന്പ്രളയവും കൊക്കയാര് പഞ്ചായത്തിലെ അനധികൃതവും അശാസ്ത്രീയവുമായ പാറപൊട്ടിക്കലിന്റെ പ്രത്യാഘാതമാണെന്നു വിവിധ പഠനങ്ങള് കണ്ടെത്തിയിരിക്കുന്നു. കഴിഞ്ഞ വെള്ളിയാഴ്ച രാത്രിയിലും മുണ്ടക്കയം മേഖലയില് ഉരുള്പൊട്ടലുണ്ടായി. ഉരുള്പൊട്ടലിനൊപ്പം പാറമടകളോടു ചേര്ന്ന ദുര്ബല പ്രദേശം ഒലിച്ചുപോയാല് മടയിലെ വെള്ളം കുതിച്ചൊഴുകി വന്നാശം വിതയ്ക്കും. യാതൊരു നിയമപരിരക്ഷയുമില്ലാതെ പ്രവര്ത്തിക്കുന്ന മടകള് പരാതികളെയും പ്രക്ഷോഭങ്ങളെയും തുടര്ന്ന് പ്രവര്ത്തനം നിർത്തിയാല് ഉടമകള് ഉപേക്ഷിച്ചു…
Read Moreകളഞ്ഞുകിട്ടിയ സ്വർണം ഉടമയ്ക്ക് നൽകി ഓട്ടോഡ്രൈവർ മാതൃകയായി; അഭിനന്ദിച്ച് നാട്ടുകാരും സുഹൃത്തുക്കളും
പേരാമംഗലം: കളഞ്ഞുകിട്ടിയ സ്വർണം ഉടമയ്ക്ക് തിരിച്ചു നൽകി ഓട്ടോ ഡ്രൈവർ മാതൃകയായി. പേരാമംഗലം ഓട്ടോ സ്റ്റാൻഡിൽ ഓട്ടോ ഓടിക്കുന്ന ശ്രീക്കുട്ടി ഓട്ടോയുടെ ഡ്രൈവർ സന്തോഷിനാണ് ഇന്ന് രാവിലെ പേരാമംഗലം സ്കൂൾ റോഡിൽ വച്ച് മുക്കാൽ പവനോളം വരുന്ന സ്വർണ കൈചെയിൻ കളഞ്ഞു കിട്ടിയത്. ഈ വിവരം വാട്സ്ആപ്പ് ഗ്രൂപ്പുകളിൽ ഷെയർ ചെയ്യുകയും നിമിഷങ്ങൾക്കകം ഉടമ ബന്ധപ്പെടുകയും ചെയ്തു. തുടർന്ന് ഓട്ടോ സ്റ്റാന്റിൽ വന്നു സ്വർണ്ണ ചെയിൻ ഉടമ കൈപറ്റി. സന്തോഷിന്റെ ഈ മാതൃകാപരമായ പ്രവൃത്തിയെ നാട്ടുകാരും സഹപ്രവർത്തകരും വ്യാപാരി സുഹൃത്തുക്കളും അഭിനന്ദിച്ചു.
Read Moreഅങ്കണവാടിയിൽ നിന്ന് പാന്പിനെ പിടികൂടി; കുട്ടികൾ എത്തുന്നതിന് മുമ്പായതിനാൽ അപകടം ഒഴിവായി; പരിസരം വൃത്തിയാക്കി ടീച്ചർമാർ
തൃശൂർ: അങ്കണവാടിയിൽ നിന്ന് വിഷപ്പാന്പിനെ പിടികൂടി. പതിനാറാം ഡിവിഷൻ നെട്ടിശേരിയിലെ 44-ാം നന്പർ അങ്കണവാടി കെട്ടിടത്തിനുള്ളിലെ അലമാരയ്ക്കു സമീപത്തു നിന്നാണ് പാന്പിനെ പിടികൂടിയത്. ഇന്നുരാവിലെ അങ്കണവാടിയിലേക്ക് കുട്ടികൾ എത്തിത്തുടങ്ങുന്ന സമയത്തായിരുന്നു അങ്കണവാടി വൃത്തിയാക്കുന്നതിനിടെ അധ്യാപിക പാന്പിനെ കണ്ടെത്തിയത്. പാന്പിനെ കണ്ടെത്തിയതിനെ തുടർന്ന് സമീപത്തെ വിവിധ അങ്കണവാടികളിൽ നിന്നുള്ള അധ്യാപകരെത്തി ഈ അങ്കണവാടിയും പരിസരവും വൃത്തിയാക്കി. അങ്കണവാടി പരിസരം വൃത്തിരഹിതമാണെന്നും കോർപറേഷൻ അധികൃതർ വൃത്തിയാക്കണമെന്നും രക്ഷിതാക്കൾ ആവശ്യപ്പെട്ടു .
Read Moreവയനാട് ദുരന്തം; മായയുടെയും മര്ഫിയുടെയും മടക്കം 24 മൃതദേഹങ്ങള് കണ്ടെത്തിയശേഷം
കൊച്ചി: “ആ കാണുന്ന സ്ഥലത്തായിരുന്നു എന്റെ വീട്. ഉരുള്പ്പൊട്ടലിനു ശേഷം എന്റെ ഭാര്യയെയും രണ്ടുമക്കളെയും അമ്മയേയും കാണാനില്ല. ആ കെട്ടിടത്തിനടിയില് ഒന്നു നോക്കാമോ’- കഴിഞ്ഞ 31 ന് വയനാട് ദുരന്തഭൂമിയിലേക്ക് തെരച്ചിലിനെത്തിയ കൊച്ചി സിറ്റി പോലീസ് ഡോഗ് സ്ക്വാഡിലെ നായ്ക്കളായ മായയുടെയും മര്ഫിയുടെയും ഹാന്ഡ്ലര്മാരോട് മുണ്ടക്കൈ സ്വദേശിയായ സുജിത്തിന്റെ ദയനീയമായ അപേക്ഷയായിരുന്നു ഇത്. ഒരു സ്റ്റെയര് കേസ് മാത്രമായിരുന്നു അവിടെ ബാക്കി ഉണ്ടായിരുന്നത്. ഉടന്തന്നെ ഹാന്ഡ്ലര്മാരായ പി. പ്രഭാതും മാനേഷും മായ എന്ന പോലീസ് നായയെ തകര്ന്ന് കിടക്കുന്ന കെട്ടിടത്തിനു സമീപത്തെത്തിച്ചു. അല്പനേരം സ്ഥലത്ത് മണം പിടിച്ച ശേഷം മണ്ണിലേക്ക് നോക്കി നിര്ത്താതെ കുരച്ച് മായ ശരീരം വിറപ്പിച്ചു. ആ ഭാഗത്ത് കുഴിച്ചു നോക്കാനായി പ്രഭാത് അവിടെയുള്ളവരോട് നിര്ദേശിച്ചു. തുടര്ന്ന് മൂന്നര വയസുള്ള ഒരു പെണ്കുഞ്ഞിന്റെ ചേതനയറ്റ ശരീരമാണ് അവിടെനിന്ന് കണ്ടെത്തിയത്. തുടര്ന്നുള്ള ദിവസങ്ങളില് മായയും മര്ഫിയും…
Read Moreരാജ്യത്തെ നടുക്കിയ ഏലത്തൂര് ട്രെയിന് തീവയ്പ് കേസ് ; വിചാരണ നടപടികള് അടുത്തമാസം മുതല്; പ്രതി ഷാരൂഖ് സെയ്ഫിമാത്രം
കൊച്ചി: രാജ്യത്തെ നടുക്കിയ എലത്തൂര് ട്രെയിന് തീവയ്പ്പ് കേസില് വിചാരണ നടപടികള്ക്ക് അടുത്തമാസം തുടക്കമാകും. അടുത്തമാസം ആദ്യം കൊച്ചി എന്ഐഎ കോടതിയില് പ്രതി ഷാരൂഖ് സെയ്ഫിയെ കുറ്റപത്രം വായിച്ചു കേള്പ്പിക്കും. എന്ഐഎ സമര്പ്പിച്ച കുറ്റപത്രത്തില് ഷാരൂഖ് സെയ്ഫി മാത്രമാണ് പ്രതി. തന്നെ തിരിച്ചറിയാതിരിക്കാനാണ് ഷാറൂഖ് സെയ്ഫ് ആക്രമണത്തിന് കേരളം തെരഞ്ഞെടുത്തതെന്നും ജനങ്ങള്ക്കിടയില് ഭീതിയുണ്ടാക്കിയ ശേഷം തിരികെ മടങ്ങുകയായിരുന്നു ഉദ്ദേശമെന്നും കുറ്റപത്രത്തില് പറയുന്നു. എലത്തൂരില് നടന്നത് തീവ്രവാദ പ്രവര്ത്തനമാണെന്നും സമൂഹ മാധ്യമങ്ങളിലൂടെയാണ് സെയ്ഫി ഇതില് ആകൃഷ്ടനായതെന്നും കുറ്റപത്രത്തിലുണ്ട്. കേസില് യുഎപിഎക്ക് പുറമെ റെയില്വേ ആക്ടും, പൊതു മുതല് നശിപ്പിച്ചതിനുളള വകുപ്പുമാണ് ചുമത്തിയിട്ടുളളത്. 2023 ഏപ്രില് രണ്ടിനായിരുന്നു സംഭവം. ആലപ്പുഴ-കണ്ണൂര് എക്സിക്യൂട്ടീവ് എക്സ്പ്രസിലെ ഡി വണ് കോച്ചിലെ യാത്രക്കാര്ക്ക് നേരെ ഷാരൂഖ് സെയ്ഫി പെട്രോള് ഒഴിച്ച ശേഷം തീ കൊളുത്തുകയായിരുന്നു. സംഭവത്തില് ഒരു കുട്ടി അടക്കം മൂന്ന് പേര്ക്ക് ജീവന്…
Read Moreഇവിടുത്തെ കാറ്റാണ് കാറ്റ്…. ഓണം ലക്ഷ്യമാക്കി വട്ടപ്പാറയിലെ ഉൾവനത്തിൽ ചാരായം വാറ്റ്; 175 ലിറ്റർ ചാരായവുമായി യുവാവ് പിടിയിൽ
രാജാക്കാട്: അടിമാലി നാർക്കോട്ടിക് എൻഫോഴ്സ്മെന്റ് സ്ക്വാഡിന്റെ നേതൃത്വത്തിൽ വൻ ചാരായവേട്ട. ഒരാൾ പിടിയിൽ.നർക്കോട്ടിക്ക് സ്ക്വാഡ് അസിസ്റ്റൻഡ് എക്സൈസ് ഇൻസ്പെക്ടർ എൻ. കെ. ദിലീപിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഓണ വിപണി ലക്ഷ്യമിട്ട് തയാറാക്കിയ ചാരായശേഖരം പിടികൂടിയത്. ഉടുമ്പൻചോല വട്ടപ്പാറ ഭാഗത്ത് നിന്നും 175 ലിറ്റർ വാറ്റ് ചാരായവുമായി വട്ടപ്പാറ പാറക്കൽ വീട്ടിൽ അരുൺ (28)നെയാണ് പിടികൂടിയത്. വട്ടപ്പാറ മേഖലയിലെ ഉൾ വനത്തിൽ ചാരായം വാറ്റുന്നതായി സൂചന ലഭിച്ചിരുന്നു. അരുണിനെ കൂടാതെ മറ്റു ചില പ്രതികൾകൂടി ഉണ്ടെന്നു വിവരം ലഭിച്ചിട്ടുണ്ട്. സിവിൽ എക്സൈസ് ഓഫീസർമാരായ കെ.എം. സുരേഷ്,അബ്ദുൾ ലത്തീഫ്,യദുവംശരാജ്,ധനിഷ് പുഷ്പചന്ദ്രൻ,വനിതാ സിവിൽ എക്സൈസ് ഓഫീസർ സിമി ഗോപി,എക്സൈസ് ഡ്രൈവർ നിതിൻ ജോണി എന്നിവരും പരിശോധനയിൽ പങ്കെടുത്തു.
Read Moreഷിബിലി വധം; രണ്ടാം പ്രതി കടല് മാര്ഗം രക്ഷപ്പെട്ടതായി സൂചന
പൂന്തുറ: നിരവധി ക്രിമിനല് കേസിലെ പ്രതിയും റൗഡി ലിസ്റ്റില് ഉള്പ്പട്ടതുമായ ബീമാപളളി മുട്ടത്തറ സ്വദേശി ഷിബിലിയെ ബീമാപളളി കടപ്പുറത്തിനു സമീപം മര്ദിച്ച് കൊലപ്പെടുത്തിയ കേസിലെ രണ്ടാം പ്രതി ഇനാദ് കടല് മാര്ഗം തമിഴ്നാട്ടിലേക്ക് രക്ഷപ്പെട്ടതായി സൂചന. ഇയാളുടെ സഹോദരനും കേസിലെ ഒന്നാം പ്രതിയുമായ ഇനാസിനെ സംഭവം നടന്ന് അടുത്ത ദിവസം തമിഴ്നാട്ടിലെ കൂടംകുളത്തിനു സമീപം ഉറവിയില് നിന്നും പൂന്തുറ പോലീസ് പിടികൂടിയിരുന്നു. സംഭവശേഷം രാത്രി ബൈക്കില് പെരുമാതുറയിലേയ്ക്ക് രക്ഷപ്പെട്ട ഇനാദും ഇയാളുടെ കൂട്ടാളി സഫീറും രണ്ട് ദിവസം പെരുമാതുറയിലുളള ഇനാദിന്റെ സുഹൃത്തുക്കളുടെ വീടുകളില് ഒളിവില് കഴിഞ്ഞ ശേഷം മത്സ്യബന്ധന ബോട്ടുകളില് ഉള്ക്കടലിലേക്ക് രക്ഷപ്പെട്ടതായിട്ടാണ് സൂചനകള് ലഭിക്കുന്നതെന്ന് പോലീസ് പറയുന്നു. കഴിഞ്ഞ 15 ന് രാത്രി 10.45 ഓടുകൂടിയാണ് ഷിബിലി മര്ദനമേറ്റ് മരിച്ചത്. 16 വെളളിയാഴ്ച പുലര്ച്ചെ 2.15 ഓടുകൂടി ഇനാദിന്റെ മൊബൈല് ഫോണ് ലൊക്കേഷന് പെരുമാതുറയിലാണെന്ന് സൈബര്…
Read Moreവേളാങ്കണ്ണി പള്ളി തിരുനാൾ തിരക്ക് ഒഴിവാക്കാൻ തിരുവനന്തപുരം-വേളാങ്കണ്ണി റൂട്ടിൽ സ്പെഷൽ ട്രെയിൻ
കൊല്ലം: വേളാങ്കണ്ണി പള്ളി തിരുനാളിന്റെ ഭാഗമായുള്ള തിരക്ക് ഒഴിവാക്കാൻ തിരുവനന്തപുരം-വേളാങ്കണ്ണി റൂട്ടിൽ സ്പെഷൽ ട്രെയിൻ അനുവദിച്ച് റെയിൽവേ. തിരുവനന്തപുരം സെൻട്രൽ-വേളാങ്കണ്ണി ട്രെയിൻ (06115) 21, 28, സെ്റ്റംബർ നാല് തീയതികളിൽ ഉച്ചകഴിഞ്ഞ് 3.25 ന് തിരുവനന്തപുരത്ത് നിന്ന് പുറപ്പെട്ട് അടുത്ത ദിവസം പുലർച്ചെ 3.55 ന് വേളാങ്കണ്ണിയിൽ എത്തും. തിരികെയുള്ള സർവീസ് ( 06116) വേളാങ്കണ്ണിയിൽ നിന്ന് 22, 29, സെപ്റ്റംബർ അഞ്ച് തീയതികളിൽ രാത്രി 710 ന് പുറപ്പെട്ട് പിറ്റേ ദിവസം രാവിലെ 6.55ന് തിരുവനന്തപുരത്ത് എത്തും. രണ്ട് ഏസി ടൂടയർ, ഏഴ് ഏസി ത്രീ ടയർ എക്കണോമി, ആറ് സ്ലീപ്പർ, രണ്ട് സെക്കൻഡ് ക്ലാസ്, ഒരു അംഗപരിമിത എന്നിങ്ങനെയാണ് കോച്ച് പൊസിഷൻ. നെയ്യാറ്റിൻകര, കുഴിഞ്ഞുറ, ഇരണിയൽ, നാഗർകോവിൽ ടൗൺ, വള്ളിയൂർ, തിരുനെൽവേലി, കോവിൽപ്പട്ടി, സാറ്റൂർ, വിരുദ്നഗർ, മധുര, ദിണ്ടുക്കൽ, തിരുച്ചിറപ്പള്ളി, തഞ്ചാവൂർ, തിരുവരൂർ, നാഗപട്ടണം…
Read Moreകല്യാണത്തണ്ടിലെ ജനങ്ങളെ ഒഴിപ്പിക്കാനെത്തിയാൽ തടയും; സർക്കാർ ഭൂമിയെന്നെഴുതിയ ബോർഡ് വലിച്ചെറിഞ്ഞ് കോൺഗ്രസ് പ്രവർത്തകർ
കട്ടപ്പന: കല്യാണത്തണ്ട് റവന്യു ഭൂമിയിലെ കുടുംബങ്ങളെ കുടിയിറക്കാനുള്ള നീക്കം തടയുമെന്ന് കോൺഗ്രസ്. കട്ടപ്പന വില്ലേജിൽ ബ്ലോക്ക് 60ൽ സർവ്വേ നമ്പർ -19ൽ താമസിക്കുന്ന 43 കുടുംബങ്ങളെ ഇറക്കിവിട്ട് റിസർവ് വനമാക്കി പ്രഖ്യാപിക്കുന്നതിനുള്ള നീക്കമാണ് സർക്കാർ നടത്തുന്നതെന്ന് യുഡിഎഫ് നേതാക്കൾ ആരോപിച്ചു. ആറരപതിറ്റാണ്ടായി ഇവിടെ താമസിക്കുന്ന കുടുംബങ്ങൾക്ക് പട്ടയം നൽകുന്നതിനു പകരം അവരെ ഇറക്കിവിടാൻ ശ്രമിക്കുകയാണ്. കല്യാണതണ്ടിൽ റവന്യൂ വകുപ്പ് കഴിഞ്ഞ ദിവസം റവന്യൂ വകുപ്പ് സർക്കാർ പുൽമേട് എന്ന് ബോർഡ സ്ഥാപിച്ചിരുന്നു. ഒരു കാരണവശാലും ഇവിടെ നിന്ന് ആരെയും കുടിയൊഴിപ്പിക്കാനനുവദിക്കില്ലെന്ന് യുഡിഎഫ് നേതാക്കൾ അറിയിച്ചു.മുനിസിപ്പൽ ചെയർ പേഴ്സൺ ബീന ടോമി, കെ പി സി സി സെക്രട്ടറി തോമസ രാജൻ, കോൺഗ്രസ് മണ്ഡലം പ്രസിഡന്റ് സിജു ചക്കുംമൂട്ടിൽ എന്നിവരുടെ നേതൃത്വത്തിൽ കല്യാണത്തണ്ട് സന്ദർശിച്ച് ബോർഡ് പിഴുതെറിയുകയും പാർട്ടിയുടെ കൊടി കുത്തുകയു ചെയ്തു.
Read More