കാട്ടാക്കട: വയറിളക്കത്തെയും ഛർദ്ദിയെയും തുടർന്ന് രണ്ടാം ക്ലാസ് വിദ്യാർഥി മരിച്ചു. കാട്ടാക്കട മൈലാടി പുതുവൈക്കൽ വാടകയ്ക്ക് താമസിക്കുന്ന ഗിരീഷ് – നീതു ദമ്പതികളുടെ മകൻ ആദിത്യ നാഥ് (7)ആണ് എസ്എടി ആശുപത്രിയിൽ മരിച്ചത്. 17ന് വിളപ്പിൽശാലയിലെ ഹോട്ടലിൽ നിന്ന് ഭക്ഷണം വാങ്ങി നൽകിയതിനുശേഷം കുട്ടിക്ക് അസ്വസ്ഥതയായിരുന്നു. വയറിളക്കവും തുടർന്ന് ഛർദ്ദിയും വന്നതോടെ കുട്ടി അവശനായി . തുടർന്ന് മലയിൻകീഴ് മണിയറവിള ആശുപത്രിയിൽ ചികിത്സ തേടി ശേഷം വീട്ടിലേക്ക് മടങ്ങി. ഇന്നലെ വീണ്ടും അസ്വസ്ഥത വന്നതിനെ തുടർന്ന് വീണ്ടും മലയിൻകീഴ് മണിയറവിള ആശുപത്രിയിൽ എത്തുകയും സ്ഥിതി മോശമാണെന്ന് കണ്ട് ഇവിടെനിന്ന് എസ്ഐടിയിലേക്ക് ഡോക്ടർമാർ നിർദ്ദേശിക്കുകയും ചെയ്തു. ഇവിടെ വച്ച് ഇന്നലെ രാത്രി 10 മണിയോടെ കുട്ടി മരിച്ചു. ഭക്ഷ്യവിഷബാധമൂലമാകാമെന്ന് രക്ഷിതാക്കൾ കാട്ടാക്കട പോലീസിൽ മൊഴി നൽകിയതിനെ തുടർന്ന് കാട്ടാക്കട പോലീസ് കേസെടുത്തു. പോസ്്റ്റ്മോർട്ടം നടത്തിയ ശേഷം മാത്രമേ ഇത്…
Read MoreCategory: Edition News
വിവാഹചടങ്ങില് പങ്കെടുക്കാനെത്തി; രാത്രിയിൽ ബാൽക്കണിയിൽ നിന്നു വീണ് യുവാവിന് ദാരുണാന്ത്യം
കോട്ടയം: ഭരണങ്ങാനത്ത് ഫ്ലാറ്റിന് മുകളിൽനിന്നു വീണ് യുവാവിന് ദാരുണാന്ത്യം. മൂവാറ്റുപുഴ കോതമംഗലം സ്വദേശി അമ്പാടി സന്തോഷാണ് മരിച്ചത്. പുലർച്ചെ 12 .30 ആയിരുന്നു സംഭവം. വിവാഹ ചടങ്ങില് പങ്കെടുക്കുന്നതിനായി അഞ്ചംഗ സംഘത്തിനൊപ്പം മേരിഗിരി ജംഗ്ഷനിൽ ഫ്ലാറ്റിൽ മുറിയെടുത്തതായിരുന്നു യുവാവ്. മുകളിലത്തെ നിലയിലെ ബാൽക്കണിയിൽ സുഹൃത്തുക്കൾക്കൊപ്പം നില്ക്കവെ കാൽവഴുതി താഴേക്ക് വീഴുകയായിരുന്നു. ഉടൻതന്നെ ഭരണങ്ങാനത്തെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചു. മോർച്ചറിയിൽ സൂക്ഷിച്ചിരിക്കുന്ന മൃതദേഹം മേൽനടപടികൾക്കു ശേഷം ബന്ധുക്കൾക്ക് വിട്ടുനല്കും.
Read Moreറോഡ് വികസനത്തിന് ആൽമരം തടസം; മുറിക്കുന്നത് സംബന്ധിച്ച് ആർഎസ്എസ്-സിപിഎം വാക്കേറ്റം; പോലീസെത്തിയപ്പോൾ സംഭവിച്ചത്
കണ്ണൂർ: അഴീക്കോട് വൻകുളത്ത് വയലിൽ റോഡരികിലെ ആൽമരം മുറിക്കാനുള്ള നീക്കത്തെ തുടർന്ന് സംഘപരിവാർ-സിപിഎം പ്രവർത്തകർ തമ്മിൽ വാക്കേറ്റം. ആർഎസ്എസ് കാര്യാലയത്തിനു മുന്നിലായുള്ള ആൽമരം റോഡ് വികസന പ്രവൃത്തികളുടെ ഭാഗമായി മുറിക്കാനുള്ള പഞ്ചായത്ത് അധികൃതരുടെ നീക്കത്തെ ആർഎസ്എസ് പ്രവർത്തകർ തടഞ്ഞതാണ് വാക്കേറ്റത്തിന് ഇടയാക്കിയത്. റോഡരിക് കോൺക്രീറ്റ് ചെയ്യുന്നതിന്റെ ഭാഗമായാണ് മരം മുറിക്കാൻ തീരുമാനിച്ചതെന്നാണ് പഞ്ചായത്തധികൃതർ പറഞ്ഞത്. എന്നാൽ റോഡരികിലെ മറ്റു മരങ്ങൾ മുറിക്കാതെ ആൽമരം മാത്രം മുറിക്കാൻ വ്യഗ്രത കാട്ടുന്നതിൽ ദുരൂഹതയുണ്ടെന്ന് പറഞ്ഞ് ആർഎസ്എസ്-ബിജെപി പ്രവർത്തകർ മരം മുറിക്കാനുള്ള നീക്കം തടഞ്ഞു. സ്ഥലത്തെത്തിയ സിപിഎം പ്രവർത്തകർ പഞ്ചായത്ത് തീരുമാനത്തിന് പിന്തുണ പ്രഖ്യാപിച്ചു. ഇതോടെ ഇരുവരും തമ്മിൽ വാക്കേറ്റമുണ്ടായി. സിപിഎം പ്രവർത്തകരും സ്ഥലത്തെത്തിയിരുന്നു. വിവരമറിഞ്ഞ് സ്ഥലത്തെത്തിയ വളപട്ടണം പോലീസ് ഇരുവരെയും അനുനയിപ്പിക്കുകയും തുടർന്ന് മരം മുറിക്കുകയുമായിരുന്നു.
Read Moreആശുപത്രി സൂപ്രണ്ടിന്റെ അവസരോചിത ഇടപെടലിൽ രണ്ടര വയസുകാരനു പുനർജന്മം
അഗളി: കോട്ടത്തറ ട്രൈബൽ സ്പെഷാലിറ്റി ആശുപത്രി സൂപ്രണ്ട് ഡോക്ടർ എം.എസ്. പത്മനാഭന്റെ അവസരോചിതമായ ഇടപെടലിലൂടെ രണ്ടര വയസുകാരനു പുനർജന്മം.അട്ടപ്പാടിയിലെ അതിവിദൂര ഊരായ ഗലസിയിൽനിന്ന് എത്തിയ കുഞ്ഞിന്റെ ജീവനാണ് രക്ഷിക്കാനായത്. ന്യുമോണിയ ബാധിച്ച് കടുത്ത ചുമയും ശരീരത്തിൽ ജലാംശവും നഷ്ടപ്പെട്ട അവശനിലയിൽ പതിനാലാം തീയതി വൈകുന്നേരം ആറരയോടെയാണ് കുട്ടിയെ രക്ഷിതാക്കൾ കോട്ടത്തറ ആശുപത്രിയിൽ എത്തിക്കുന്നത്. ഉടൻ കുട്ടിയെ ആശുപത്രിയിൽ അഡ്മിറ്റ് ചെയ്തു ചികിത്സകൾ തുടങ്ങി. ഗ്ലൂക്കോസ് നൽകുന്നതിനുള്ള പ്രാരംഭ നടപടികൾക്കിടെ രക്ഷിതാക്കൾ ആശുപത്രി അധികൃതരുടെ കണ്ണുവെട്ടിച്ച് കുട്ടിയുമായി കടന്നുകളയുകയായിരുന്നുവെന്ന് ആശുപത്രി അധികൃതർ പറഞ്ഞു. രാത്രി 10.45യോടെയാണ് കുഞ്ഞിനെ കാണാതായത്. സംഭവം അറിഞ്ഞ ഉടൻ ആശുപത്രി സൂപ്രണ്ട് പോലീസ്, വനം, ഐടിഡിപി, എസ് ടി പ്രൊമോട്ടർമാർ തുടങ്ങി വിവിധ ഭാഗങ്ങളിലേക്കു സന്ദേശം കൈമാറി. രാത്രി മഴ ഉണ്ടായിരുന്നതിനാൽ ഗലസി ഊരിലേക്കുപോകാൻ ആവില്ലെന്ന് വ്യക്തമായിരുന്നു. പ്രധാന ടൗണുകൾ കേന്ദ്രീകരിച്ച് നിരീക്ഷണത്തിനു ഏർപ്പാടുകൾ…
Read Moreവീട്ടമ്മ മരിച്ച നിലയിൽ; മകൻ ഒളിവിൽ; കൊലപാതകമെന്ന് സംശയം
കൊല്ലം കുണ്ടറ പടപ്പക്കരയിൽ വീട്ടമ്മയെ വീടിനുള്ളിൽ മരിച്ച നിലയിൽ കണ്ടെത്തി. പടപ്പക്കര പുഷ്പവിലാസം വീട്ടിൽ പുഷ്പലത (45) യെയാണ് മരിച്ചനിലയിൽ കണ്ടെത്തിയത്. പിതാവ് ആന്റണിയെ ഗുരുതര പരുക്കുകളോടെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. മകൻ അഖിൽ കുമാറിനെ (25) കാണാനില്ല. മകൾ വീട്ടിലേക്ക് ഫോൺ വിളിച്ചിട്ടു ആരും എടുത്തില്ല. കുറേ നേരമായിട്ടും തിരികെ വിളിയൊന്നും കാണാത്തതിൽ പരിഭിമിച്ച് അടുത്തുളള ബന്ധുവിനെ വിളിച്ച് വിവരം പറഞ്ഞു. തുടർന്ന് സമീപവാസിയായ ബന്ധു അന്വേഷിച്ച് എത്തിയപ്പോഴാണ് മരിച്ചനിലയിൽ പുഷ്പലതയെ കണ്ടെത്തിയത്. മകൻ ഉപദ്രവിക്കുന്നുവെന്ന് ഇരുവരും കഴിഞ്ഞ ദിവസം പോലീസിൽ പരാതിപ്പെട്ടിരുന്നു. തുടർന്ന് പോലീസ് വീട്ടിലെത്തി മകൻ അഖിലിന് താക്കീത് നൽകിയിരുന്നു. ഇതിനു പിന്നാലെയാണ് പുഷ്പലതയെ വീടുനുള്ളിൽ മരിച്ച നിലയിൽ കണ്ടെത്തിയത്. അഖിലിനു വേണ്ടി കുണ്ടറ പോലീസ് അന്വേഷണം ആരംഭിച്ചു. കൊലപാതകമെന്നാണ് പ്രാഥമിക നിഗമനം.
Read Moreമുതലപ്പൊഴിയിൽ വള്ളം മറിഞ്ഞ് മത്സ്യത്തൊഴിലാളിയെ കാണാതായി
തിരുവനന്തപുരം: മുതലപ്പൊഴിയിൽ വീണ്ടും അപകടം. ഇന്ന് രാവിലെ വള്ളം മറിഞ്ഞു മത്സ്യത്തൊഴിലാളിയെ കാണാതായി. അഞ്ചുതെങ്ങ് സ്വദേശി ബെനഡിക്റ്റിനെ(45)യാണ് കാണാതായത്. ഇന്നു രാവിലെ 6.20 നാണു തിരയിൽപ്പെട്ട് വള്ളം മറിഞ്ഞത്. നാലു പേരാണ് വള്ളത്തില് ഉണ്ടായിരുന്നത്. കടലിൽ വീണ മൂന്നു പേരെ രക്ഷപ്പെടുത്തി. രണ്ടുപേരെ മറൈൻ ഇൻഫോഴ്സ്മെന്റാണ് രക്ഷപ്പെടുത്തിയത്. ഒരാളെ മറ്റൊരു വള്ളത്തിൽ കയറ്റി രക്ഷപ്പെടുത്തി. മത്സ്യബന്ധനം കഴിഞ്ഞു തിരികെ വരുമ്പോഴായിരുന്നു അപകടം. കാണാതായ ആളെ കണ്ടെത്താൻ മത്സ്യത്തൊഴിലാളികളും കോസ്റ്റൽ പോലീസും മറൈൻ എൻഫോഴ്സ്മെന്റും തെരച്ചിൽ തുടരുകയാണ്. അഞ്ചുതെങ്ങ് സ്വദേശി ജോബോയുടെ സിന്ദുയാത്ര മാതാ എന്ന വള്ളമാണ് അപകടത്തിൽപ്പെട്ടത്.
Read Moreകെഎസ്ആര്ടിസി ബസ് ഡ്രൈവറുടെ അശ്രദ്ധ; പിക്കപ്പ് ഡിവൈഡറിലിടിച്ച് മറിഞ്ഞ് ഡ്രൈവര്ക്ക് പരിക്ക്
പുതുക്കാട്: ദേശീയപാതയിൽ കെഎസ്ആര്ടിസി സ്റ്റാൻഡിനു മുന്പിൽ വീണ്ടും അപകടം. നിയന്ത്രണം വിട്ട പിക്കപ്പ് സിഗ്നല് പോസ്റ്റില് ഇടിച്ച് മറിഞ്ഞ് ഡ്രൈവര്ക്ക് പരിക്കേറ്റു. തൊടുപുഴ സ്വദേശി ദിലീപിനാണ് പരിക്കേറ്റത്. ശനി രാവിലെ എട്ടോടെയായിരുന്നു അപകടം. ചാലക്കുടി ഭാഗത്തുനിന്ന് വന്നിരുന്ന സൂപ്പര്ഫാസ്റ്റ് ബസ് അശ്രദ്ധമായി സ്റ്റാൻഡിലേക്ക് പ്രവേശിച്ചതാണ് അപകടത്തിനിടയാക്കിയത്. ബസ് പെട്ടെന്ന് തിരിക്കുന്നതിനിടെ തൃശൂര് ഭാഗത്തുനിന്ന് കള്ളുമായി വന്നിരുന്ന പിക്കപ്പ് ബസില് ഇടിക്കാതിരിക്കാന് ശ്രമിക്കുന്നതിനിടെയാണ് അപകടം. പിക്കപ്പ് ഇടിച്ച് ഡിവൈഡറില് സ്ഥാപിച്ച സിഗ്നല് പോസ്റ്റ് റോഡിലേക്ക് ഒടിഞ്ഞു വീണു. ഇടിയെതുടർന്ന് മറിഞ്ഞ പിക്കപ്പില്നിന്ന് ഡ്രൈവറെ നാട്ടുകാരാണ് പുറത്തെടുത്തത്. പിന്നീട് ക്രെയിന് എത്തിച്ചാണ് വാഹനം റോഡിൽ നിന്നു നീക്കിയത്. പുതുക്കാട് പോലീസ് സ്ഥലത്തെത്തിയിരുന്നു. സ്റ്റാൻഡിലേക്ക് വരുന്നതും പോകുന്നതുമായ കെഎസ്ആർടിസി ബസുകള് ദേശീയപാതയിലേക്ക് അശ്രദ്ധമായി പ്രവേശിക്കുന്നതുമൂലം നിരവധി അപകടങ്ങളാണ് സംഭവിച്ചിട്ടുള്ളത്. പോലീസും ബന്ധപ്പെട്ട അധികൃതരും ബസ് ഡ്രൈവര്മാര്ക്ക് നിര്ദേശം നല്കുന്നുണ്ടെങ്കിലും ഇതൊന്നും പാലിക്കാന് അവര്…
Read Moreതൃശൂരിൽ വാഹനാപകടത്തിൽ ബന്ധുക്കളായ 2 പേർ മരിച്ചു
എരുമപ്പെട്ടി(തൃശൂർ): വെള്ളറക്കാട് മാത്തൂർ പാടത്തിന് സമീപം ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തിൽ രണ്ടു പേർ മരിച്ചു. രണ്ടു പേർക്ക് ഗുരുതരമായി പരിക്കേറ്റു. സ്കൂട്ടർ യാത്രക്കാരായ മരത്തംകോട് ചിറപ്പുറത്ത് ആശാരി വീട്ടിൽ ആനന്ദൻ (50), അദ്ദേഹത്തിന്റെ സഹോദരൻ മോഹനന്റെ മകൻ പ്രവീൺ (21) എന്നിവരാണ് മരിച്ചത്. കൂടെ സ്കൂട്ടറിൽ സഞ്ചരിച്ചിരുന്ന പ്രവീണിന്റെ സഹോദരൻ പ്രണവിനും സാരമായി പരിക്കേറ്റിട്ടുണ്ട്. ബൈക്ക് യാത്രക്കാരനായ എരുമപ്പെട്ടി സ്വദേശി പരേതനായ വട്ടപ്പറമ്പിൽ ഹനീഫയുടെ മകൻ യഹിയ (19) ക്കും ഇയാളോടൊപ്പമുണ്ടായിരുന്ന മറ്റൊരാൾക്കും അപകടത്തിൽ പരിക്കേറ്റു. ഇന്നലെ രാത്രി 10.30 ഓടെ വെള്ളറക്കാട് മാത്തൂർ പാടത്തിന് സമീപമാണ് അപകടമുണ്ടായത്. എരുമപ്പെട്ടി ഭാഗത്തുനിന്നും വരികയായിരുന്ന ആനന്ദനും പ്രവീണും പ്രണവും സഞ്ചരിച്ചിരുന്ന സ്കൂട്ടറും കുന്നംകുളത്തു നിന്നും വരികയായിരുന്ന യഹിയയും സുഹൃത്തും സഞ്ചരിച്ചിരുന്ന ബൈക്കുമാണ് കൂട്ടിയിടിച്ചത്. അപകടം നടന്ന ഉടൻ തന്നെ ഇവരെ കുന്നംകുളം മലങ്കര ആശുപത്രിയിലെത്തിച്ചെങ്കിലും അൽപ്പ സമയത്തിനകം…
Read Moreപോലീസിന് കിട്ടിയ രഹസ്യവിവരം ശരിയായി; ബാംഗ്ലൂരിൽ നിന്ന് ബസ് മാർഗം കൊണ്ടുവന്ന 200 ഗ്രാം എംഡിഎംഎയുമായി യുവാക്കൾ പിടിയിൽ
തിരുവനന്തപുരം: ബംഗ ളൂരുവിൽനിന്നു നഗരത്തിൽ കച്ചവടത്തിനായി എത്തിച്ച 200 ഗ്രാം എം ഡിഎംഎയുമായി യുവാക്കളെ പിടികൂടി. വള്ളക്കടവ് ശ്രീചിത്രാ നഗർ സ്വദേശി കിഷോർ ബാലു (25), വള്ളക്കടവ്, കൊച്ചുതോപ്പ് സ്വദേശി ഹെന്റി മൊറൈസ് (28) എന്നിവരെയാണു പ്ര ത്യേക ടീമിന്റെ സഹായത്തോടെ കരമന പോലീസ് അറസ്റ്റ് ചെയ്തത്. ബംഗളൂരുവിൽനിന്നു ബസുമാർഗം കടത്തിക്കൊണ്ടുവന്ന എംഡിഎംഎയുമായെത്തിയ യുവാക്കളെ രഹസ്യവിവരത്തിന്റെ അടിസ്ഥാനത്തിലാണ് കരമന നീരമൺകര ഭാഗത്തുവച്ചു പോലീസ് പിടികൂടിയത്. കഴിഞ്ഞ ദിവസങ്ങളിലായി പന്ത്രണ്ടര കിലോ കഞ്ചാവുമായി ദമ്പതിമാരായ ഉണ്ണികൃഷ്ണൻ, അശ്വതി എന്നിവരെയും രണ്ടുഗ്രാം കൊക്കെയിനും 104 ഗ്രാം എംഡിഎംഎയുമായി കൊച്ചുവേളി റെയിൽവേ സ്റ്റേഷനിനു സമീപത്തുനിന്നു വിഷ്ണു എന്ന യുവാവിനേയും 150 ഗ്രാം എംഡിഎംഎയുമായി ഒരു യുവാവിനെയും 144 ഗ്രാം എംഡിഎംഎയും ഒന്നര കിലോ കഞ്ചാവുമായി മൂന്നുപേരെയും 100 ഗ്രാം എംഡിഎംഎയുമായി ഒരു യുവാവിനെ യും പോലീസ് അറസ്റ്റ് ചെയ്തിരുന്നു.
Read Moreപണയംവച്ചത് മുക്കുപണ്ടം; തട്ടിയത് 1.5 ലക്ഷം; തട്ടിപ്പ് സംഘം ലക്ഷ്യം വയ്ക്കുന്നത് സ്ത്രീകൾ മാനേജർമാരായി ഇരിക്കുന്ന സ്ഥാപനങ്ങളെ
ആറ്റിങ്ങൽ: മുക്കുപണ്ടം പണയം വച്ച് 1.5 ലക്ഷം രൂപ തട്ടിയെടുത്തയാൾ അറസ്റ്റിൽ. ഇടയ്ക്കാട് ഊരുപൊയ് ക മങ്കാട്ടുമൂല ആതിര ഭവനിൽ അരുണി(33) നെയാണ് ആറ്റിങ്ങൽ പോലീസ് അറസ്റ്റ് ചെയ്തത്. ആലംകോട്ടെ സ്വകാര്യ ഫൈനാൻസിയേഴ്സിൽ ജൂലൈ മാസത്തിൽ ഏകദേശം നാലുപവനോളം സ്വർണാഭരണങ്ങൾ, വ്യാജമായി നിർമിച്ച ആധാർ കാർഡ്, ഇലക്ഷൻ ഐഡന്റിറ്റി കാർഡ്, ഉത്തരേന്ത്യക്കാരുടെ പേരിലെടുത്ത മൊബൈൽ കണക്ഷൻ എന്നിവ ഉപയോഗിച്ചാണ് പണയം വച്ച് 1.5 ലക്ഷം രൂപ തട്ടിയെടുത്തത്. ബംഗളൂരു സ്വദേശിയിൽ നിന്നാണ് സ്വർണം പൂശിയ ആഭരണങ്ങൾ വാങ്ങി വന്നിരുന്നത്. ഹാൾമാർക്കും 916 മുദ്രയും പതിപ്പിച്ചിട്ടുള്ള ആഭരണങ്ങൾ സാധാരണ രീതിയിൽ അപ്രൈസർമാർ പരിശോധിച്ചാൽ മനസിലാകില്ല. വളരെ നല്ല രീതിയിൽ വേഷവിധാനം ചെയ്ത് കളവായ വിവരങ്ങൾ പറഞ്ഞ് സ്ത്രീകൾ മാനേജർമാരായി ഇരിക്കുന്ന സ്ഥാപനങ്ങളെയാണ് സംഘാംഗങ്ങൾ ലക്ഷ്യം വയ് ക്കുന്നതെന്ന് പോലീസി സൂചിപ്പിച്ചു. മറ്റു ചില ധനകാര്യ സ്ഥാപനങ്ങളിലും പ്രതി പല…
Read More