കൊച്ചി: ഓണ്ലൈന് തട്ടിപ്പിന് കൊച്ചിയില്നിന്ന് ലാവോസിലെ ചൈനീസ് കമ്പനിക്ക് ആളുകളെ വിറ്റ സംഭവത്തില് സമാന രീതിയില് തട്ടിപ്പിന് ഇരയായി ലാവോസില് കുടുങ്ങിക്കിടക്കുന്നവരുടെ വിവരങ്ങള് പോലീസ് ശേഖരിക്കുന്നു. കേസില് അറസ്റ്റിലായ പ്രതി പള്ളുരുത്തി സ്വദേശി അഫ്സര് അഷറഫില്(34) നിന്ന് ലഭിച്ച വിവരത്തിന്റെ അടിസ്ഥാനത്തിലാണ് പോലീസിന്റെ നീക്കം. ഇവരെ എംബസിയുടെ സഹായത്തോടെ കേന്ദ്ര ഇടപെടലില് തിരികെ എത്തിക്കുന്ന സാധ്യതകളും പോലീസ് തേടുന്നുണ്ട്. അതിനിടെ സംഭവത്തില് ഇടനിലക്കാരനായ മലയാളിയെക്കുറിച്ച് പോലീസിന് വ്യക്തമായ വിവരം ലഭിച്ചതായാണ് സൂചന. ഇതുമായി ബന്ധപ്പെട്ട അന്വേഷണം പുരോഗിമിക്കുകയാണെന്ന് തോപ്പുംപടി പോലീസ് പറഞ്ഞു. കഴിഞ്ഞിടെ അവയവക്കടത്തുമായി ബന്ധപ്പെട്ട് കൊച്ചിയില് അറസ്റ്റ് നടന്നിരുന്നു. സംഭവത്തിനു പിന്നില് വന് റാക്കറ്റുണ്ടെന്ന് തുടര്ന്നുള്ള അന്വേഷണത്തില് പോലീസ് കണ്ടെത്തിയിരുന്നു. സമാനരീതിയില് മനുഷ്യക്കടത്ത് കേസിലും കൂടുതല് പ്രതികള് ഉണ്ടാകുമെന്നാണ് പോലീസിന്റെ വിലയിരുത്തല്. കസ്റ്റഡിയില് വാങ്ങി വ്യക്തത വരുത്തും അഫ്സര് അഷറഫിനെ കസ്റ്റഡിയില് ചോദ്യം ചെയ്യാന് പോലീസ്…
Read MoreCategory: Edition News
യൂത്ത് കോണ്ഗ്രസ് സമരവേദികളിലെ മുൻനിരപേരാളി, കോട്ടയത്തെ കെഎസ്യുവിനെ കരുത്തുറ്റ നിലയിലെത്തിച്ചയാൾ; ജോബോയുടെ വിടവാങ്ങൽ കോൺഗ്രസിന് തീരാനഷ്ടം
കോട്ടയം: വിദ്യാര്ഥി-യുവജന സമരങ്ങളിലെ മുന്നിരപോരാളിയും കോണ്ഗ്രസ് പാര്ട്ടിയിലെ ധീരനുമായിരുന്ന ഡിസിസി ജനറല് സെക്രട്ടറി ജോബോയ് ജോര്ജ് (47) അന്തരിച്ചു. യൂത്ത് കോണ്ഗ്രസ് കോട്ടയം മുന് ജില്ലാ പ്രസിഡന്റുമായിരുന്നു. ഇന്നലെ രാത്രി 8.30ന് കോട്ടയം മാര്ക്കറ്റില് കുഴഞ്ഞുവീഴുകയായിരുന്നു. സമീപത്തുണ്ടായിരുന്നവര് ഉടന്തന്നെ ജില്ലാ ജനറല് ആശൂപത്രിയിലെത്തിച്ചെങ്കിലും മരണപ്പെട്ടു. ഹൃദയാഘാതമാണു മരണകാരണമെന്നാണു പ്രാഥമിക നിഗമനം. കോട്ടയത്തെ കെഎസ്യു, യൂത്ത് കോണ്ഗ്രസുകാര്ക്കിടയില് ഹീറോ ആയാണ് ജോബോയി അറിയപ്പെട്ടിരുന്നത്. മണര്കാട് സെന്റ് മേരീസ് കോളജില് കെഎസ്യു പ്രവര്ത്തകനായിട്ടാണ് ജോബോയി വിദ്യാര്ഥി രാഷ്ട്രീയത്തിലെത്തുന്നത്. ബസേലിയോസ് കോളജ് ചെയര്മാനായിരുന്നു. പ്രതികൂല സാഹചര്യത്തിലും കെഎസ്യുവിനെയും യൂത്ത് കോണ്ഗ്രസിനെയും മികച്ച സംഘാടനത്തിലൂടെയും പ്രവര്ത്തനത്തിലൂടെയും കരുത്തുറ്റ വിദ്യാര്ഥി-യുവജന സംഘടനകളാക്കി മാറ്റി. എതിരാളികളുടെ അക്രമണത്തിനു പല തവണ വിധേയമായിട്ടുണ്ട്. സമര മുഖങ്ങളില് പോലീസിന്റെ ക്രൂരമര്ദത്തിനും ഇരയായിട്ടുണ്ട്. സോളാര് സമരം കത്തിനിന്നപ്പോള് ഉമ്മന്ചാണ്ടിക്ക് സംരക്ഷണ കവചം തീര്ക്കാന് മുന്നിരയില് ജോബോയി ഉണ്ടായിരുന്നു. അന്തരിച്ച മുന്…
Read Moreനജീബ് കാന്തപുരത്തിന് എംഎൽഎയായി തുടരാം; തെരഞ്ഞെടുപ്പ് വിജയം ഹൈക്കോടതി ശരിവച്ചു
കൊച്ചി: പെരിന്തല്മണ്ണ നിയോജക മണ്ഡലത്തിലെ ലീഗ് സ്ഥാനാര്ഥി നജീബ് കാന്തപുരത്തിന്റെ തെരഞ്ഞെടുപ്പ് വിജയം ഹൈക്കോടതി ശരിവച്ചു. പെരിന്തല്മണ്ണ നിയമസഭ തെരഞ്ഞെടുപ്പ് റദ്ദാക്കണമെന്ന എതിര് സ്ഥാനാര്ഥി സിപിഎം സ്വതന്ത്രന് കെ.പി. മുഹമ്മദ് മുസ്തഫ നല്കിയ ഹര്ജിയാണ് ഹൈക്കോടതി തള്ളിയത്. മണ്ഡലത്തിലെ 340 പോസ്റ്റല് വോട്ടുകള് പ്രിസൈഡിംഗ് ഓഫീസർ ഒപ്പിട്ടില്ലെന്ന കാരണം പറഞ്ഞ് എണ്ണിയില്ലെന്നും ഇവയില് 300 ഓളം വോട്ടുകള് തനിക്കു ലഭിക്കേണ്ടതാണെന്നുമാണ് ഹര്ജിക്കാരന്റെ വാദം. 38 വോട്ടുകള്ക്കാണ് നജീബ് കാന്തപുരം വിജയിച്ചത്. കേസുമായി ബന്ധപ്പെട്ട നടപടിക്കിടെ തെരഞ്ഞെടുപ്പ് രേഖകള് അടങ്ങിയ പെട്ടി കാണാതെ പോയെന്ന് കണ്ടെത്തിയിരുന്നു. ഇത് പിന്നീട് മലപ്പുറം സഹകരണസംഘം ജോയിന്റ് രജിസ്ട്രാറുടെ ഓഫീസില് നിന്ന് കണ്ടെത്തി. ഈ പെട്ടികള് പിന്നീട് ഹൈക്കോടതിയില് എത്തിച്ച് പരിശോധിച്ചിരുന്നു. നജീബ് കാന്തപുരം നല്കിയ തടസ ഹര്ജി കോടതി നേരത്തെ തള്ളുകയുണ്ടായി.
Read Moreജില്ലാ പ്രസിഡന്റിനെതിരേ കള്ളക്കേസ്; പോലീസിനെതിരേ നിയമപോരാട്ടത്തിനൊരുങ്ങി ബിജെപി; കെ. സുരേന്ദ്രൻ നാളെ തൃശൂരിൽ
തൃശൂർ: ബിജെപി ജില്ലാ പ്രസിഡന്റ് അഡ്വ. കെ.കെ. അനീഷ്കുമാറിനെതിരേ ഗുരുതരമായ വകുപ്പുകൾ ചുമത്തി കള്ളക്കേസെടുത്ത ഈസ്റ്റ് പോലീസിനെതിരേ ബിജെപി നിയമപോരാട്ടത്തിനൊരുങ്ങുന്നു. അനീഷിനെതിരേ ഈസ്റ്റ് പോലീസ് ചുമത്തിയ 107-ാം വകുപ്പ് കേസ് തൃശൂർ ആർഡിഒ കോടതി കഴിഞ്ഞ ദിവസം റദ്ദാക്കിയിരുന്നു. സമൂഹത്തിന്റെ സമാധാന ജീവിതത്തിന് ഭീഷണിയായ സ്ഥിരം ക്രിമിനലുകൾക്കെതിരേ എടുക്കുന്ന സിആർപിസി 107 വകുപ്പാണ് ഈസ്റ്റ് പോലീസ് അനീഷിനെതിരേ ചുമത്തിയത്. കള്ളക്കേസെടുത്തതിനെതിരേ ജില്ലാ കളക്ടർ, സിറ്റി പോലീസ് കമ്മീഷണർ എന്നിവർക്കു പരാതിയും നൽകിയിരുന്നു. ജനകീയ വിഷയങ്ങളുമായി ബന്ധപ്പെട്ടു നടന്ന പ്രതിഷേധങ്ങളിൽ പങ്കെടുത്തതല്ലാതെ അഡ്വ കെ.കെ അനീഷ്കുമാറിനെതിരേ ഒരു ക്രിമിനൽ കേസും ഇല്ലെന്ന് ചൂണ്ടിക്കാട്ടിയാണു പരാതി നൽകിയത്. ഇതിനെത്തുടർന്ന് കമ്മീഷണറും കളക്ടറും നടത്തിയ അന്വേഷണത്തിൽ കേസ് നിലനിൽക്കുന്നതല്ലെന്നു കണ്ടെത്തിയിരുന്നു. ഇതിനെത്തുടർന്നാണ് അനീഷ്കുമാറിനെതിരേ സിആർപിസി 107 പ്രകാരമുള്ള എല്ലാ ക്രിമിനൽ നടപടികളും റദ്ദാക്കിക്കൊണ്ട് തൃശൂർ ആർഡിഒ കോടതി ഉത്തരവിട്ടത്.കോടതി നടപടിയിൽ സന്തോഷമുണ്ടെന്നും…
Read Moreഎംസി റോഡിനു സമാന്തരമായി ഗ്രീൻഫീൽഡ് പാത; കേന്ദ്രത്തിന് അങ്ങനെയൊരു പദ്ധതിയില്ലെന്ന് മന്ത്രി നിതിൻ ഗഡ്കരി
കൊല്ലം: എംസി റോഡിന് സമാന്തരമായി ആറുവരി ഗ്രീൻഫീൽഡ് പാത നിലവിൽ നിർമിക്കാൻ കേന്ദ്ര സർക്കാരിനു പദ്ധതിയില്ലെന്ന് കേന്ദ്ര റോഡ് ഗതാഗത , ഹൈവേ വകുപ്പ് മന്ത്രി നിതിൻ ഗഡ്കരി വ്യക്തമാക്കി. കൊടിക്കുന്നിൽ സുരേഷ് എം പി ഈ വിഷയത്തിൽ ലോകസഭയിൽ ഉന്നയിച്ച ചോദ്യത്തിന് രേഖമൂലം നൽകിയ മറുപടിയിലാണ് മന്ത്രി ഇക്കാര്യം അസന്നിഗ്ധമായി വ്യക്തമാക്കിയത്. ദേശീയ പാത 66 വികസിപ്പിക്കാൻ വലിയ സ്ഥലപരിമിതി ഉണ്ടായപ്പോഴാണ് ഇത്തരത്തിൽ എംസി റോഡിന് സമാന്തരമായി ഗ്രീൻഫീൽഡ് റോഡ് നിർമിക്കാനായുള്ള സാധ്യതകൾ ആരാഞ്ഞത്. എന്നാൽ സ്ഥലമെടുപ്പിലെ പ്രശ്നങ്ങൾ പരിഹരിക്കാൻ കഴിഞ്ഞതിനാൽ ഗ്രീൻഫീൽഡ് റോഡ് സംബന്ധിച്ച് തീരുമാനം കേന്ദ്രസർക്കാർ എടുക്കുന്നില്ല എന്നും മന്ത്രിയുടെ മറുപടിയിൽ സൂചിപ്പിച്ചു. ഇതോടെ ഗ്രീൻഫീൽഡ് ആറുവരി പാത നിർമാണം എന്ന ആശയം സമീപ ഭാവിയിലൊന്നും നടക്കില്ല എന്ന കാര്യം ഉറപ്പായി.ആലപ്പുഴ , കൊല്ലം ജില്ലകളിൽ വിവിധ പദ്ധതികൾക്ക് അനുമതി നൽകിയതായും മന്ത്രിയുടെ…
Read Moreകെഎസ്ആർടിസി ജീവനക്കാർക്കു കർശന നിർദേശവുമായി മന്ത്രി; ട്രിപ്പ് മുടങ്ങുന്ന സാഹചര്യമുണ്ടാകരുത്
തിരുവനന്തപുരം: കെഎസ്ആർടിസിയിൽ യാതൊരു കാരണവശാലും ട്രിപ്പ് മുടങ്ങുന്ന സാഹചര്യമുണ്ടാകരുതെന്ന കര്ശന നിര്ദ്ദേശവുമായി ഗതാഗത മന്ത്രി കെ.ബി.ഗണേഷ് കുമാര്. ബസ് തകരാറിലായാല് സ്പെയര് ബസ് ഉപയോഗിച്ച് സർവീസ് നടത്തണം. 75 ശതമാനം ബസുകളെങ്കിലും ലാഭകരമാക്കണം. കളക്ഷന് കുറവായ റൂട്ടുകള് റീ ഷെഡ്യൂള് ചെയ്യണമെന്നും ടാര്ഗറ്റ് അനുസരിച്ച് സര്വീസ് നടത്തണമെന്നും മന്ത്രി കെ ബി ഗണേഷ് കുമാര് നിര്ദ്ദേശിച്ചു. കഴിഞ്ഞ ദിവസം ചേര്ന്ന ഉദ്യോഗസ്ഥ യോഗത്തിലാണ് മന്ത്രി ഈ നിർദേശങ്ങൾ നൽകിയത്.
Read Moreഅമീബിക് മസ്തിഷ്ക ജ്വരം: കാവിന് കുളത്തിലെ ജലത്തിന്റെ സാന്പിള് വീണ്ടും പരിശോധനയ്ക്ക്
നെയ്യാറ്റിന്കര : അതിയന്നൂര് ഗ്രാമപഞ്ചായത്തിലെ കാവിന്കുളത്തില് കുളിച്ച യുവാവ് മസ്തിഷ്ക ജ്വരം ബാധിച്ച് മരണമടഞ്ഞതിന്റെയും സമീപവാസികളില് ചിലര്ക്ക് രോഗലക്ഷണങ്ങള് പ്രകടമായതിന്റെയും സാഹചര്യത്തില് ജലാശയത്തിലെ വെള്ളത്തിന്റെ സാന്പിള് വീണ്ടും പരിശോധനയ്ക്ക് അയയ്ക്കുമെന്ന് പഞ്ചായത്ത് ആരോഗ്യ സ്റ്റാന്ഡിംഗ് കമ്മിറ്റി ചെയര്മാന് കൊടങ്ങാവിള വിജയകുമാര് അറിയിച്ചു. വെണ്പകല് സിഎച്ച്സിയിലെ ആരോഗ്യ വിഭാഗത്തിന്റെ നേതൃത്വത്തിലായിരിക്കും ജലത്തിന്റെ സാന്പിള് ശേഖരിക്കുന്നത്. കാവിന്കുളത്തിലെ ജലത്തിന്റെ ആദ്യ പരിശോധനാഫലം നെഗറ്റീവ് ആയിരുന്നു. പക്ഷെ, ഈ റിപ്പോര്ട്ട് തദ്ദേശവാസികളില് വ്യത്യസ്തമായ അഭിപ്രായങ്ങള്ക്ക് ഇടയാക്കി. കഴിഞ്ഞ ദിവസം ഡിഎംഒ വെണ്പകല് സി എച്ച് സി സന്ദര്ശിച്ചപ്പോള് സമീപവാസികളില് ചിലര് നേരിട്ട് ചെന്ന് ആശങ്കകള് അറിയിക്കുകയും ചെയ്തു. ആശാപ്രവര്ത്തകരുടെ നേതൃത്വത്തില് പഞ്ചായത്തിലെ രണ്ടു വാര്ഡുകളിലെ സര്വേകള് കഴിഞ്ഞ ദിവസം തുടങ്ങി. കാവിന്കുളം സ്ഥിതി ചെയ്യുന്ന മരുതംകോട് വാര്ഡിലും രോഗബാധിതനായി മരണമടഞ്ഞ യുവാവ് താമസിക്കുന്ന പൂതംകോട് വാര്ഡിലുമാണ് സര്വേ നടക്കുന്നത്. ഏതെങ്കിലും വിധത്തിലുള്ള…
Read Moreഎടിഎം കാർഡ് ഉപയോഗിച്ച് ലക്ഷങ്ങളുടെ തട്ടിപ്പ്; ഒരാൾ അറസ്റ്റിൽ
ചിങ്ങവനം: വിവിധ ബാങ്കുകളുടെ എടിഎം കാർഡുകൾ ഉപയോഗിച്ച് ലക്ഷങ്ങളുടെ തട്ടിപ്പ് നടത്തിയ കേസിൽ ഒരാളെ കൂടി പോലീസ് അറസ്റ്റ് ചെയ്തു. യുപി സ്വദേശിയായ റഹീം (22) എന്നയാളെയാണ് ചിങ്ങവനം പോലീസ് അറസ്റ്റ് ചെയ്തത്. ഇയാളും സുഹൃത്തുക്കളും ചേര്ന്ന് 2023ൽ കോട്ടയം കോപറേറ്റീവ് അർബൻ ബാങ്കിന്റെ ജില്ലയിലെ വിവിധ ബ്രാഞ്ചുകളില് നിന്നായി ഒരുകോടിയില്പരം രൂപ തട്ടിയെടുക്കുകയായിരുന്നു. ജില്ലാ പോലീസ് മേധാവിയുടെ നേതൃത്വത്തിൽ നടത്തിയ അന്വേഷണത്തിൽ കേസിൽ ഇവർക്ക് വിവിധ ബാങ്കുകളിൽ അക്കൗണ്ടുകൾ തരപ്പെടുത്തിനൽകിയത് ഇയാളാണെന്ന് കണ്ടെത്തുകയും, തുടർന്ന് ഇയാളെ പുനെയിൽ നിന്നു പിടികൂടുകയുമായിരുന്നു. ഇവര് ബാങ്കിന്റെ എടിഎമ്മുകളിൽ കയറി പണം എടുത്തതിന് ശേഷം ഉപയോഗിച്ച കാര്ഡിന്റെ ബാങ്കിനെ വിളിച്ച് പണം ലഭിച്ചില്ല എന്ന് അറിയിക്കുകയും, തുടർന്ന് ബാങ്ക് വീണ്ടും ഇവരുടെ അക്കൗണ്ടുകളിലേക്ക് പണം നല്കുകയുമായിരുന്നു. ഇത്തരത്തില് ഇവര് കോട്ടയം നഗരത്തിലെ കോപ്പറേറ്റീവ് അർബൻ ബാങ്കിന്റെ എടിഎമ്മുകളിൽ നിന്ന് 68…
Read Moreകണ്ണൂർ കരിക്കോട്ടക്കരിയിൽ ആസിഡ് ആക്രമണം; ഏഴുപേർക്ക് പരിക്ക്, ഒരാൾക്ക് ഗുരുതരം; അറസ്റ്റിലായ മുനീർ നിരവധി മോഷണക്കേസിൽ പ്രതി
ഇരിട്ടി: കരിക്കോട്ടക്കരി രാജീവ് ഗാന്ധി കോളനിയിലെ താമസക്കാരായ അയൽവാസികൾ തമ്മിലുണ്ടായ വാക്കുതർക്കത്തെ തുടർന്ന് മദ്യപിച്ചെത്തിയ പ്രതി അയൽവാസിയുടെ ദേഹത്ത് ആസിഡ് ഒഴിച്ചു. ആസിഡ് ശരീരത്തിൽ വീണ് ഏഴു പേർക്ക് പൊള്ളലേറ്റു. ഒരാളുടെ നില ഗുരതരമാണ്. ഇയാളെ പരിയാരത്തെ കണ്ണൂർ ഗവ. മെഡിക്കൽ കോളജിൽ പ്രവേശിപ്പിച്ചു. ഇന്നലെ രാത്രി 7.30 ഓടെയായിരുന്നു സംഭവം. രാജീവ് ഗാന്ധി കോളനിയിലെ താമസക്കാരായ മുനീർ (32) ആണ് ആസിഡാക്രമണം നടത്തിയത്. അയൽവാസിയും കോളനിയിലെ താമസക്കാരനായ സുബാഷ് (36) നാണ് ഗുരുതരമായി പൊള്ളലേറ്റത്. സമീപത്തുണ്ടയിരുന്ന കുട്ടികളടക്കം കോളനിയിലെ താമസക്കാരായ ആര്യ (അഞ്ച്), വിജേഷ് (12), ശിവകുമാർ (22), ജാനു (35), ശോഭ (45), സോമൻ (70) എന്നിവർക്കും പൊള്ളലേറ്റു. ഇവർക്ക് ഇരിട്ടി താലൂക്ക് ആശുപത്രിയിൽ ചികിത്സ നൽകി. ജില്ലയ്ക്കകത്തും പുറത്തും നിരവധി മോഷണകേസുകളിലെ പ്രതിയാണ് മുനീർ. ഇയാൾ കഴിഞ്ഞ കുറെ വർഷങ്ങളായി കോളനിയിലെ സ്ത്രീയെ…
Read Moreപോലീസ് പരേഡ് ഗ്രൗണ്ട് ഹരിതാഭമാകുന്നു…
കോട്ടയം: പോലീസിന്റെ സല്യൂട്ട് സ്വീകരിക്കാന് ഇനി മരങ്ങളും. കളക്ടറേറ്റിനു പിന്നിലുള്ള പോലീസ് പരേഡ് ഗ്രൗണ്ടിനെ ഇനി പോലീസുകാരുടെ മരങ്ങള് ഹരിതാഭമാക്കും. പരിസ്ഥിതി ദിനത്തോടനുബന്ധിച്ചാണ് ജില്ലാ പോലീസ് ചീഫ് മുതല് ഡിവൈഎസ്പിമാരും ജില്ലയിലെ എല്ലാ സ്റ്റേഷനുകളിലെ എസ്എച്ച്ഒമാരും പരേഡ് ഗ്രൗണ്ടില് മരങ്ങള് നട്ടത്. അധികം ഉയരം വയ്ക്കാത്ത ഹൈബ്രിഡ് ഇനത്തില്പ്പെട്ട മാവ്, പ്ലാവ്, റംബൂട്ടാന്, പേര, നെല്ലി, ഞാവല് മരങ്ങളുടെ തൈകളാണ് ഗ്രൗണ്ടിനു ചുറ്റും നട്ടിരിക്കുന്നത്. പ്രവേശന കവാടത്തില് ആദ്യം ജില്ലാ പോലീസ് ചീഫ് കെ. കാര്ത്തിക് നട്ടിരിക്കുന്ന മാവാണ്. തൊട്ടടുത്ത് അഡീഷണല് എസ്പിയുടെ പേരിലും മാവ്. തുടര്ന്ന് ജില്ലയിലെ മുഴുവന് ഡിവൈഎസ്പിമാരും എസ്എച്ച്ഒ മാരും പോലീസ് ഡിവിഷനുകളുടെ പേരില് മാവും പ്ലാവും റംമ്പുട്ടാനും നട്ടത്. ഓരോ മരത്തിന്റെയും സംരക്ഷണ വേലിയില് അതതു പോലീസ് ഉദ്യോഗസ്ഥരുടെ പേരും സ്ഥാനവും രേഖപ്പെടുത്തിയിട്ടുണ്ട്. ഇവര്ക്കു തന്നെയാണ് മരത്തിന്റെ മേല്നോട്ടവും പരിപാലനവും. പരിസ്ഥിതി…
Read More