കോഴിക്കോട്: മുണ്ടക്കൈ ഉരുൾപൊട്ടൽ ദുരിത ബാധിതർക്കും രക്ഷാപ്രവർത്തകർക്കും ഭക്ഷണ വിതരണം നടത്തുന്ന യൂത്ത് ലീഗിന്റെ വൈറ്റ് ഗാർഡ് പ്രവർത്തകരെ ഡിഐജി അപമാനിച്ചതായി പരാതി. ഡിഐജി തോംസണ് ജോസിനെതിരേ പൊതുപ്രവർത്തകർ മുഖ്യമന്ത്രിക്ക് പരാതി നൽകി. ഇതിന്റെ അടിസ്ഥാനത്തിൽ അന്വേഷണം നടത്താൻ ബന്ധപ്പെട്ടവർക്കു നിർദേശം നൽകിയതായി മുഖ്യമന്ത്രിയുടെ ഓഫീസ് അറിയിച്ചതായി മനുഷ്യാവകാശ പ്രവർത്തകരായ ഷെരീഫ് മലയമ്മയും നൗഷാദ് തെക്കയിലും അറിയിച്ചു. “നിങ്ങളുടെ ഭക്ഷണം കിട്ടിയിട്ടില്ലെങ്കിൽ ഞങ്ങൾക്കൊരു പുല്ലുമില്ല’ എന്ന പദപ്രയോഗം ഉപയോഗിച്ചുവെന്നാണ് സന്നദ്ധസേന പ്രവർത്തകർ പരാതിപ്പെട്ടത്. അതിനിടെ വൈറ്റ് ഗാർഡ് ഉൾപ്പടെ പല സന്നദ്ധ സംഘടനകളും നടത്തിവന്നിരുന്ന ഭക്ഷണ വിതരണം നിർത്തണമെന്നു പറഞ്ഞതിൽ പ്രതിഷേധമല്ല വേദനയാണ് ഉള്ളതെന്ന് യൂത്ത് ലീഗ് സംസ്ഥാന ജനറൽ സെക്രട്ടറി പി.കെ. ഫിറോസ് പറഞ്ഞു. കഴിഞ്ഞ ദിവസം ഡിഐജി അടക്കം വൈറ്റ് ഗാർഡിനെ ആക്ഷേപിക്കുകയും അപമാനിക്കുകയും ചെയ്യുന്ന രീതിയാണ് കണ്ടുവന്നത്. അതുകൊണ്ടാണ് വൈറ്റ് ഗാർഡ് പ്രവർത്തകർ…
Read MoreCategory: Edition News
വയനാട്ടിലെ ബെയ്ലി പാലം നിർമാണത്തിൽ ചെങ്ങന്നൂർ സ്വദേശി വിഷ്ണുവും; ചെളി നിറഞ്ഞ ദുരന്തഭൂമിയില് നേരിട്ടത് കടുത്ത വെല്ലുളി
ചെങ്ങന്നൂര്: വയനാടിന്റെ ഉള്പൊട്ടിയ ചൂരൽമലയിലെ അതിദുരന്തങ്ങളെ അതിജീവിച്ച് സൈന്യത്തിന്റെ ബെയ്ലി പാലം നിര്മാണത്തില് ചെങ്ങന്നൂര് കാരയ്ക്കാട് സ്വദേശി വിഷ്ണു രാമചന്ദ്രന്റെ കൈയൊപ്പും. മദ്രാസ് നാലാം എന്ജിനിയര് റജിമെന്റില് അംഗമായ സൈനികന് ചെങ്ങന്നൂര് കാരക്കാട് നെടിയത്ത് വിഷ്ണു ഭവനില് വിഷ്ണു രാമചന്ദ്രനാണ് ചെങ്ങന്നൂരിന് അഭിമാനമായത്. മുപ്പത്തിയൊന്ന് മണിക്കൂര് നീണ്ട പരിശ്രമത്തിലൂടെയാണ് പാലം പൂര്ത്തിയാക്കിയത്. ഒരു മിനിറ്റു പോലും വിശ്രമിക്കാതെയാണ് പാലത്തിനായി സൈനികരും മറ്റുള്ളവരും അധ്വാനിച്ചത്. തന്റെ സര്വീസിലെ പതിനേഴ് വര്ഷത്തില് ആദ്യമായിട്ടാണ് ഇത്തരമൊരു രക്ഷാപ്രവര്ത്തനത്തില് പങ്കെടുക്കുന്നതെന്നും ഇത് ജീവിതത്തിലെ ഒരിക്കലും മറക്കാനാവാത്ത അനുഭവമാണെന്നും വിഷ്ണു പറഞ്ഞു. മലയാളികളായ മറ്റു രണ്ടുപേര് കൂടി ദൗത്യത്തില് വിഷ്ണുവിനൊപ്പമുണ്ടായിരുന്നു. മേജര് ജനറല് വിനോദ് മാത്യുവും ആലപ്പുഴ സ്വദേശി മേജര് അനീഷ് മോഹനും. ഹവില്ദാറായി സ്ഥാനക്കയറ്റം ലഭിക്കുന്നതിനുള്ള സീനിയര് എന്സിഒ കോഴ്സിനായി മദ്രാസ് എന്ജിനിയറിംഗ് ഗ്രൂപ്പില് എത്തിയതാണു വിഷ്ണു. കോഴ്സിനിടെയാണ് വയനാട്ടില് ഉരുള്പൊട്ടലുണ്ടാവുന്നത്. ഒട്ടും…
Read Moreആഹാ എന്തൊരത്ഭുതം… കുഴല്ക്കിണര് കുത്തിയപ്പോള് പുറത്തു വന്നത് പാചകവാതകം; മുഹമ്മ ജയിംസിന്റെ വീട്ടിലെ അത്ഭുതകാഴ്ചകാണാൻ നിരവധിപേരാണ് എത്തുന്നത്
മുഹമ്മ: കുഴല്ക്കിണറിന് കുഴല് താഴ്ത്തിയപ്പോള് ഉയര്ന്നുവന്നത് പാചകവാതകം. മുഹമ്മ പഞ്ചായത്ത് 12 -ാം വാര്ഡ് പോട്ടച്ചാല് ജയിംസിന്റെ വീട്ടിലാണ് സംഭവം. 20 അടിയോളം പൈപ്പ് താഴ്ത്തിയപ്പോഴാണ് ചെളിമണ്ണിനൊപ്പം ഗ്യാസും മുകളിലേക്ക് വമിച്ചത്.പൈപ്പിലൂടെ പുറത്തേക്കുവന്ന ഗ്യാസ് പ്ലാസ്റ്റിക് കൂടുകളില് നിറച്ച് കത്തിച്ചപ്പോള് തീ ആളിപ്പടര്ന്നു. മണ്ണിനടിയില് കക്കായുള്ള പ്രദേശങ്ങളില് കിണര് കുത്തുമ്പോള് ഗ്യാസ് പുറത്തേക്ക് വമിക്കാറുണ്ടെന്ന് കുഴല് കിണര് സ്ഥാപിക്കാനെത്തിയ വിഷ്ണുവും അമലും പറഞ്ഞു. ചെളിയുള്ള ഭാഗത്ത് പൈപ്പ് എത്തുമ്പോഴാണ് ഗ്യാസ് പുറത്തേക്കു വരിക. കൂടുതല് ആഴത്തിലേക്കു പോയി ചെളി ഭാഗം മാറിയാല് നല്ല വെള്ളം കിട്ടുമെന്നുംഅവര്പറഞ്ഞു.
Read Moreകണ്ണീരുണങ്ങാതെ കുടുംബം; കപ്പലിൽനിന്നു കാണാതായ വിഷ്ണുവിന് ഇന്ന് 25-ാം പിറന്നാൾ; കണ്ണീർദിനത്തിൽ അഗതികൾക്ക് ഭക്ഷണം നല്കുമെന്ന് ബന്ധുക്കള്
അമ്പലപ്പുഴ: ഉറ്റവരെ കണ്ണീരിലാഴ്ത്തി കപ്പലില്നിന്ന് കാണാതായ യുവാവിന് ഇന്ന് 25ാം പിറന്നാള്. പിറന്നാള് ദിനത്തില് അന്തേവാസികള്ക്ക് ഭക്ഷണം നല്കാനൊരുങ്ങി ബന്ധുക്കള്.ചരക്കുകപ്പലില്നിന്ന് കാണാതായ പുന്നപ്ര വടക്ക് പഞ്ചായത്ത് പത്താം വാര്ഡ് വൃന്ദാവനം വീട്ടില് ബാബു തിരുമലയുടെ മകന് വിഷ്ണു ബാബുവിന്റെ 25-ാം പിറന്നാളാണിന്ന്. വിഷ്ണുനെക്കുറിച്ച് ഇനിയും വിവരങ്ങള് ലഭിക്കാതെ ബന്ധുക്കള് ആശങ്കപ്പെടുകയാണ്. ജൂലൈ 18നാണ് ഒഡീഷയില്നിന്ന് ചൈനയിലെ പാരദ്വീപിലേക്ക് പോയ കപ്പലില്നിന്ന് വിഷ്ണുവിനെ കാണാതായത്. വിഷ്ണുവിനൊപ്പം ജോലി ചെയ്യുന്ന തമിഴ്നാട് സ്വദേശി അറുമുഖന്റെ ഫോണില്നിന്ന് ജൂലൈ 17ന് രാത്രി വിഷ്ണു വീട്ടിലേക്ക് വിളിച്ചിരുന്നു. തുടര്ന്ന് അടുത്ത ദിവസം രാവിലെ സെക്കന്ഡ് ക്യാപ്റ്റന് കപ്പലില് വിളിച്ചു ചേര്ത്ത മീറ്റിംഗില് വിഷ്ണു ഹാജരാകാതിരുന്നതിനെത്തുടര്ന്നാണ് ഇദ്ദേഹത്തെ കാണാതായ വിവരം ബന്ധുക്കളെ അറിയിച്ചത്. യാത്രാമധ്യേ സിങ്കപ്പൂര് പോര്ട്ടില് ഇന്ധനം നിറയ്ക്കുന്നതിനായി പോകുമ്പോഴാണ് വിഷ്ണുവിനെ കാണാതായത്. സംഭവത്തെത്തുടര്ന്ന് സിങ്കപ്പൂര് പോലീസ് കപ്പല് കസ്റ്റഡിയിലെടുക്കുകയും വിഷ്ണുവിന്റെ ഫോണ്…
Read Moreഒന്നു കാലുകുത്താൻ ഇടം കിട്ടിയാൽ മതിയായിരുന്നു; കോട്ടയം റെയിൽവേ സ്റ്റേഷനിൽ തിരക്കോടു തിരക്ക്; ട്രെയിനുകളില് നരകയാതനയെന്ന് യാത്രക്കാർ
കോട്ടയം: ഒരു ട്രെയിനില് നിറയെ കയറാനുള്ള യാത്രക്കാരാണ് കോട്ടയം സ്റ്റേഷനില് മാത്രം വൈകുന്നേരങ്ങളില് കാത്തുനില്ക്കുന്നത്. ജനറല് കോച്ചില് ഇരിപ്പിടം വേണ്ട, ഒന്നു കാല്കുത്തി നില്ക്കാന് ഇടം മതിയെന്ന ആഗ്രഹമാണ് സീസണ് യാത്രക്കാരുടേത്. വണ്ടി നിറുത്തി ആളിറങ്ങിയാലുടന് ഇടിച്ചുകയറേണ്ട ഗതികേട്. തെക്കോട്ടു പോകാന് വൈകുന്നേരം 5.40ന് കൊല്ലം പാസഞ്ചറും 6.10ന് കേരളയും 6.40ന് വേണാടുമുണ്ട്. ഇതില് പാസഞ്ചറിലെയും വേണാടിലെയും തിരക്ക് പറയാനില്ല. കേരളയില് ജനറല് കോച്ചുകള് പേരിനു മാത്രം. നാലര മുതല് കോട്ടയത്ത് കാത്തുനില്ക്കുന്ന ജനം ട്രെയിനില് വീട്ടിലെത്തുമ്പോള് രാവേറെയാകും. വടക്കോട്ടുള്ള യാത്രയും ഇങ്ങനെതന്നെ. നാലിന് ഐലൻഡും 5.20ന് എറണാകുളം പാസഞ്ചറും 5.40ന് ചെന്നൈ സൂപ്പര് ഫാസ്റ്റും. ഏതാനും ദിവസങ്ങളില് 5.50ന് ജന്ശതാബ്ദിയുമുണ്ട്. കോട്ടയത്തു നിന്നും തൃശൂരിലേക്കും തിരുവനന്തപുരത്തേക്കും വൈകുന്നേരങ്ങളില് ഓരോ ട്രെയിനുകള് അനുവദിച്ചാല് യാത്രാദുരിതത്തിന് ഒരു പരിധിവരെ പരിഹാരമാകും.
Read Moreപോളിയോയ്ക്ക് അവന്റെ മനസിനെ തളർത്താനായില്ല; തളര്ന്ന കൈ കൊണ്ടു നിർമിച്ച ശില്പം മേജര് ആര്ച്ച്ബിഷപിന് അനു സമ്മാനിച്ചു; ആശ്ലേഷിച്ച് മാര് റാഫേല് തട്ടില്
ചങ്ങനാശേരി: പോളിയോ ബാധിച്ച് തളര്ന്ന കൈകള്കൊണ്ടു മെനഞ്ഞ ശില്പം അനു കെ. മുരളി സമ്മാനിച്ചപ്പോള് സന്തോഷപുളകിതനായി മേജര് ആര്ച്ച്ബിഷപ് മാര് റാഫേല് തട്ടില്. സമ്മാനം ഏറ്റുവാങ്ങി തട്ടില് പിതാവ് അനു കെ. മുരളിയെ ആശ്ലേഷിച്ചു. ക്രിസ്തുജ്യോതി സ്കൂള് ഓഡിറ്റോറിയത്തില് നടന്ന ചെത്തിപ്പുഴ മേഴ്സി ഹോമിന്റെ സുവര്ണ ജൂബിലി സമാപന സമ്മേളന വേദിയാണ് അതിരില്ലാത്ത ആഹ്ലാദത്തിന്റെ സംഗമവേദിയായത്. മേഴ്സി ഹോമിന്റെ സുവര്ണ ജൂബിലിയുമായി ബന്ധപ്പെട്ടുള്ള ശില്പമാണ് അനു കെ. മുരളി മാര് റാഫേല് തട്ടിലിനു സമ്മാനിച്ചത്. വേദിയുടെ വശത്തുനിന്നും ഊന്നുവടിയുടെ സഹായത്തോടെ സമ്മാനവുമായി എത്തിയ അനുവിനെ തട്ടില് പിതാവ് ആശ്ലേഷിച്ചപ്പോള് സദസില്നിന്നും ഹര്ഷാരവം മുഴങ്ങി. സമ്മേളനത്തില് പങ്കെടുത്ത ആര്ച്ച്ബിഷപ് മാര് ജോസഫ് പെരുന്തോട്ടത്തിന് തിരുക്കുടുംബത്തിന്റെ ശില്പവും അനു കെ. മുരളി സമ്മാനിച്ചു. ഇത്തിത്താനം കൊച്ചുപുരയ്ക്കല് മുരളി-ശോഭ ദമ്പതികളുടെ മകനായ അനുവിന് മൂന്നു വയസുള്ളപ്പോള് പോളിയോ ബാധിച്ച് വലതുകാലും വലതു…
Read Moreവയനാടിന് കൈത്താങ്ങാകാൻ നാലാം ക്ലാസുകാരൻ; സൈക്കിൾ വാങ്ങാൻ കുടുക്കയിൽ സ്വരൂക്കൂട്ടിയ പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി ശ്രേയസ്
കാഞ്ഞിരം: വയനാട്ടിലെ ഉരുൾപ്പൊട്ടലിൽ ദുരന്തമനുഭവിക്കുന്നവർക്ക് കൈത്താങ്ങായി ദിനംതോറും നിരവധി ആളുകളാണ് എത്തുന്നത്. സിനിമാ താരങ്ങൾ മുതൽ വ്യവസായ പ്രമുഖർ വരെയുള്ളവരാണ് സഹായ ഹസ്തവുമായി വയനാടിനെ ചേർത്തു പിടിക്കുന്നത്. ഇതിനിടെ, ദുരന്തത്തിൽപ്പെട്ടവർക്ക് കൈത്താങ്ങായി എത്തുകയാണ് കിളിരൂർ എസ്എൻഡിപി ഹയർ സെക്കന്ററി സ്കൂളിലെ നാലാം ക്ലാസ് വിദ്യാർഥി ശ്രേയസ് വി. എസ്. സ്വന്തമായി ഒരു സൈക്കിൾ വേണമെന്ന് പല നാളായി കൊതിച്ചിരിക്കുകയായിരുന്നു ശ്രേയസ്. അതിനായി തന്റെ കുഞ്ഞി കുടുക്കയിൽ കിട്ടുന്ന പണമെല്ലാം സൂക്ഷിച്ച് വച്ചു. അപ്പോഴാണ് നിനച്ചിരിക്കാതെ വയനാട്ടിൽ സമഭവിച്ച മഹാ ദുരന്തം ശ്രേയസിനെ സങ്കടക്കയത്തിലേക്ക് തള്ളിയിട്ടു. തന്റെ പ്രായമുള്ളവർ ജീവിതത്തിനും മരണത്തിനുമിടയിൽ കൈകാലിട്ടടിച്ച നിമിഷങ്ങളോർത്തപ്പോൾ സൈക്കിൽ മോഹമെല്ലാം ഈ മിടുക്കൻ കാറ്റിൽ പറത്തി. വീടു നഷ്ടപ്പെട്ട് ഇനി എന്താണ് ഭാവി എന്നറിയാതെ വിലപിക്കുന്ന വയനാട് ജനതയ്ക്കായി ഈ മൂന്നാം ക്ലാസുകാരൻ തന്റെ കുടുക്കയിലുള്ള പണം നൽകാമെന്ന് തീരുമാനിച്ചു. കുഞ്ഞു…
Read Moreമുഖ്യമന്ത്രിയുടെ ദുരിതാശ്വാസനിധിക്കെതിരേ പ്രചാരണം; എറണാകുളത്ത് ഒരു കേസുകൂടി രജിസ്റ്റര് ചെയ്തു
കൊച്ചി: വയനാട് ദുരന്തത്തിന്റെ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യണമെന്ന അഭ്യര്ഥനയ്ക്കെതിരെ പ്രചാരണം നടത്തിയതിന് ജില്ലയില് ഒരു കേസു കൂടി രജിസ്റ്റര് ചെയ്തു. എറണാകുളം റൂറലിലാണ് ഇന്നലെ ഒരു കേസ് കൂടി രജിസ്റ്റര് ചെയ്തത്. ഇതോടെ കേസുകളുടെ എണ്ണം നാലായി. കഴിഞ്ഞ ദിവസം എറണാകുളം റൂറലില് ഒരു കേസും കൊച്ചി സിറ്റിയില് രണ്ടു കേസുകളും രജിസ്റ്റര് ചെയ്തിരുന്നു. കേസുകളില് സൈബര് പോലീസ് വിശദമായ അന്വേഷണം ആരംഭിച്ചു. സംസ്ഥാന വ്യാപകമായി 39 എഫ് ഐ ആര് രജിസ്റ്റര് ചെയ്തു. വ്യാജ പ്രചാരണം നടത്തിയ 279 സാമൂഹ്യ മാധ്യമ അക്കൗണ്ടുകള് നീക്കം ചെയ്യുന്നതിന് നിയമപ്രകാരമുള്ള നോട്ടീസ് നല്കി. മുഖ്യമന്ത്രിയുടെ ദുരിതാശ്വാസനിധിക്കെതിരേയുള്ള വ്യാജപ്രചാരണങ്ങള് നിരീക്ഷിക്കുന്നതിന് സാമൂഹ്യമാധ്യമങ്ങളില് സൈബര് പോലീസിന്റെ പട്രോളിംഗ് ശക്തമാക്കി. ഇത്തരത്തില് പോസ്റ്റുകള് നിര്മിക്കുകയും ഷെയര് ചെയ്യുകയും ചെയ്യുന്നവര്ക്കെതിരേ നിയമനടപടികള് സ്വീകരിക്കുമെന്നു പോലീസ് പറഞ്ഞു.
Read Moreവാഹനത്തിൽ ഇന്ധനം നിറച്ചശേഷം പണം നൽകാതെ കടന്നുകളഞ്ഞ യുവാവ് പിടിയിൽ
മണിമല: വാഹനത്തിൽ ഇന്ധനം നിറച്ചശേഷം പണം നൽകാതെ കബളിപ്പിച്ചു കടന്നുകളയുന്ന യുവാവിനെ പോലീസ് പിടികൂടി. പൂവരണി മാറാട്ടുകളത്ത് ജോയൽ ജോസ് ജോർജ് (28) ആണ് അറസ്റ്റിലായത്. രാത്രിയിൽ വെള്ള ഹോണ്ട സിറ്റി കാറിൽ വ്യാജ നമ്പർ പ്ലേറ്റ് ഘടിപ്പിച്ചശേഷം 4,000 രൂപയ്ക്കു മുകളിൽ പെട്രോൾ നിറയ്ക്കുകയും ശേഷം ജീവനക്കാരോട് ഓൺലൈനായി പണം അടച്ചിട്ടുണ്ടെന്നു പറയുകയും ജീവനക്കാർ പരിശോധിക്കുമ്പോൾ കാറുമായി കടന്നുകളയുകയുമാണു പ്രതിയുടെ രീതി. പരാതിയെത്തുടർന്നു മണിമല പോലീസ് നടത്തിയ അന്വേഷണത്തിൽ എറണാകുളത്തുനിന്നാണു ജോയൽ പിടിയിലായത്. ഇയാളുടെ വാഹനത്തിന്റെ ഡിക്കിയിൽനിന്നു നിരവധി വ്യാജ നമ്പർപ്ലേറ്റുകൾ കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read Moreകാപ്പ ചുമത്തി യുവതിയെ നാടുകടത്തി; ജില്ലാ പോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിലാണ് നടപടി
തലയോലപ്പറമ്പ്: ചെമ്പ് സ്വദേശിനിയായ യുവതിയെ കാപ്പ നിയമപ്രകാരം ജില്ലയിൽനിന്നു പുറത്താക്കി. ബ്രഹ്മമംഗലം മണിയൻകുന്നേൽ അഞ്ജന ആർ.പണിക്കരെ (36)യാണ് കാപ്പ നിയമപ്രകാരം ജില്ലയിൽനിന്ന് ഒന്പത് മാസത്തേക്കു നാടുകടത്തിയത്. ജില്ലാ പോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിലാണ് നടപടി. അഞ്ജനയ്ക്കു തലയോലപ്പറമ്പ്, ഏറ്റുമാനൂർ, എറണാകുളം ജില്ലയിലെ പെരുമ്പാവൂർ, മൂവാറ്റുപുഴ,കോടനാട്, ആലപ്പുഴ ജില്ലയിലെ എടത്വ, പത്തനംതിട്ട ജില്ലയിലെ കീഴ് വായ്പൂർ, ഇടുക്കി ജില്ലയിലെ കരിങ്കുന്നം, കണ്ണൂർ ജില്ലയിലെ പയ്യന്നൂർ സ്റ്റേഷനുകളിൽ വിദേശ ജോലി വാഗ്ദാനം ചെയ്ത് ലക്ഷങ്ങൾ തട്ടിയെടുത്ത നിരവധി ക്രിമിനൽ കേസുകൾ നിലവിലുണ്ട്.
Read More