മുണ്ടക്കയം: കിഴക്കന്മലയോരങ്ങളെ കരിമേഘം പുതയ്ക്കുമ്പോഴൊക്കെ മുണ്ടക്കയം, പെരുവന്താനം, കൊക്കയാര് ഗ്രാമവാസികളുടെ നെഞ്ചിടിപ്പ് ഉയരും. ഒരാഴ്ചയായി തിമര്ത്തുപെയ്യുന്ന മഴയിൽ ഇവരുടെ കണ്ണീരോര്മകള് 2021 ഒക്ടോബര് 16 ശനിയാഴ്ചയിലേക്കു മടങ്ങും. കൂട്ടിക്കല്, ഏന്തയാര്, വടക്കേമല, കാവാലി, പ്ലാപ്പള്ളി, പൂവഞ്ചി മലയോരങ്ങളെ പ്രകമ്പനം കൊള്ളിച്ച് ആ നട്ടുച്ചയ്ക്കു പൊട്ടിയ ആറേഴ് ഉരുളുകള് 21 മനുഷ്യജീവനുകളെയും തലമുറകളുടെ നീക്കിയിരുപ്പുകളെയുമാണു കവര്ന്നെടുത്തത്. പ്രളയപ്പാച്ചിലില് ഇരുനൂറു വീടുകളും ഏക്കര്കണക്കിനു കൃഷിയിടങ്ങളും പുഴ വകഞ്ഞെടുത്തു. രാവിലെ ഏഴിനു തുടങ്ങിയ പെരുമഴയ്ക്ക് അല്പ്പമൊരു ശമനമുണ്ടായത് വൈകുന്നേരം നാലോടെയാണ്. ആ ദുരന്ത മധ്യാഹ്നത്തില് പകച്ചുനിന്ന ജനങ്ങളിലേക്കു ദുരന്തവാര്ത്തകളും ഒന്നിനു പിന്നാലെ അലയടിച്ചുവന്നു. കറുത്തവാവിനെന്നപോലെ തുള്ളിക്കൊരു കുടം പെയ്ത്തില് ഇരുണ്ടുകിടന്ന പകല്. അയല്വീടുകളിലെ നിലവിളികേട്ട് ഓടിയെത്താന് ആ സായാഹ്നത്തില് ഒരിടത്തും വൈദ്യുതിയും വെളിച്ചവുമില്ല. റോഡുകള് അപ്പാടെ ഒലിച്ചുപോയി. മലകള് ഇടിഞ്ഞൊഴുക്കിയ മണിക്കൂറുകള്. എവിടെയോക്കെ ആരൊക്കെയോ മണ്ണില്പ്പൂണ്ടുപോയെന്നറിഞ്ഞെങ്കിലും രക്ഷാപ്രവര്ത്തനം അതിദുഷ്കരമായിരുന്നു. പരിക്കേറ്റവരെ ആശുപത്രികളിലെത്തിക്കാനും…
Read MoreCategory: Edition News
വയനാട്ടിലെ ദുരിതബാധിതർക്ക് കളക്ഷൻ തുക നൽകി ബസ് ഉടമകൾ
ഈരാറ്റുപേട്ട: കളക്ഷൻ തുക വയനാട്ടിലെ ദുരിതബാധിതർക്കു മാറ്റിവച്ച് ബസ് ഉടമകൾ. കാഞ്ഞിരപള്ളി-പാലാ റൂട്ടിൽ സർവീസ് നടത്തുന്ന അൽ അമീൻ, ഫാത്തിമ, ആമീസ്, വെൽകം, ഗ്ലോബൽ എന്നീ ബസുകളുടെ ഉടമകളാണ് ഇന്നലത്തെ സർവീസിലൂടെ കിട്ടിയ തുക ദുരന്തബാധിതർക്കു നൽകുന്നത്. ഇതിനു പുറമെ ബസ് ജീവനക്കാരും ശമ്പളവും ദുരിതാശ്വാസ ഫണ്ടിലേക്കു നൽകി. യാത്രക്കാരിൽനിന്നു മികച്ച പ്രതികരണമാണു ലഭിച്ചതെന്ന് ബസ് ഉടമകൾ പറഞ്ഞു. 500 രൂപ നൽകിയിട്ട് ബാക്കി വാങ്ങാത്ത അനുഭവവും ജീവനക്കാർ പങ്കിട്ടു. ബസ് ഉടമകളുടെ ഉദാരമനസിനു സഹകരണവുമായി വിദ്യാർഥികളും ചേർന്നു. എംഇഎസ് കോളജിലെ എൻഎസ്എസ് വോളന്റിയർമാരും അൽമനാർ പബ്ലിക് സ്കൂളിലെ വിദ്യാർഥികളും ബസിലെ കളക്ഷൻ വിജയിപ്പിക്കുന്നതിനു സഹകരിച്ചു. സലിം വെളിയത്ത്, ഷെമീർ, നെസീർ, യൂസഫ്, ജൂബിലി ജേക്കബ്, മാഹീൻ റഹീം എന്നിവർ നേതൃത്വം നൽകി.
Read Moreനാല് പേര്ഷ്യന്പൂച്ചകളും മൂന്നു ബൈക്കുകളും രണ്ട് മൊബൈല്ഫോണുകളും മോഷ്ടിച്ചു; കുട്ടിക്കള്ളൻമാർ പോലീസ് പിടിയിൽ
കൊച്ചി: ലക്ഷങ്ങള് വിലവരുന്ന നാല് പേര്ഷ്യന്പൂച്ചകളും മൂന്നു ബൈക്കുകളും രണ്ട് മൊബൈല് ഫോണുകളും മോഷ്ടിച്ച നാലംഗ സംഘം അറസ്റ്റില്. ഇതില് രണ്ടു പേര് പ്രായപൂര്ത്തിയാകാത്തവരാണ്. പത്തനംതിട്ട പന്തളം നെടുമ്പോയിക്കോത്ത് ജസ്റ്റിന് (24), പന്തളം കിഴക്കേ ഇടവട്ടം ഗിരീഷ് (23), പന്തളം അടൂര് സ്വദേശികളായ 15 ഉം 16 ഉം പ്രായമുള്ള രണ്ടു കുട്ടികള് എന്നിവരെയാണ് എറണാകുളം നോര്ത്ത് പോലീസ് ഇന്സ്പെക്ടര് കെ.ജി. പ്രതാപ് ചന്ദ്രന്, എസ്ഐ ടി.എസ്. രതീഷ് എന്നിവരുടെ നേതൃത്വത്തിലുള്ള പോലീസ് സംഘം അടൂരില്നിന്ന് ഇന്ന് രാവിലെ അറസ്റ്റ് ചെയ്തത്. കഴിഞ്ഞ 30-ന് ആയിരുന്നു കേസിന് ആസ്പദമായ സംഭവങ്ങള് നടന്നത്. എറണാകുളം നോര്ത്ത് സെന്റ് ബെനഡിക്ട് റോഡിലെ ഒരു വീട്ടില്നിന്ന് ലക്ഷങ്ങള് വില വരുന്ന നാല് പേർഷ്യന് പൂച്ചകളെയാണ് സംഘം ആദ്യം മോഷ്ടിച്ചത്. അതിനുശേഷം സെന്റ് ബെനഡിക്ട് റോഡിലെ ഒരു സ്ഥാപനത്തിനു മുന്നില് പാര്ക്ക് ചെയ്തിരുന്ന…
Read Moreസഹായാഭ്യർഥന; മുഖ്യമന്ത്രിയുടെ പോസ്റ്റിനെതിരേ പ്രചാരണം; സാമൂഹ്യമാധ്യമങ്ങളിൽ നിരീക്ഷണം ശക്തമാക്കി സൈബർ പോലീസ്
കൽപ്പറ്റ: വയനാട്ടിലെ ഉരുൾപൊട്ടലിൽ ദുരിതമനുഭവിക്കുന്നവർക്ക് സഹായം അഭ്യർഥിച്ചുള്ള മുഖ്യമന്ത്രിയുടെ ഫേസ്ബുക്ക് പോസ്റ്റിനെതിരേ പ്രചാരണം നടത്തിയതിനെതിരേ കേസെടുത്ത് പോലീസ്. ദുരിതാശ്വാസ പ്രവർത്തനങ്ങൾക്ക് തടസമുണ്ടാക്കുകയെന്ന ഉദ്ദേശ്യത്തോടെ പോസ്റ്റ് പ്രചരിപ്പിച്ചതിനാണ് വയനാട് സൈബർ ക്രൈം പോലീസ് കേസെടുത്തത്. ഐപിസി 192, 45, ദുരന്തനിവാരണ നിയമത്തിലെ 51 എന്നീ വകുപ്പുകൾ അനുസരിച്ചാണ് കേസ്. സാമൂഹ്യമാധ്യമമായ എക്സിൽ ‘കോയിക്കോടൻസ് 2.0′ എന്ന പ്രൊഫൈലിൽ നിന്നാണ് വ്യാജ പോസ്റ്റ് പ്രചരിപ്പിച്ചത്. ദുരന്തനിവാരണ സഹായത്തിനുള്ള മുഖ്യമന്ത്രിയുടെ അഭ്യർഥന തള്ളിക്കളയുന്നതിന് ജനങ്ങളെ പ്രേരിപ്പിക്കുന്ന തരത്തിലായിരുന്നു പോസ്റ്റ്. തെറ്റിദ്ധാരണ പരത്തുന്ന തരത്തിൽ ഇത്തരം പോസ്റ്റുകൾ പ്രചരിപ്പിക്കുന്നവർക്കെതിരേ ദുരന്തനിവാരണ നിയമപ്രകാരം കർശന നിയമനടപടി സ്വീകരിക്കുമെന്ന് പോലീസ് അറിയിച്ചു. ഇതിനായി സാമൂഹ്യമാധ്യമങ്ങളിൽ സൈബർ പോലീസിന്റെ നിരീക്ഷണം ശക്തമാക്കി.
Read Moreകലഞ്ഞൂർ പൂമരുതിക്കുഴിയില് വീണ്ടും പുലി; ഭീതിയിൽ നാട്ടുകാർ; പുലിയുടെ സാന്നിധ്യം സ്ഥിരികരിക്കാതെ വനംവകുപ്പ്
കലഞ്ഞൂർ: ഗ്രാമപഞ്ചായത്തിലെ പാടം വനം സ്റ്റേഷൻ പരിധിയിലെ തട്ടാക്കുടി പൂമരുതിക്കുഴി ഭാഗത്തു പുലി മൂന്ന് ആടുകളെ പിടികൂടി. സന്തോഷ് ഭവനിൽ സിന്ധുവിന്റെ ആടുകളെയാണ് പുലി പിടിച്ചത്. ഇന്നലെ രാവിലെയാണ് ആടുകളെ ആക്രമിച്ച വിവരം ഉടമ അറിയുന്നത്. കൂട്ടിൽ എത്തി നോക്കുമ്പോൾ രണ്ട് ആടുകളെ കൂട്ടിൽ ചത്തനിലയിലും മറ്റൊന്നിനെ കാണാതായ നിലയിലുമായിരുന്നു. കൂട്ടിൽ ചത്തനിലയിൽ കണ്ട ആടുകൾക്ക് കഴുത്തിനുൾപ്പെടെ വലിയ മുറിവുകളുണ്ട്. രണ്ട് ആടുകളെയും വലിച്ചു പുറത്തേക്കിട്ട നിലയിലാണ്. ഒരു ആടിനെ കൊണ്ടുപോകുകയും ചെയ്തു. സംസ്ഥാന യുവ കർഷകയ്ക്കുള്ള അവാർഡ് വാങ്ങിയിട്ടുള്ളയാളാണ് സിന്ധു. പാടം, തട്ടാക്കുടി, പൂമരുതികുഴി തുടങ്ങിയ പ്രദേശങ്ങളിൽ മാസങ്ങളായി പുലിയുടെ ഭീതി നിലനിൽക്കുകയാണ്. പലരുടെയും കൺമുന്പിൽ പുലി എത്തിയിരുന്നു. വളർത്തു മൃഗങ്ങളെ തങ്ങൾക്കു നഷ്ടപ്പെട്ടിട്ടും വനം വകുപ്പ് ഭാഗത്ത് നിന്നും യാതൊരു നടപടികൾ ഉണ്ടാകുന്നില്ലെന്നു പ്രദേശവാസികൾ പറയുന്നു. നടുവത്തുംമൂഴി റേഞ്ചിലെ പാടം സ്റ്റേഷൻ പരിധിയിലാണ് പ്രദേശം.…
Read Moreചെറിയനാട്ട് സിപിഎമ്മിന് കനത്ത തിരിച്ചടി; ബിജെപിക്ക് അട്ടിമറി വിജയം; ഉണ്ണികൃഷ്ണന് നായരെ 107 വോട്ടിന് അട്ടിമറിച്ചത് ജയമോഹൻ
ചെങ്ങന്നൂര്: ചെറിയനാട് പഞ്ചായത്ത് നാലാം വാര്ഡ് ഉപതെരഞ്ഞെടുപ്പില് സിപിഎമ്മിന്റെ സിറ്റിംഗ്് സീറ്റ് ബിജെപി പിടിച്ചെടുത്തു. ബിജെപിയിലെ ഒ.ടി. ജയമോഹനനാണ് വിജയിച്ചത്. എല്ഡിഎഫ് സ്ഥാനാര്ഥി സിപിഎമ്മിലെ പി. ഉണ്ണികൃഷ്ണന് നായരെ 107 വോട്ടിന്റെ ഭൂരിപക്ഷത്തില് പരാജയപ്പെടുത്തിയാണ് ജയമോഹന് വിജയിച്ചത്. ഒ.ടി. ജയമോഹന് 510 വോട്ടും പി. ഉണ്ണികൃഷ്ണന് നായര്ക്ക് 403 വോട്ടും യുഡിഎഫ് സ്ഥാനാര്ഥി ദിലീപ് ചെറിയനാടിന് 253 വോട്ടുമാണ് ലഭിച്ചത്. വാര്ഡിനെ പ്രതികരിച്ചിരുന്ന സിപിഎമ്മിലെ എം.എ. ശശികുമാറിന്റെ മരണത്തത്തുടര്ന്നാണ് ഉപതെരഞ്ഞെടുപ്പ് വേണ്ടിവന്നത്. 15 അംഗ ഭരണസമിതിയില് എല്ഡിഎഫ്-9, യുഡിഎഫ്-2 , ബിജെപി- 2 , എസ്ഡിപിഐ-1 സ്വതന്ത്രന്-1 എന്നിങ്ങനെയാണ് പുതിയ കക്ഷിനില. ഉപതെരഞ്ഞെടു ഫലത്തോടെ നിലവിലെ സിപിഎം അംഗബലം പത്തില്നിന്ന് ഒന്പതായി കുറഞ്ഞു.
Read Moreകലയെ കൊന്ന് കൂഴിച്ചുമൂടിയ കേസ്: കൊലപാതകത്തിന് ഉപയോഗിച്ച കാർ കണ്ടെടുത്തു; ഇപ്പോൾ കാറിന് ഉടമ കൊല്ലത്തുകാരൻ
മാന്നാർ: പതിനഞ്ചു വർഷം മുൻപ് കാണാതായ ഇരമത്തൂർ പായിക്കാട്ട് മീനത്തേതിൽ കലയെ കൊന്ന കുഴിച്ച് മൂടിയ കേസിൽ കൊലപാതകം നടത്തിയതെന്ന് കരുതുന്ന കാർ അന്വേഷണ സംഘം കൊല്ലം കൊട്ടിയത്ത് കണ്ടെത്തി. വെള്ള മാരുതി ആൾട്ടോ കാർ ആണ് പോലീസ് കണ്ടെടുത്തത്. വാടകയ്ക്കെടുത്ത ഈ വാഹനത്തിൽ സഞ്ചരിച്ചാണ് അനിൽ കലയെ കൊലപ്പെടുത്തിയതെന്നാണ് നിഗമനം. കേസിലെ രണ്ടാം പ്രതി പ്രമോദിനു മാന്നാർ സ്വദേശി മഹേഷ് വാടകയ്ക്കു കൊടുത്തതായിരുന്നു ഈ കാർ. പിന്നീടു വിറ്റ കാർ പല ഉടമകൾ മാറിയാണു കൊല്ലത്തെത്തിയത്. കാർ കോടതിയിൽ ഹാജരാക്കി. കലയുടെ ഭർത്താവായ ഒന്നാം പ്രതി അനിലിനു വേണ്ടിയാണു പ്രമോദ് ഈ കാർ വാടകയ്ക്കെടുത്തതെന്നു പോലീസ് കണ്ടെത്തിയിട്ടുണ്ട്. പ്രദേശത്തു കാർ വാടകയ്ക്കു കൊടുക്കുന്നവരിൽ കേന്ദ്രീകരിച്ചു നടത്തിയ അന്വേഷണമാണു മഹേഷിലെത്തിയത്. കലയുടെ ഭർത്താവ് ചെന്നിത്തല ഇരമത്തൂർ കണ്ണമ്പള്ളിൽ അനിലിനെ (45) ഒന്നാം പ്രതിയാക്കിയും അനിലിന ബന്ധുക്കളും സുഹൃത്തുക്കളുമായ…
Read Moreതാലിചാർത്തി വിശ്വാസം നേടി; പലപ്പോഴായി ലോഡ്ജിലെത്തിച്ച് പീഡിപ്പിച്ച ശേഷം നഗ്നവീഡിയോകൾ ചിത്രീകരിച്ചു; യുവാവ് പിടിയിൽ
ചാരുമൂട്: ഭർത്താവുമായി പിരിഞ്ഞുകഴിയുന്ന മുപ്പത്തെട്ടുകാരിയെ പീഡിപ്പിച്ച കേസിലെ പ്രതിയെ നൂറനാട് പോലീസ് അറസ്റ്റ് ചെയ്തു. ആദിക്കാട്ടുകുളങ്ങര ചാമവിളയിൽ ഷൈജു(41)വിനെയാണ് സിഐ എസ്. ശ്രീകുമാറിന്റെ നേതൃത്വത്തിൽ പിടികൂടിയത്. നൂറനാട് സ്വദേശിയായ പരാതിക്കാരിയെ പ്രതി 2017ൽ ക്ഷേത്രത്തിൽവച്ച് താലികെട്ടിയ ശേഷം പലതവണ ലോഡ്ജിൽ കൊണ്ടുപോയി പീഡിപ്പിച്ചതാ യും കഴിഞ്ഞ ഡിസംബർ 31ന് ലോഡ്ജിലെത്തിച്ച് മദ്യം നൽകി പീഡിപ്പിച്ച ശേഷം നഗ്ന വീഡിയോ എടുത്തതായും പോലീസ് പറഞ്ഞു. ഇപ്പോൾ പ്രതി വിളിക്കുമ്പോൾ ഇവർ ഫോൺ എടുക്കാത്തതിനാൽ നഗ്ന വീഡിയോകൾ വീട്ടുകാർക്ക് അയച്ചു കൊടുക്കുമെന്ന് ഭീഷണിപ്പെടുത്തിയിരുന്നു. യുവതിയുടെ പരാതിയിലാണ് പ്രതിയെ അറസ്റ്റ് ചെയ്തത്.
Read Moreമഴക്കെടുതിയെ നേരിടണം; ഉദ്യോഗസ്ഥർ ഹെഡ്ക്വാര്ട്ടേഴ്സ് വിട്ടുപോകാന് പാടില്ലെന്ന് കളക്ടർ ജോൺ വി സാമുവൽ
കോട്ടയം: മഴക്കെടുതിയെ നേരിടാന് കോട്ടയം സജ്ജമാണെന്ന് ജില്ലാ കളക്ടര് ജോണ് വി. സാമുവല്. ദുരന്തസാഹചര്യങ്ങളെ നേരിടാന് സജ്ജരായിരിക്കാന് വിവിധ വകുപ്പുകള്ക്കു കളക്ടർ നിര്ദ്ദേശം നല്കി. മുന്നൊരുക്കങ്ങള് വിലയിരുത്തിയ അദ്ദേഹം ഡെപ്യൂട്ടി കളക്ടര്മാര്, തഹസില്ദാര്മാര്, വില്ലേജ് ഓഫീസര്മാര് എന്നിവര് ഓഗസ്റ്റ് നാലുവരെ ഹെഡ്ക്വാര്ട്ടേഴ്സ് വിട്ടുപോകാന് പാടില്ലെന്നും നിര്ദേശം നല്കി. മീനച്ചില് താലൂക്കിന്റെ ദുരന്തനിവാരണ പ്രവര്ത്തനങ്ങള് പാലാ ആര്ഡിഒയുമായി ചേര്ന്നു നിര്വഹിക്കുന്നതിനു തെരഞ്ഞെടുപ്പ് വിഭാഗം ഡെപ്യൂട്ടി കളക്ടറെ ചുമതലപ്പെടുത്തി. ദുരന്തമുണ്ടായാല് അടിയന്തര ഇടപെടലുകള് നടത്തുന്നതിനാവശ്യമായ ഉപകരണങ്ങളും വാഹനങ്ങളും ആംബുലന്സുകളും വെളിച്ചസംവിധാനങ്ങളും ജനറേറ്ററുകളുമടക്കം ലഭ്യമാകുമെന്നും ക്യാമ്പുകളായി കണ്ടെത്തിയിട്ടുള്ള സ്ഥലങ്ങള് സുരക്ഷിതമാണോയെന്നും സൗകര്യങ്ങള് ലഭ്യമാണോയെന്നും ഉറപ്പാക്കണം. പോലീസ്, ഫയര്ഫോഴ്സ്, കെഎസ്ഇബി, വാട്ടര് അഥോറിറ്റി, തദ്ദേശസ്വയംഭരണസ്ഥാപനങ്ങള് എന്നിവയുടെ ഏകോപനത്തോടെ ദുരന്തനിവാരണപ്രവര്ത്തനങ്ങള് ഫലപ്രദമായി നടത്താനുള്ള നടപടികള് സ്വീകരിക്കാനും കളക്ടർ നിര്ദേശിച്ചു.
Read Moreഉപതെരഞ്ഞെടുപ്പ്; പനച്ചിക്കാട് സീറ്റ് യുഡിഎഫ് പിടിച്ചെടുത്തു; എല്ഡിഎഫ് സ്ഥാനാര്ഥി ജെസി ജയിംസ് മൂന്നാം സ്ഥാനത്ത്
കോട്ടയം: പനച്ചിക്കാട് പഞ്ചായത്തിലെ ഇരുപതാം വാര്ഡില് നടന്ന ഉപതെരഞ്ഞെടുപ്പില് യുഡിഎഫ് സ്ഥാനാര്ഥി മഞ്ജു രാജേഷ് 129 വോട്ടിന്റെ ഭൂരിപക്ഷത്തില് വിജയിച്ചു. ബിജെപിയിലെ അശ്വതി രാജേഷിനെയാണു പരാജയപ്പെടുത്തിയത്. എല്ഡിഎഫ് സ്ഥാനാര്ഥി ജെസി ജയിംസ് മൂന്നാം സ്ഥാനത്തായി. സിപിഎമ്മിന്റെ മെംബറായിരുന്ന ഷീബാ ലാലച്ചന് രാജിവച്ച ഒഴിവിലാണ് ഉപതെരഞ്ഞെടുപ്പ് നടന്നത്. ഇതോടെ 23 അംഗ ഭരണസമിതിയില് സിപിഎം അഞ്ച് അംഗങ്ങളായി ചുരുങ്ങി. കഴിഞ്ഞ തദ്ദേശ തെരഞ്ഞെടുപ്പില് 111 വോട്ടിന്റെ ഭൂരിപക്ഷത്തില് വിജയിച്ച് സിപഎമ്മാണ് ഇത്തവണ മൂന്നാം സ്ഥാനത്തായത്. കോണ്ഗ്രസ് 11, സിപിഎം അഞ്ച്, ബിജെപി അഞ്ച് , സിപിഐ ഒന്ന്, സ്വതന്ത്രന് ഒന്ന് എന്നിങ്ങനെയായി പുതിയ കക്ഷിനില.
Read More