കൊച്ചി: സംസ്ഥാനത്ത് ലഹരിമാഫിയ സംഘങ്ങളുടെ പ്രവര്ത്തനം ശക്തമാകുമ്പോഴും ലഹരി വിരുദ്ധ പ്രവര്ത്തനങ്ങള് ഏകോപിപ്പിക്കാന് വേണ്ടത്ര എക്സൈസ് ഉദ്യോഗസ്ഥരില്ല. സംസ്ഥാന എക്സൈസ് വകുപ്പില് പല തസ്തികകളിലും നിയമനം നിലച്ചിട്ട് മാസങ്ങളായി. ജോയിന്റ് എക്സൈസ് കമ്മീഷണര്, ഡെപ്യൂട്ടി എക്സൈസ് കമ്മീഷണര് പോസ്റ്റില് ഒമ്പതും അസിസ്റ്റന്റ് എക്സൈസ് കമ്മീഷണര് പോസ്റ്റില് 12 ഉം സര്ക്കിള് ഇന്സ്പെക്ടര് പോസ്റ്റില് 13 ഉം ഒഴിവുകളാണ് നിലവില് സംസ്ഥാനത്ത് ഉള്ളത്. മാസങ്ങളായി നിലനില്ക്കുന്ന ഈ ഒഴിവുകള് നികത്താത്തത് വകുപ്പിന്റെ പ്രവര്ത്തനങ്ങളെ കാര്യമായി ബാധിച്ചിട്ടുണ്ട്.താലൂക്ക് തലം മുതല് ജില്ലാ തലം വരെയുള്ള ലഹരി വിരുദ്ധ പ്രവര്ത്തനങ്ങള് ഏകോപിപ്പിക്കാന് വേണ്ടത്ര ഉദ്യോഗസ്ഥര് നിലവില് എക്സൈസ് വകുപ്പിലില്ല. എക്സൈസ് എന്ഫോഴ്സ്മെന്റ്, വിമുക്തിപ്രവര്ത്തനങ്ങള് ചെയ്യേണ്ടവരുടെ തസ്തികകളാണ് ഒഴിഞ്ഞു കിടക്കുന്നത്. ജില്ലാ തലവന്മാരുടെ ഒഴിവുകളും ഇക്കൂട്ടത്തിലുണ്ട്. ഓഫീസര്മാര്ക്കിടയിലെ സീനിയോറിറ്റി തര്ക്കങ്ങളും കേസുകളുമാണ് നിയമനം നിലയ്ക്കാന് ഇടയാക്കിയത്. എക്സൈസ് വകുപ്പിലെ ചിലര് ഭരണ സ്വാധീനം…
Read MoreCategory: Edition News
ഡ്രൈവിംഗ് ടെസ്റ്റ് പരിഷ്കരണത്തില് മാറ്റം; ഡ്രൈവിംഗ് സ്കൂള് വാഹനങ്ങളുടെ കാലാവധി 22 വര്ഷമാക്കി
തിരുവനന്തപുരം: സിഐടിയുവിന്റെ ആവശ്യം പരിഗണിച്ച് ഡ്രൈവിംഗ് ടെസ്റ്റ് പരിഷ്കരണത്തിൽ മാറ്റം. ഡ്രൈവിംഗ് സ്കൂള് വാഹനങ്ങളുടെ കാലാവധി 22 വര്ഷമായി പുതുക്കി. നേരത്തെ കാലാവധി 18 വര്ഷം എന്നതായിരുന്നു തീരുമാനം. ഡ്രൈവിംഗ് ഇന്സ്ട്രക്ടര്മാര് ടെസ്റ്റ് ഗ്രൗണ്ടില് ഹാജരാകേണ്ടതില്ല എന്നും പുതിയ ഉത്തരവില് പറയുന്നു. ഡ്രൈവിംഗ് സ്കൂളുകളുടെ പരിശോധനയില് അവിടെ ഇന്സ്ട്രക്ടറുമാരുണ്ടെന്ന് ഉറപ്പുവരുത്തിയാല് ടെസ്റ്റ് നടക്കുന്ന ഗ്രൗണ്ടിലേക്ക് ഇന്സ്ട്രക്ടര്മാര് നേരിട്ട് ഹാജരാകേണ്ടതില്ല. 3000 അപേക്ഷകളിൽ കൂടുതൽ കെട്ടിക്കിടക്കുന്നിടത്ത് 40 ടെസ്റ്റുകൾ അധികമായി നടത്തും. ഡ്രൈവിംഗ് ടെസ്റ്റ് പരിഷ്കരണത്തിനെതിരെ വലിയ പ്രതിഷേധങ്ങള് നടന്ന പശ്ചാത്തലത്തില് മുന്പ് രണ്ടുതവണ സര്ക്കാര് ഉത്തരവ് പുതുക്കിയിരുന്നു. എന്നാല് മറ്റ് സംഘടനകള് പ്രതിഷേധത്തില് നിന്ന് പിന്നോട്ടുപോയിരുന്നെങ്കിലും സിഐടിയു സമരവുമായി മുന്നോട്ടുപോകുകയായിരുന്നു. കഴിഞ്ഞ പത്ത് ദിവസമായി സിഐടിയു സെക്രട്ടറിയേറ്റിന് മുന്നില് അനിശ്ചിതകാല സമരം നടത്തിവരികയായിരുന്നു. കഴിഞ്ഞ ദിവസം സിഐടിയു നേതാക്കള് ഗതാഗതമന്ത്രിയുമായി കൂടിക്കാഴ്ച നടത്തിയിരുന്നു. ഇതിനു ശേഷമാണ്…
Read Moreഅരുംകൊലയിൽ ഞെട്ടൽ മാറാതെ മലയിൻകീഴ്; ദീപുവിന്റെ സംസ്കാരം നടത്തി
കാട്ടാക്കട: മൂക്കുന്നിമലയിലെ ക്രെഷർ ഉടമ ദീപു സോമന്റെ അരുംകൊലയിൽ ഞെട്ടൽ മാറാതെ മലയിൻകീഴ്. ദു:ഖം തളം കെട്ടി നിന്ന പശ്ചാത്തലത്തിൽ ദീപുവിന്റെ സംസ്ക്കാരം മലയിൻകീഴിലെ വീട്ടുവളപ്പിൽ ഇന്ന് രാവിലെ നടന്നു മകൻ മാനസ് ദീപു അന്ത്യകർമ്മങ്ങൾ നിർവഹിച്ചു. നാടാകെ ഇവിടെ ഒന്നിച്ചെത്തി ദീപുവിന് അന്തിമോപചാരം അർപ്പിച്ചു. കഴിഞ്ഞ ദിവസം രാത്രിയിൽ കേരള- തമിഴ്നാട് അതിർത്തിയായ കളിയിക്കാവിളയിലാണ് കഴുത്തറുത്ത നിലയിൽ ദീപുവിന്റെ മൃതദേഹം കണ്ടെത്തിയത്.ദീപു സോമന്റെ പണം പണമിടപാട് സംബന്ധിച്ച് ചില വിഷയങ്ങൾ ഉണ്ടായതായും ചില ഗുണ്ടാസംഘങ്ങൾ ദീപുവിനെ ഭീഷണിപ്പെടുത്തിയിരുന്നതായൂം 50 ലക്ഷത്തോളം രൂപ ആവശ്യപ്പെട്ടിരുന്നതായും ഭാര്യ ആരോപണം ഉന്നയിച്ചിരുന്നു. ദീപു സോമൻ ജെസിബി വാങ്ങുന്നത്തിനും അടുത്ത ആഴ്ച തുറക്കാൻ ഇരിക്കുന്ന ക്രഷറിലേക്കും ലെയിത്ലേക്കും ആവശ്യമായ സാധനങ്ങൾ വാങ്ങുന്നതിനും വേണ്ടി കോയമ്പത്തൂർ, പൊള്ളാച്ചി എന്നിവിടങ്ങളിലേക്ക് പോകുന്നു എന്നു പറഞ്ഞു ഇറങ്ങിയത്. തിരുവനന്തപുരം പാപ്പനംകോട് കൈമനം വിവേക് നഗറിൽ ദിലീപ്…
Read Moreസിപിഎം ലോക്കൽ കമ്മിറ്റി അംഗത്തെ കാപ്പാ നിയമപ്രകാരം നാടുകടത്തി; പോലീസ് മേധാവിയുടെ റിപ്പോർട്ടിൽ ഇത്തവണ പുറത്തേക്ക്
കായംകുളം: നിരവധി ക്രിമിനൽ കേസുകളിൽ പ്രതിയായ സിപിഎം ലോക്കൽ കമ്മിറ്റി അംഗത്തെ കാപ്പാ നിയമപ്രകാരം നാടുകടത്തി. സിപിഎം കായംകുളം പുതുപ്പള്ളി ലോക്കൽ കമ്മിറ്റി അംഗം പുതുപ്പള്ളി പ്രയാർ വടക്ക് കുന്നേൽകടവ് സിബി ശിവരാജനെ(37)യാണ് കാപ്പ ചുമത്തിയത്. കായംകുളം, ഓച്ചിറ പോലീസ് സ്റ്റേഷൻ പരിധികളിൽ വടിവാൾ ഉപയോഗിച്ച് ആക്രമണം, മണൽ കടത്ത് തുടങ്ങി നിരവധി ക്രിമിനൽ കേസുകളിൽ ഇയാൾ പ്രതിയാണ്. ഇയാളെ ഇതുവരെ പാർട്ടിനേതൃത്വം സംരക്ഷിച്ചതായി ആക്ഷേപം ശക്തമായിട്ടുണ്ട്. കായംകുളത്തെ മുതിർന്ന സിപിഎം നേതാക്കന്മാരുമായി അടുത്ത ബന്ധമുള്ള ആളാണ് സിബി. ആലപ്പുഴ ജില്ലാ പോലീസ് മേധാവിയുടെ റിപ്പോർട്ടിനെ തുടർന്നാണ് ഒൻപതുമാസത്തേക്ക് ജില്ലയിൽ പ്രവേശിക്കുന്നത് തടഞ്ഞുകൊണ്ട് എറണാകുളം റേഞ്ച് ഡിഐജി കാപ്പ ചുമത്തി ഉത്തരവിട്ടത്. വൻതോതിൽ മണൽ ശേഖരിച്ച് വിൽപ്പന നടത്തിയതിന് റവന്യുവകുപ്പും മണൽക്കടത്തിന് ഇയാൾക്കെതിരേ കേസെടുത്തിരുന്നു.
Read Moreട്രെയിനിൽ ജര്മന് സ്വദേശിനിയെ കയറിപ്പിടിച്ച് പാന്ട്രിജീവനക്കാരൻ; സഹയാത്രക്കാർ പ്രതിയെ തടഞ്ഞുവച്ച് പോലീസിൽ ഏൽപിച്ചു
കോട്ടയം: ട്രെയിന് യാത്രയ്ക്കിടയില് ജര്മന് സ്വദേശിനിയെ കടന്നുപിടിച്ച പാന്ട്രി ജീവനക്കാരനെ കോട്ടയം റെയില്വേ പോലീസ് പിടികൂടി. മധ്യപ്രദേശ് സ്വദേശി ഇന്ദ്രപാല് സിംഗിനെ (40) യാണ് അറസ്റ്റ് ചെയ്തത്. തിങ്കളാഴ്ച ഉച്ചയോടെ കന്യാകുമാരി-പൂനെ എക്സ്പ്രസിലായിരുന്നു സംഭവം. ട്രെയിനിലെ എസി കമ്പാര്ട്ട്മെന്റില് യാത്ര ചെയ്യുകയായിരുന്നു ജര്മന് യുവതി. ട്രെയിന് തിരുവല്ല സ്റ്റേഷനില് എത്തിയ സമയം എസി കമ്പാര്ട്ട്മെന്റില് എത്തിയ ഇയാൾ യുവതിയെ കടന്നു പിടിക്കുകയായിരുന്നു. യുവതി ബഹളം വച്ചതോടെ പ്രതിയെ ട്രെയിനിലെ മറ്റു യാത്രക്കാര് ചേര്ന്ന് തടഞ്ഞുവച്ചു. ട്രെയിന് കോട്ടയം റെയില്വേ സ്റ്റേഷനില് എത്തിയപ്പോള് റെയില്വേ എസ്എച്ച്ഒ റെജി പി. ജോസഫിന്റെ നേതൃത്വത്തില് എസ്ഐ സന്തോഷ്, സീനിയര് സിപിഒ മധു എന്നിവര് ചേര്ന്ന് പ്രതിയെ കസ്റ്റഡിയിലെടുക്കുകയായിരുന്നു. ടിടിഇയുടെ റിപ്പോര്ട്ടും യുവതിയുടെ പരാതിയും വാങ്ങിയശേഷം ഇയാള്ക്കെതിരേ കേസെടുത്തു.
Read Moreനാളെ ലോക മയക്കുമരുന്ന് വിരുദ്ധ ദിനം; മോണോആക്ട് രതീഷ് വരവൂരിന് വെറും കലയല്ല ആയുധമാണ്; മയക്കുരുന്നിനെതിരെയുള്ള യുദ്ധത്തിലെ വജ്രായുധം
സ്വന്തം ലേഖകൻതൃശൂർ : രതീഷ് വരവൂർ എന്ന ചെറുപ്പക്കാരന് മോണോആക്ട് ശബ്ദം കൊണ്ടുള്ള വെറും കല മാത്രമല്ല അതൊരു ആയുധം കൂടിയാണ് – ലോകത്തെ മുഴുവൻ വരിഞ്ഞുമുറുക്കുന്ന മയക്കുമരുന്ന് മാഫിയക്കെതിരെയുള്ള മഹായുദ്ധത്തിനുള്ള വജ്രായുധം. എല്ലാവർക്കും മോണോ ആക്ട് കലയാണ്, രസിച്ചു കണ്ടിരിക്കാനുള്ള ഒരു കലാപ്രകടനമാണ്. എന്നാൽ അതുക്കും മേലെയാണ് രതീഷ് വരവൂർ എന്ന ഈ തൃശൂർ ജില്ലക്കാരന്റെ ആന്റി നാർക്കോട്ടിക് മോണോ ആക്ട്. ഏകാംഗാഭിനയത്തിലൂടെ മയക്കുമരുന്ന് നെറ്റ്വർക്കിനെതിരെ അങ്കം വെട്ടുകയാണ് രതീഷ് വരവൂർ. യുവതലമുറയെ അടക്കം കാർന്നുതിന്നുകൊണ്ടിരിക്കുന്ന മയക്കുമരുന്ന് എന്ന മഹാവിപത്തിനെതിരെ മോണോആക്ട്മായി 500 ലേറെ വേദികൾ പിന്നിട്ട് ലോക റിക്കാർഡിൽ സ്ഥാനം പിടിച്ചു കഴിയുമ്പോഴും തന്റെ ദൗത്യം പൂർത്തിയായിട്ടില്ല തുടങ്ങിയിട്ടേയുള്ളൂ എന്ന് രതീഷ് പറയുന്നു. യൂണിവേഴ്സൽ റിക്കാർഡ് ഫോറത്തിന്റെ ലോക റിക്കാർഡ് നേടിയ ലഹരി വിരുദ്ധ മോണോആക്ട് ഇപ്പോൾ മൂന്നാം വർഷത്തിലേക്ക് കടന്നിരിക്കുകയാണ്. 2021 ൽ…
Read Moreപോലീസിലെ ഒഴിവുകള് പൂഴ്ത്തിവച്ചെന്ന ആരോപണം നിഷേധിച്ച് അധികൃതര്
കൊച്ചി: സംസ്ഥാന പോലീസില് 1401 ഒഴിവുകള് സര്ക്കാര് പൂഴ്ത്തിവച്ചു എന്ന പത്രവാര്ത്ത വസ്തുതകള് തെറ്റിദ്ധാരണാജനകമാണെന്ന് പോലീസ് വകുപ്പിന്റെ വിശദീകരണം. ഇക്കഴിഞ്ഞ മേയ് 31 ന് വിരമിക്കല് മൂലവും അതിനെ തുടര്ന്ന് ഉയര്ന്ന തസ്തികയിലേയ്ക്ക് സ്ഥാനക്കയറ്റം നടന്നതുമൂലവും ഉണ്ടായത് ഉള്പ്പെടെ നിലവില് വിവിധ ജില്ലകളില് സിവില് പോലീസ് ഓഫീസര് തസ്തികകളില് 1401 ഒഴിവുകള് ഉണ്ട്. എന്നാല് അതിലേക്ക് ബറ്റാലിയനുകളില് സേവനമനുഷ്ടിക്കുന്ന പോലീസ് കോണ്സ്റ്റബിള്മാരെ ബൈ ട്രാന്സ്ഫര് മുഖേന നിയമിക്കുന്നതിനുള്ള നടപടിക്രമങ്ങള് അന്തിമഘട്ടത്തിലാണെന്നാണ് പോലീസിന്റെ വിശദീകരണം. ഇപ്പോള് സിവില് പോലീസ് ഓഫീസര് തസ്തികയില് ഉണ്ടായിരിക്കുന്ന ഒഴിവുകള് മുന്കൂട്ടി കണക്കാക്കി നിലവില് ഉണ്ടായിരുന്ന ഒഴിവുകളോടൊപ്പം നേരത്തെ തന്നെ പിഎസ്!സിക്ക് റിപ്പോര്ട്ട് ചെയ്തിരുന്നു. 530/2019 എന്ന വിജ്ഞാപനപ്രകാരം 2023 ഏപ്രില് 13 നു നിലവില് വന്ന പിഎസ്സി റാങ്ക് പട്ടികയില് നിന്ന് നിയമിക്കുന്നതിനായാണ് ഈ ഒഴിവുകള് പിഎസ്സിക്ക് റിപ്പോര്ട്ട് ചെയ്തത്. ഇതില് നിയമനം…
Read Moreവിമാനത്തിൽ ബോംബ് വച്ചെന്ന് വ്യാജ സന്ദേശം; ലണ്ടനിലേക്കു പോകാൻ നെടുന്പാശേരിയിലെത്തിയ യാത്രക്കാരനെയും കുടുംബത്തെയും പിടികൂടി
നെടുന്പാശേരി: വിമാനത്തിൽ ബോംബ് വച്ചെന്ന വ്യാജ സന്ദേശം നൽകി അതേ വിമാനത്തിൽ യാത്ര ചെയ്യാനെത്തിയ യാത്രക്കാരനെയും കുടുംബത്തെയും കൊച്ചി എയർപോർട്ടിൽ സുരക്ഷാ ഉദ്യോഗസ്ഥർ പിടികൂടി. മലപ്പുറം സ്വദേശിയായ ഷുഹൈബിനെയാണ് സിഐഎസ്എഫ് പിടികൂടി പോലീസിൽ ഏല്പിച്ചത്. പുലർച്ചെ ഒരു മണിയോടെ എയർ ഇന്ത്യയുടെ കസ്റ്റമർകെയറിലേക്കാണ് ഷുഹൈബ് ഭീഷണി സന്ദേശം അയച്ചത്. കഴിഞ്ഞ തവണ വിമാനത്തിൽ സഞ്ചരിക്കുമ്പോൾ മകൾക്ക് ഭക്ഷ്യ വിഷബാധ ഏറ്റെന്നും. അതിനാൽ ഇന്ന് പുറപ്പെടുന്ന വിമാനത്തിൽ ബോംബ് വച്ചിട്ടുണ്ടെന്നുമായിരുന്നു സന്ദേശം. ഇന്ന് ലണ്ടനിലേക്ക് കുടുംബ സമേതം യാത്ര ചെയ്യാനിരുന്നതാണെന്നും എന്നാൽ യാത്ര ചെയ്യാനെത്തില്ലെന്നും സന്ദേശത്തിൽ ഇയാൾ പറഞ്ഞിരുന്നു. ഉടൻ തന്നെ കസ്റ്റമർകെയർ വിവരം വിമാനത്താവള സുരക്ഷാ വിഭാഗത്തെ അറിയിക്കുകയുമായിരുന്നു. രാവിലെ 11.50 ന് കൊച്ചിയിൽ നിന്നും ലണ്ടനിലേക്ക് പോകുന്ന എയർ ഇന്ത്യ 149 വിമാനത്തിലാണ് ബോംബ് വച്ചിട്ടുണ്ടെന്ന വ്യാജ സന്ദേശം നൽകിയത്. ഇയാൾക്കൊപ്പം ഉണ്ടായിരുന്ന ഭാര്യയെയും കുഞ്ഞിനെയും…
Read Moreമന്ത്രിമാരുടെ ഓഫീസുകളിലെ വാഹന ഉപയോഗം തോന്നുംപടി; മുഖ്യമന്ത്രിക്കു പരാതി നല്കിസാമൂഹ്യ പ്രവര്ത്തകന്
തിരുവനന്തപുരം : സംസ്ഥാനത്തെ മന്ത്രിമാരുടെ ഓഫീസുകളിലെ വാഹനങ്ങള് യാതൊരു മാനദണ്ഡവുമില്ലാതെ ഉപയോഗിക്കുന്ന സംഭവത്തെക്കുറിച്ച് അന്വേഷണം നടത്തണമെന്നാവശ്യപ്പെട്ട് സാമൂഹ്യ പ്രവര്ത്തകന് അജി .കെ മധു മുഖ്യമന്ത്രി ഉള്പ്പടെയുള്ളവര്ക്ക് പരാതി നല്കി. പല മന്ത്രിമാരുടേയും ഓഫീസുകളില് ഓഫീസ് അസിസ്റ്റന്റുമാര് വരെ ഇത്തരത്തില് നിയന്ത്രണങ്ങള് ഒന്നുമില്ലാതെ വാഹനം ഉപയോഗിക്കുന്ന കാര്യം മാധ്യമങ്ങള് നേരത്തെ റിപ്പോര്ട്ട് ചെയ്തിരുന്നു. അനിയന്ത്രിതമായ വാഹന ഉപയോഗം സര്ക്കാര് ഖജനാവിന് വന് തോതിലുള്ള നഷ്ടമാണ് സമ്മാനിക്കുന്നത്. മന്ത്രിമാരുടെ ഓഫീസില് സര്ക്കാര് വാഹനം ഉപയോഗിക്കാന് മന്ത്രിമാരുടെ പ്രൈവറ്റ് സെക്രട്ടറിമാര്ക്ക് മാത്രമാണ് അനുമതി നല്കിയിട്ടുള്ളത്. അതും നിശ്ചിത കിലോമീറ്റര് ദൂരം സഞ്ചരിക്കാന് കൃത്യമായി ലോഗ് ബുക്കില് രേഖപ്പെടുത്തുകയും വേണം. എന്നാല് ഇതൊക്കെ കാറ്റില് പറത്തിയാണ് ഇപ്പോള് തോന്നുംപടിയുള്ള ഉപയോഗം. ഇക്കാര്യത്തില് സര്ക്കാര് തലത്തില് അന്വേഷണവും പരിശോധനയും വേണമെന്ന ആവശ്യവും ശക്തമായി. സര്ക്കാര് രൂക്ഷമായ സാമ്പത്തിക പ്രതിസന്ധിയില് നട്ടം പിരിയുമ്പോള് ആവശ്യമില്ലാതെ തോന്നുംപടിയുള്ള…
Read Moreപുറ്റിംഗൽ വെടിക്കെട്ട് അപകട കേസ്: പുതിയ പ്രോസിക്യൂട്ടറെ നിയമിക്കും
കൊല്ലം: പരവൂർ പുറ്റിംഗൽ വെടിക്കെട്ട് ദുരന്തക്കേസിൽ സർക്കാർ പുതിയ പ്രോസിക്യൂട്ടറെ നിയമിക്കും. നിലവിലെ സ്പെഷൽ പബ്ലിക് പ്രോസിക്യൂട്ടറായ പാരിപ്പള്ളി രവീന്ദ്രൻ കഴിഞ്ഞ ദിവസം അന്തരിച്ച സാഹചര്യത്തിലാണിത്. കേസ് ഇന്നലെ ജില്ലാ സെഷൻസ് കോടതിയിൽ പരിഗണനയ്ക്ക് വന്നപ്പോൾ പബ്ലിക് പ്രോസിക്യൂട്ടറുടെ അഭാവത്താൽ ഓഗസ്റ്റ് 24 – ലേയ്ക്ക് മാറ്റി. അടുത്ത അവധിക്ക് മുമ്പ് തന്നെ സർക്കാർ പുതിയ സ്പെഷൽ പ്രോസിക്യൂട്ടറെ നിയമിക്കുമെന്നാണ് വിവരം. പ്രത്യേക കോടതി സ്ഥാപിച്ചതിനാൽ വിചാരണ നടപടികൾ അതിവേഗം നടത്തേണ്ടതുണ്ട്. ഇന്നലെ കേസ് പരിഗണിച്ചപ്പോൾ പ്രതികളും അവരുടെ അഭിഭാഷകരും ഹാജരായിരുന്നു. അതേ സമയം പുതിയ പ്രോസിക്യൂട്ടറെ നിയമിച്ചാലും അദ്ദേഹം കേസ് വിശദമായി പരിശോധിക്കാൻ ഏറെ സമയം എടുക്കും. ഇതനുസരിച്ച് വിചാരണ നടപടികൾ വൈകാനും സാധ്യതയുണ്ട്. 110 പേർ മരിച്ച കേസിൽ 1417 സാക്ഷികളും 1 611 രേഖകളും 376 കൊണ്ടിമുതലുകളും ഉൾപ്പെടുന്നു. പതിനായിരത്തിധികം പേജുകൾ ഉള്ള…
Read More