ചിക്കൻ വാങ്ങാനെത്തും തിരികെ പോകുന്നത് കടക്കാരുടെ പണവുമായി; കോഴിക്ക​ട​ക​ളി​ൽ മോ​ഷ​ണം നടത്തുന്ന റിനു റോയിയെ കുടുക്കി പോലീസ്

മാങ്കാംകുഴി: ചി​ക്ക​ൻ വാ​ങ്ങാ​നെ​ന്ന വ്യാ​ജേ​ന ക​ട​ക​ളി​ൽനി​ന്ന് പ​ണം ക​വ​രു​ന്ന പ്ര​തി​യെ മാ​വേ​ലി​ക്ക​ര കു​റ​ത്തി​കാ​ട് പോ​ലീ​സ് പി​ടി​കൂ​ടി.
പ​ത്ത​നം​തി​ട്ട മെ​ഴു​വേ​ലി ഇ​ല​വും​തി​ട്ട പ്ലാ​ന്തോ​ട്ട​ത്തി​ൽ വീ​ട്ടി​ൽ റി​നു റോ​യി​യെ​യാ​ണ്(30) അ​റ​സ്റ്റ് ചെ​യ്ത​ത്.

മാ​ങ്കാം​കു​ഴി​യി​ൽ സാ​ന്ദ്ര​ൻ എ​ന്ന​യാ​ളു​ടെ ഉ​ട​മ​സ്ഥ​ത​യി​ലു​ള്ള ചി​ക്ക​ൻ ക​ട​യി​ൽ നി​ന്നു മോ​ഷ​ണം ന​ട​ത്തി പോ​കു​ന്ന വ​ഴി​യാ​ണ് പ്ര​തി​യെ അ​റ​സ്റ്റ് ചെ​യ്ത​ത്.

പ​രി​സ​ര​പ്ര​ദേ​ശ​ങ്ങ​ളി​ൽ സ​മാ​ന രീ​തി​യി​ലു​ള്ള മോ​ഷ​ണം ന​ട​ന്ന​തി​നെ തു​ട​ർ​ന്ന് പോ​ലീ​സ് നി​രീ​ക്ഷ​ണം ന​ട​ത്തി വ​രി​ക​യാ​യി​രു​ന്നു. നൂ​റ​നാ​ട് പോ​ലീ​സ് സ്റ്റേ​ഷ​ൻ പ​രി​ധി​യി​ലെ ഒ​രു കോ​ഴി​ക്ക​ട​യി​ൽ നി​ന്ന് 8,000 രൂ​പ​യും മാ​വേ​ലി​ക്ക​ര പോ​ലീ​സ് സ്റ്റേ​ഷ​ൻ പ​രി​ധി​യി​ലെ കോ​ഴി​ക്ക​ട​യി​ൽ നി​ന്നും 12,000 രൂ​പ​യും പ​ത്ത​നം​തി​ട്ട ജി​ല്ല​യി​ലെ കീ​ഴ് വായ്പുർ പോ​ലീ​സ് സ്റ്റേ​ഷ​ൻ പ​രി​ധി​യി​ലു​ള്ള കോ​ഴി​ക്ക​ട​യി​ൽ നി​ന്നും 19,500 രൂ​പ​യും ഉ​ൾ​പ്പെ​ടെ 39,500 രൂ​പ മോ​ഷ്ടി​ച്ച​താ​യി പ്ര​തി സ​മ്മ​തി​ച്ചു.

മോ​ഷ്ടി​ച്ച മു​ഴു​വ​ൻ പ​ണ​വും പ്ര​തി​യു​ടെ വീ​ട്ടി​ൽ നി​ന്നു പി​ടി​ച്ചെ​ടു​ത്തി​ട്ടു​ണ്ട്. കു​റ​ത്തി​കാ​ട് പോ​ലീ​സ് ഇ​ൻ​സ്പെ​ക്ട​ർ പി.​കെ മോ​ഹി​തി​ന്‍റെ നേ​തൃ​ത്വ​ത്തി​ലാ​ണ് പ്ര​തി​യെ അ​റ​സ്റ്റ് ചെ​യ്ത​ത്.

മാ​വേ​ലി​ക്ക​ര ഫ​സ്റ്റ് ക്ലാ​സ്സ് മ​ജി​സ്ട്രേ​റ്റ് കോ​ട​തി ഒ​ന്നി​ൽ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്ക് റി​മാ​ൻഡ് ചെ​യ്തു.