Set us Home Page

കേരളം പൊള്ളുന്നു! ചി​ക്ക​ന്‍​പോ​ക്‌​സി​നെ​തി​രേ ജാ​ഗ്ര​താ പാ​ലി​ക്ക​ണം; പ്രധാന ലക്ഷണങ്ങളും രോഗം പകരുന്നതും ഇങ്ങനെ

കാ​സ​ർ​ഗോ​ഡ്: അ​ന്ത​രീ​ക്ഷ താ​പ​നി​ല ക്ര​മാ​തീ​ത​മാ​യി ഉ​യ​രു​ന്ന സാ​ഹ​ച​ര്യ​മാ​യ​തി​നാ​ലും പ​രീ​ക്ഷ കാ​ല​മാ​യ​തി​നാ​ലും ചി​ക്ക​ന്‍ പോ​ക്‌​സി​നെ​തി​രെ ജാ​ഗ്ര​താ പാ​ലി​ക്ക​ണ​മെ​ന്ന് ജി​ല്ലാ ആ​രോ​ഗ്യ​വ​കു​പ്പ്. ചൂ​ടു​കാ​ല​ത്ത് സ​ര്‍​വ സാ​ധാ​ര​ണ​മാ​യി ക​ണ്ടു​വ​രു​ന്ന രോ​ഗ​ങ്ങ​ളി​ലൊ​ന്നാ​ണ് ചി​ക്ക​ന്‍​പോ​ക്‌​സ്. അ​തി​വേ​ഗം പ​ട​രു​ന്ന രോ​ഗ​മാ​ണി​ത്. ‘വേ​രി​സെ​ല്ല​സോ​സ്റ്റ​ര്‍’ എ​ന്ന വൈ​റ​സാ​ണ് ചി​ക്ക​ന്‍​പോ​ക്‌​സ് പ​ട​ര്‍​ത്തു​ന്ന​ത്. പൊ​തു​വേ പ്ര​തി​രോ​ധ ശ​ക്തി കു​റ​ഞ്ഞി​രി​ക്കു​മെ​ന്ന​തി​നാ​ല്‍ ഗ​ര്‍​ഭി​ണി​ക​ള്‍, എ​യ്ഡ്‌​സ് രോ​ഗി​ക​ള്‍, പ്ര​മേ​ഹ രോ​ഗി​ക​ള്‍, ന​വ​ജാ​ത ശി​ശു​ക്ക​ള്‍, അ​ര്‍​ബു​ദം ബാ​ധി​ച്ച​വ​ര്‍ ഹോ​സ്റ്റ​ലു​ക​ളി​ലും മ​റ്റും കൂ​ട്ട​ത്തോ​ടെ ഒ​രു​മി​ച്ചു താ​മ​സി​ക്കു​ന്ന​വ​ര്‍ തു​ട​ങ്ങി​യ​വ​ര്‍ ഇ​തി​നെ ഏ​റെ ജാ​ഗ്ര​ത​യോ​ടെ കാ​ണ​ണം.

ചി​ക്ക​ന്‍​പോ​ക്‌​സ് സ​ങ്കീ​ര്‍​ണ​ത​ക​ള്‍

ഗ​ര്‍​ഭ​ത്തി​ന്‍റെ ഒ​മ്പ​തു മു​ത​ല്‍ 16 വ​രെ​യു​ള്ള ആ​ഴ്ച​ക​ളി​ല്‍ അ​മ്മ​യ്ക്ക് ചി​ക്ക​ന്‍​പോ​ക്‌​സ് ബാ​ധി​ച്ചാ​ല്‍ ഗ​ര്‍​ഭ​സ്ഥ ശി​ശു​വി​ന് ക​ണ്ണി​നും ത​ല​ച്ചോ​റി​നും ത​ക​രാ​ര്‍, അം​ഗ​വൈ​ക​ല്യം, നാ​ഡി ത​ള​ര്‍​ച്ച ഇ​വ സം​ഭ​വി​ക്കു​മെ​ന്ന​തി​നാ​ല്‍ ഗ​ര്‍​ഭി​ണി​ക​ള്‍ ഏ​റെ ശ്ര​ദ്ധി​ക്കേ​ണ്ട​തു​ണ്ട്. പ്ര​തി​രോ​ധ ശേ​ഷി തീ​രെ കു​റ​ഞ്ഞ​വ​രെ ഗു​രു​ത​ര​മാ​യി ചി​ക്ക​ന്‍​പോ​ക്‌​സ് ബാ​ധി​ക്കാ​റു​ണ്ട്. പ്ര​ത്യേ​കി​ച്ച് ത​ല​ച്ചോ​ര്‍, ക​ര​ള്‍, വൃ​ക്ക​ക​ള്‍ തു​ട​ങ്ങി​യ അ​വ​യ​വ​ങ്ങ​ളെ ബാ​ധി​ച്ച് പ്ര​ശ്‌​ന​ങ്ങ​ള്‍ സ​ങ്കീ​ര്‍​ണ​മാ​ക്കാ​റു​ണ്ട്.

ചി​ക്ക​ന്‍ പോ​ക്‌​സി​നൊ​പ്പം ന്യൂ​മോ​ണി​യ കൂ​ടി ബാ​ധി​ക്കു​ന്ന​ത് ഗ​ര്‍​ഭി​ണി​ക​ളി​ലും ദു​ര്‍​ബ​ല​രി​ലും സ​ങ്കീ​ര്‍​ണ​ത​ക്കി​ട​യാ​ക്കും. കു​മി​ള​ക​ള്‍ പ​ഴു​ക്കു​ക, ര​ക്ത​സ്രാ​വം എ​ന്നി​വ ചി​ല​രി​ല്‍ സ​ങ്കീ​ര്‍​ണ​ത സൃ​ഷ്ടി​ക്കും.

പ​ച്ച​ക്ക​റി​ക​ള്‍ ധാ​രാ​ള​മ​ട​ങ്ങി​യ നാ​ട​ന്‍ ഭ​ക്ഷ​ണ​ങ്ങ​ള്‍ ചി​ക്ക​ന്‍​പോ​ക്‌​സ് ബാ​ധി​ച്ച​വ​ര്‍​ക്ക് അ​നു​യോ​ജ്യം. ഒ​പ്പം വെ​ള്ള​വും ധാ​രാ​ളം ഉ​ള്‍​പ്പെ​ടു​ത്താം. തി​ള​പ്പി​ച്ചാ​റി​യ വെ​ള്ളം, ഇ​ള​നീ​ര്‍, പ​ഴ​ച്ചാ​റു​ക​ള്‍ ഇ​വ കു​ടി​ക്കാം. കു​രു​ക്ക​ള്‍ പൊ​ട്ടി​ക്കാ​തി​രി​ക്കാ​ന്‍ രോ​ഗി ശ്ര​ദ്ധി​ക്കു​ക. പൊ​ട്ടി പ​ഴു​ക്കു​ന്ന​വ​രി​ല്‍ അ​ട​യാ​ളം കൂ​ടു​ത​ല്‍ കാ​ലം നി​ല​നി​ല്‍​ക്കും.

തു​മ്മു​മ്പോ​ഴും ചു​മ​ക്കു​മ്പോ​ഴും തൂ​വാ​ല ഉ​പ​യോ​ഗി​ച്ച് വാ​യും മൂ​ക്കും പൊ​ത്തി​പി​ടി​ക്കു​ക. മ​റ്റു​ള്ള​വ​രു​മാ​യി ഇ​ട​പ​ഴ​കു​ന്ന​ത് രോ​ഗി പ​ര​മാ​വ​ധി ഒ​ഴി​വാ​ക്കു​ക. മൂ​ക്കി​ലെ​യും വാ​യി​ലെ​യും സ്ര​വ​ങ്ങ​ളും കു​രു​വി​ലെ സ്ര​വ​ങ്ങ​ളും രോ​ഗം പ​ക​ര്‍​ത്തു​മെ​ന്ന​റി​യു​ക. പോ​ഷ​ക ഭ​ക്ഷ​ണം ക​ഴി​ക്കാ​ന്‍ ശ്ര​ദ്ധി​ക്കു​ക. ഫ​ല​പ്ര​ദ​മാ​യ ആ​ന്‍റി​വൈ​റ​ല്‍ മ​രു​ന്നു​ക​ള്‍ രോ​ഗ തീ​വ്ര​ത കു​റ​ക്കു​ന്നു. എ​ല്ലാ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലും കു​ടും​ബാ​രോ​ഗ്യ​കേ​ന്ദ്ര​ങ്ങ​ളി​ലും സാ​മൂ​ഹ്യാ​രോ​ഗ്യ​കേ​ന്ദ്ര​ങ്ങ​ളി​ലും സ​ര്‍​ക്കാ​ര്‍ ആ​ശു​പ​ത്രി​ക​ളി​ലും സൗ​ജ​ന്യ ചി​കി​ത്സ ല​ഭ്യ​മാ​ണ്. സ്വ​യം ചി​കി​ത്സ അ​രു​ത്.

പ്ര​ധാ​ന ല​ക്ഷ​ണ​ങ്ങ​ള്‍

പൊ​തു​വേ ശ്ര​ദ്ധി​ക്കാ​തെ പോ​കു​ന്ന ഘ​ട്ട​മാ​ണ് ചി​ക്ക​ന്‍​പോ​ക്‌​സി​ന്‍റെ ആ​ദ്യ​ഘ​ട്ടം. കു​മി​ള​ക​ള്‍ പൊ​ങ്ങു​ന്ന​തി​ന് മു​മ്പു​ള്ള ഒ​ന്നോ ര​ണ്ടോ ദി​വ​സ​മാ​ണി​ത്. ശ​രീ​ര​വേ​ദ​ന, ക​ഠി​ന​മാ​യ ക്ഷീ​ണം, ന​ടു​വേ​ദ​ന തു​ട​ങ്ങി​യ​വ ല​ക്ഷ​ണ​ങ്ങ​ളാ​ണ്.

കു​മി​ള​ക​ള്‍ പ്ര​ത്യ​ക്ഷ​പ്പെ​ടു​ന്ന​താ​ണ് മി​ക്ക​വ​രി​ലും ചി​ക്ക​ന്‍​പോ​ക്‌​സ് പ്ര​ക​ട​മാ​ക്കു​ന്ന ആ​ദ്യ ല​ക്ഷ​ണം. ഏ​ക​ദേ​ശം 2-6 വ​രെ ദി​വ​സം ഈ ​ഘ​ട്ടം നീ​ളും. ചു​വ​ന്ന ത​ടി​പ്പ്, കു​രു, കു​മി​ള, പ​ഴു​പ്പ്, ഉ​ണ​ങ്ങ​ല്‍ എ​ന്നീ ക്ര​മ​ത്തി​ലാ​ണ് ഇ​വ രൂ​പാ​ന്ത​ര​പ്പെ​ടു​ന്ന​ത്. ഒ​രേ സ​മ​യ​ത്തു​ത​ന്നെ പ​ല​ഘ​ട്ട​ത്തി​ലു​ള്ള കു​മി​ള​ക​ള്‍ ചി​ക്ക​ന്‍​പോ​ക്‌​സി​ല്‍ സാ​ധാ​ര​ണ​യാ​ണ്.

മി​ക്ക​വ​രി​ലും ത​ല​യി​ലും വാ​യി​ലും ആ​ണ് കു​രു​ക്ക​ള്‍ ആ​ദ്യം പ്ര​ത്യ​ക്ഷ​പ്പെ​ടു​ക. പി​ന്നീ​ട് നെ​ഞ്ച​ത്തും പു​റ​ത്തും ഉ​ണ്ടാ​കു​ന്നു. എ​ണ്ണ​ത്തി​ല്‍ ഇ​ത് കൂ​ടു​ത​ലാ​ണ്. എ​ന്നാ​ല്‍, കൈ​കാ​ലു​ക​ളി​ല്‍ എ​ണ്ണം കു​റ​വാ​ണ്എ​ന്ന പ്ര​ത്യേ​ക​ത​യു​മു​ണ്ട്.

ചി​ക്ക​ന്‍​പോ​ക്‌​സി​ന്‍റെ മ​റ്റൊ​രു പ്ര​ധാ​ന ല​ക്ഷ​ണ​മാ​ണ് ചൊ​റി​ച്ചി​ല്‍. കു​രു​ക്ക​ളു​ള്ള ഭാ​ഗ​ത്ത് മാ​ത്ര​മാ​യോ ശ​രീ​രം മു​ഴു​വ​നു​മാ​യോ ചൊ​റി​ച്ചി​ല്‍ അ​നു​ഭ​വ​പ്പെ​ടാം. ചൊ​റി​ഞ്ഞ് പൊ​ട്ടി​യാ​ല്‍ പ​ഴു​ക്കാ​ന്‍ സാ​ധ്യ​ത കൂ​ടു​ത​ലാ​ണ്.

രോ​ഗം പ​ക​രു​ന്ന​ത് എ​ങ്ങ​നെ?

രോ​ഗി​യു​ടെ വാ​യി​ല്‍​നി​ന്നും മൂ​ക്കി​ല്‍​നി​ന്നും ഉ​ള്ള സ്ര​വ​ങ്ങ​ളാ​ണ് പ്ര​ധാ​ന​മാ​യും രോ​ഗം പ​ര​ത്തു​ക. കൂ​ടാ​തെ സ്പ​ര്‍​ശ​നം മൂ​ല​വും ചു​മ​യ്ക്കു​ന്പോ​ള്‍ പു​റ​ത്തു​വ​രു​ന്ന ജ​ല​ക​ണ​ങ്ങ​ള്‍ വ​ഴി​യും രോ​ഗം പ​ട​രും. കു​മി​ള​ക​ള്‍ പ്ര​ത്യ​ക്ഷ​പ്പെ​ടു​ന്ന​തി​ന് ര​ണ്ടു​ദി​വ​സം മു​മ്പ് മു​ത​ല്‍ കു​മി​ള പൊ​ന്തി 6-10 ദി​വ​സം​വ​രെ​യും രോ​ഗം പ​ര​ത്തും.

സാ​ധാ​ര​ണ ഗ​തി​യി​ല്‍ ഒ​രി​ക്ക​ല്‍ രോ​ഗം ബാ​ധി​ച്ചാ​ല്‍ ജീ​വി​ത​കാ​ലം മു​ഴു​വ​ന്‍ ഈ ​രോ​ഗം വ​രാ​തെ​യി​രി​ക്കാം. എ​ന്നാ​ല്‍ പൊ​തു പ്ര​തി​രോ​ധം ത​ക​രാ​റി​ലാ​യാ​ല്‍ മാ​ത്രം വീ​ണ്ടും രോ​ഗം വ​രാ​റു​ണ്ട്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS