യാത്രക്കാർ റോഡിൽ പാലിക്കേമണ്ട മര്യാദകളെക്കുറിച്ചൊക്കെ ധാരാളം നിയമങ്ങളൊക്കെ ഉണ്ടെങ്കിലും അതൊന്നും പാലിക്കാത്ത ചിലരെങ്കിലും നമുക്ക് ചുറ്റിനുമുണ്ടാകും. മദ്യപിച്ച് ബോധമില്ലാതെ റോഡിൽ മറ്റുള്ളവരോട് വഴക്കിടുന്ന യുവാവിന്റെ വീഡിയോ ആണിപ്പോൾ സമൂഹ മാധ്യമങ്ങളിൽ വൈറലാകുന്നത്.
മധ്യപ്രദേശിലെ ചതാർപൂർ സിറ്റിയിലാണ് സംഭവം. മദ്യപിച്ച് ബോധമില്ലാതെ റോഡിൽക്കൂടി പാഞ്ഞ് പോയതു മാത്രമല്ല, അതുവഴി വന്ന എല്ലാവരേയും ഇയാൾ അസഭ്യം പറയുകയും ചെയ്തു. യുവാവിന്റെ തെറിവിളി കൂടി വന്നതോടെ നാട്ടുകാർ ഇയാളെ കൈയേറ്റം ചെയ്തു.
പോലീസ് ഔട്ട്പോസ്റ്റിനു മുന്നിലാണ് സംഭവം നടന്നതെങ്കിലും പോലീസ് എത്തുന്നതിനു മുൻപ്തന്നെ ഇയാളെ കൂടി നിന്നവരെല്ലാം അടിക്കാൻ തുടങ്ങി. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായി. പുരുഷന്മാരും സ്ത്രീകളും പ്രായമായവരും ഒരു കൊച്ചുകുട്ടി പോലും ഈ സംഘർഷത്തിൽ ഉൾപ്പെട്ടതായി കാണാൻ സാധിക്കും.
വീഡിയോ വൈറലായതോടെ നിരവധി ആളുകളാണ് കമന്റ് ചെയ്തത്. മദ്യാപാനിയെ കൈയേറ്റം ചെയ്തതിൽ ചിലർ അനുകൂലിച്ചെങ്കിലും മറ്റ് ചിലർ വിമർശനവും ഉന്നയിച്ചു. പോലീസ് സ്റ്റേഷൻ തൊട്ട് മുൻപിൽ ഉണ്ടായിട്ടും എന്ത്കൊണ്ട് നാട്ടുകാർ നിയമപാലകർ ആയി. അടിയിൽ അയാൾക്ക് എന്തെങ്കിലും സംഭവിച്ചിരുന്നെങ്കിൽ ആര് സമാധാനം പറയുമെന്നാണ് പലരും ചോദിച്ചത്.
