ലണ്ടന്: ഇംഗ്ലീഷ് പ്രീമിയര് ലീഗ് ക്ലബ്ബായ ചെല്സിയുടെ ബ്രസീലിയന് ഫോര്വേഡ് എസ്റ്റേവോ 2026 ഫിഫ ലോകകപ്പ് ഫുട്ബോളില് കളിച്ചേക്കില്ലെന്നു സൂചന. ഞായറാഴ്ച മാഞ്ചസ്റ്റര് യുണൈറ്റഡ് എഫ്സിക്ക് എതിരായ മത്സരത്തിനിടെ എസ്റ്റേവോ പരിക്കേറ്റു പുറത്തായിരുന്നു. 17 മിനിറ്റ് മാത്രമായിരുന്നു എസ്റ്റേവൊ കളത്തില് ഉണ്ടായിരുന്നത്.
18കാരനായ എസ്റ്റേവൊ ചെല്സിക്കായി 36 മത്സരങ്ങള് കളിച്ചു. എട്ട് ഗോള് നേടി, മൂന്ന് അസിസ്റ്റ് നടത്തി. ബ്രസീലിനായി 11 മത്സരങ്ങളില്നിന്ന് അഞ്ച് ഗോള് സ്വന്തമാക്കി. ലോകകപ്പിനുള്ള ബ്രസീല് സംഘത്തെ മേയ് 18ന് കാര്ലോ ആന്സിലോട്ടി പ്രഖ്യാപിക്കുമെന്നാണ് സൂചന.
