ജിവതത്തിലെ ഏറ്റവും സങ്കടം നിറഞ്ഞ ഘട്ടത്തെകുറിച്ചുള്ള വെളിപെടുത്തലുമായി കൽക്കി കൊച്ലിൻ. തനിക്കേറ്റ മാനസികാഘാത്തെകുറിച്ച് കൽക്കി തുറന്നു പറഞ്ഞു. മാസങ്ങളോളം ഉറക്കമില്ലായ്മയിലേക്ക് ആ ബന്ധത്തിന്റെ തകർച്ച തന്നെ കൊണ്ടെത്തിച്ചതെന്നും താരം പറഞ്ഞു. ഒരു പോഡ്കാസ്റ്റിൽ സംസാരിക്കവെയാണ് താരത്തിന്റെ തുറന്നുപറച്ചിൽ.
ആ വേർപിരിയലിനെ തുടർന്ന് മാസങ്ങളോളം തുടർച്ചയായി ഞാൻ ഇൻസോംനിയ അനുഭവിച്ചിരുന്നു. എത്രത്തോളം മാനസികമായ പ്രശ്നമാണ് അതെന്ന് ഞാൻ മനസിലാക്കി. എനിക്ക് ഉറങ്ങാൻ കഴിഞ്ഞില്ല. പുലർച്ചെ രണ്ട് മണിക്കും മൂന്ന് മണിക്കും ഞാൻ ഉണരുമായിരുന്നു. എന്നിട്ട് ഗിറ്റാർ വായിക്കുകയോ മറ്റെന്തെങ്കിലും ചെയ്യുകയോ ചെയ്യും. കാരണം ഉറക്കത്തിലേക്ക് തിരികെ പോകാൻ എനിക്ക് മറ്റ് വഴികളുണ്ടായിരുന്നില്ലെന്ന് കൽക്കി കൊച്ലിൻ പറഞ്ഞു.
ജോലി ചെയ്തിരുന്ന ദിവസങ്ങളിൽ, താൻ സ്വപ്നത്തിലാണോ അതോ ഉണർന്നിരിക്കുകയാണോ എന്നൊന്നും മനസിലായില്ലെന്നും ആകെമൊത്തം ആശയക്കുഴപ്പത്തിലായിരുന്നു എന്നും കൽക്കി പറഞ്ഞു.
അതേസമയം ആരോടൊപ്പമുള്ള ബ്രേക്കപ്പാണ് തനിക്ക് ഇൻസോംനിയ സമ്മാനിച്ചത് എന്ന് കൽക്കി വ്യക്തമാക്കിയില്ല. എന്നാൽ ആ വേർപിരിയൽ തന്റെ ദൈനംദിന ജീവിതത്തിൽ വൈകാരികമായി വലിയ സ്വാധീനമുണ്ടാക്കിയെന്ന് താരം വ്യക്തമാക്കി. ബാല്യകാലത്ത് മാതാപിതാക്കളുടെ വേർപിരിയലടക്കമുള്ള അനുഭവങ്ങളാണ് ബന്ധങ്ങളെക്കുറിച്ചുള്ള തന്റെ കാഴ്ചപ്പാടുകളെ രൂപപ്പെടുത്തിയതെന്ന് കൽക്കി മുമ്പ് പറഞ്ഞിട്ടുണ്ട്.
