രാ​ഷ്ട്രീ​യ കൊ​ല​പാ​ത​ക​ങ്ങ​ൾ; ഗുണ്ടാസംഘങ്ങളെ വിടാതെ പോലീസ്; നാ​നൂ​റി​ന​ടു​ത്ത് ഗു​ണ്ട​ക​ൾ!


ആ​ലു​വ: തൊ​ട്ട​ടു​ത്ത ദി​വ​സ​ങ്ങ​ളി​ലാ​യി കേ​ര​ള​ത്തി​ല​ര​ങ്ങേ​റി​യ രാ​ഷ്ട്രീ​യ കൊ​ല​പാ​ത​ക​ങ്ങ​ളി​ല​ട​ക്കം പ്ര​തി​ക​ളാ​യ​വ​ർ​ക്ക് അ​ഭ​യം ന​ൽ​കി​യെ​ന്ന സൂ​ച​ന​യെ തു​ട​ർ​ന്ന് എ​റ​ണാ​കു​ളം റൂ​റ​ൽ ജി​ല്ലാ പോ​ലീ​സ് പ​രി​ധി​യി​ലെ ഗു​ണ്ടാ​സം​ഘ​ങ്ങ​ൾ ക​ർ​ശ​ന നി​രീ​ക്ഷ​ണ​ത്തി​ൽ.

പ്ര​മാ​ദ​മാ​യ പ​ല കേ​സു​ക​ളി​ലെ​യും പ്ര​തി​ക​ളെ ഇ​നി​യും പി​ടി​കൂ​ടാ​ൻ ക​ഴി​യാ​ത്ത​ത് അ​ന്വേ​ഷ​ണ സം​ഘ​ങ്ങ​ളെ സ​മ്മ​ർ​ദ​ത്തി​ലാ​ക്കി​യ സാ​ഹ​ച​ര്യ​ത്തി​ലാ​ണ് അ​യ​ൽ ജി​ല്ല​ക​ളി​ലെ പോ​ലീ​സി​ന്‍റെ സ​ഹാ​യം തേ​ടി​യി​രി​ക്കു​ന്ന​ത്.

ഇ​തി​ന്‍റെ ഭാ​ഗ​മാ​യി റൂ​റ​ൽ ജി​ല്ലാ പോ​ലീ​സ് പ​രി​ധി​യി​ലെ കു​പ്ര​സി​ദ്ധ ഗു​ണ്ടാ​സം​ഘ​ത്ത​ല​വ​ൻ​മാ​രെ​യ​ട​ക്കം സ്റ്റേ​ഷ​നു​ക​ളി​ൽ വി​ളി​ച്ചു വ​രു​ത്തി ചോ​ദ്യം ചെ​യ്തു വ​രി​ക​മാ​ണ്.

തൊ​ട്ട​ടു​ത്ത ദി​വ​സ​ങ്ങ​ളി​ൽ മാ​ത്ര​മാ​യി തൃ​ശൂ​ർ ജി​ല്ല​യി​ൽ മാ​ത്രം ആ​റ് പേ​രാ​ണ് കൊ​ല്ല​പ്പെ​ട്ട​ത്. ഇ​തി​ൽ രാ​ഷ്ട്രീ​യ കൊ​ല​പാ​ത​ക​വു​മു​ണ്ട്. ക്രി​മി​ന​ലു​ക​ൾ​ക്ക് കൊ​ച്ചി​യി​ലെ ഗു​ണ്ടാ​സം​ഘ​ങ്ങ​ളു​മാ​യി​ട്ട് ബ​ന്ധ​മു​ണ്ടെ​ന്ന് ഇ​ന്‍റ​ലി​ജ​ൻ​സ് റി​പ്പോ​ർ​ട്ട് ഉ​ണ്ടാ​യി​രു​ന്നു.

കൊ​ല​യാ​ളി സം​ഘ​ത്തി​ലെ ചി​ല​ർ​ക്ക് ഒ​ളി​ത്താ​വ​ളം ഒ​രു​ക്കി കൊ​ടു​ത്ത​തും ജി​ല്ല​യി​ലെ ഗു​ണ്ടാ​സം​ഘ​ങ്ങ​ളാ​ണെ​ന്നാ​ണ് സൂ​ച​ന. ​ഇ​തി​ന​കം റൂ​റ​ലി​ൽ മാ​ത്രം ഓ​പ്പ​റേ​ഷ​ൻ ഡാ​ർ​ക്ക് ഹ​ണ്ടി​ന്‍റെ ഭാ​ഗ​മാ​യി 23 പേ​രെ നാ​ടു​ക​ട​ത്തു​ക​യും 11 പേ​രെ അ​റ​സ്റ്റ് ചെ​യ്ത് ജ​യി​ലി​ല​ട​ക്കു​ക​യും ചെ​യ്ത​താ​യി ജി​ല്ലാ പോ​ലീ​സ് മേ​ധാ​വി കെ. ​കാ​ർ​ത്തി​ക് അ​റി​യി​ച്ചു.

നാ​നൂ​റി​ന​ടു​ത്ത് ഗു​ണ്ട​ക​ൾ!
മൂ​ന്ന് വി​ഭാ​ഗ​ങ്ങ​ളാ​യി​ട്ട് ത​രം തി​രി​ച്ചാ​ണ് റൂ​റ​ലി​ൽ ഗു​ണ്ടാ പ്ര​വ​ർ​ത്ത​ക​രെ നേ​രി​ടു​ന്ന​തി​നു​ള്ള ന​ട​പ​ടി​ക​ൾ തു​ട​ങ്ങി​യി​ട്ടു​ള്ള​ത്. 37 സ്റ്റേ​ഷ​നു​ക​ളി​ലാ​യി നാ​നൂ​റി​ന​ടു​ത്ത് ഗു​ണ്ട​ക​ൾ ഉ​ണ്ടെ​ന്നാ​ണ് ക​ണ​ക്ക്.​

ഗു​ണ്ട​ക​ളെ പ്ര​ധാ​ന ഉ​ദ്യോ​ഗ​സ്ഥ​ർ അ​താ​ത് സ്റ്റേ​ഷ​നു​ക​ളി​ൽ വി​ളി​ച്ചു വ​രു​ത്തി ഇ​പ്പോ​ഴ​ത്തെ ജീ​വി​ത​രീ​തി​ക​ൾ വി​ല​യി​രു​ത്തി വി​വ​ര​ങ്ങ​ൾ റി​ക്കാ​ർ​ഡാ​ക്കി വ​രി​ക​യാ​ണ്. മൊ​ബൈ​ൽ ഫോ​ണു​ക​ൾ​ക്ക് സൈ​ബ​ർ സെ​ല്ലി​ന്‍റെ നി​രീ​ക്ഷ​ണ​വു​മു​ണ്ട്.

ജാ​മ്യം നേ​ടി പു​റ​ത്തി​റ​ങ്ങി​യ​വ​ർ കോ​ട​തി ന​ട​പ​ടി​ക​ൾ കൃ​ത്യ​മാ​യി പാ​ലി​ക്കു​ന്നു​ണ്ടോ​യെ​ന്നും പ​രി​ശോ​ധി​ച്ചു വ​രി​ക​യാ​ണ്. നി​യ​മം ലം​ഘി​ച്ച​വ​രെ കാ​പ്പ ചു​മ​ത്തി ജ​യി​ലി​ലാ​ക്കാ​നും തു​ട​ങ്ങി​യി​ട്ടു​ണ്ട്.

2020 ജൂ​ൺ 23ന് ​പാ​ല​ക്കാ​ട് വി​നോ​ദെ​ന്ന ശി​വ​സേ​ന​ക്കാ​ര​ൻ എ​സ്ഡി​പി​ഐ​ക്കാ​രാ​ൽ കൊ​ല്ല​പ്പെ​ട്ട സം​ഭ​വ​ത്തോ​ടെ​യാ​ണ് ഈ ​കൊ​ല്ല​ത്തെ രാ​ഷ്ട്രീ​യ കൊ​ല​പാ​ത​ക​ങ്ങ​ൾ​ക്ക് തു​ട​ക്ക​മാ​കു​ന്ന​ത്. തു​ട​ർ​ന്ന് തൃ​ശൂ​രി​ൽ ആ​ദ​ർ​ശ്, നി​ധി​ൽ എ​ന്നീ ആ​ർ​എ​സ്എ​സ്- ബി​ജെ​പി പ്ര​വ​ർ​ത്ത​ക​ർ സി​പി​എ​മ്മു​കാ​രാ​ൽ വ​ധി​ക്ക​പ്പെ​ട്ടു.

ഏ​റ്റ​വും ഒ​ടു​വി​ൽ സി​പി​എം ബ്രാ​ഞ്ച് സെ​ക്ര​ട്ട​റി​യാ​യ സ​നൂ​പ് തൃ​ശൂ​രി​ൽ ബി​ജെ​പി ക്കാ​രാ​ൽ കൊ​ല്ല​പ്പെ​ടു​ക​യാ​യി​രു​ന്നു. ഈ ​കൊ​ല​പാ​ത​ക​ങ്ങ​ളി​ലേ​യെ​ല്ലാം കൂ​ടു​ത​ൽ പ്ര​തി​ക​ളെ ഇ​നി​യും പി​ടി​കൂ​ടാ​നു​ണ്ട്.

പ്ര​തി​ക​ൾ​ക്ക് മ​റ്റു ജി​ല്ല​ക​ളി​ലു​ള്ള ഗു​ണ്ടാ​സം​ഘ​ങ്ങ​ളു​മാ​യു​ള്ള ബ​ന്ധ​മാ​ണ് വ്യാ​പ​ക​മാ​യ അ​ന്വേ​ഷ​ണ​ങ്ങ​ൾ​ക്ക് വ​ഴി​വെ​ച്ചി​രി​ക്കു​ന്ന​ത്.

 

Related posts

Leave a Comment