കുമരകം: റൂമാറ്റിക് ഹാര്ട്ട് ഡിസീസ് ബാധിതനായി ഹൃദയം മാറ്റിവയ്ക്കല് ശസ്ത്രക്രിയയ്ക്കായി കാത്തിരിക്കുന്ന അരുണിനായി കുമരകം പഞ്ചായത്തിന്റെ നേതൃത്വത്തില് ചികിത്സാനിധി സ്വരൂപിക്കുന്നതിന്റെ ഭാഗമാകാന് ബസ് ഉടമയും രംഗത്ത്. നാലു ബസുകളുടെ ഇന്നത്തെ വരുമാനം അരുണിന്റെ ചികിത്സാ സഹായ നിധിയിലേക്ക് നല്കുമെന്ന് ബസ് ഉടമ രശ്മി ശശിധരന് പറഞ്ഞു.
ഇന്നു രാവിലെ 7.55ന് കുമരകം ചന്തക്കവലയിലെ ബസ് ബേയില് കുമരകം സര്ക്കിള് ഇന്സ്പെക്ടര് കെ. ഷിജി, സഹായനിധി സമിതി കണ്വീനര് കെ.ജി. ബിനു എന്നിവര് ബസുകളുടെ ട്രിപ്പ് ഫ്ളാഗ് ഓഫ് ചെയ്തു.
കോട്ടയം-ചേര്ത്തല റൂട്ടില് സര്വീസ് നടത്തുന്ന രണ്ടു കാര്ത്തിക ബസ്, കോട്ടയം-കുമരകം-കൈപ്പുഴമുട്ട്-വൈക്കം റൂട്ടില് സര്വീസ് നടത്തുന്ന വിശ്വനാഥ് ബസ്, കൈപ്പുഴ മുട്ട്- വൈക്കം റൂട്ടിലോടുന്ന കാര്ത്തിക ബസ് എന്നിവയുടെ ഇന്നത്തെ കളക്ഷനാണ് അരുണിന്റ് ചികിത്സാ നിധിയിലേക്കു നല്കുന്നത്.
