ഇന്ത്യയുടെ ചരിത്രപരവും ഭൂമിശാസ്ത്രപരവുമായ ഘടകങ്ങൾ വിദേശികളെ ഇങ്ങോട്ടേക്ക് ആകർഷിക്കാൻ കാരണമാകുന്നുണ്ട്. ഇന്ത്യ സന്ദർശിക്കുന്നതിനായി ധാരാളം അന്യദേശക്കാർ ദിവസേന ഇങ്ങോട്ടേക്ക് വരുന്നു. ഇന്ത്യയുടെ ആരോഗ്യ രംഗത്തെയും ആചാര്യ മര്യാദകളെയുമൊക്കെ കുറിച്ച് സോഷ്യൽ മീഡിയയിൽ വിദേശ സഞ്ചാരിയായ ചാർളി പങ്കുവച്ച വീഡിയോയാണ് ഇപ്പോൾ ശ്രദ്ധ നേടുന്നത്.
148 ദിവസമായി ഇന്ത്യയിൽ യാത്ര ചെയ്യുകയാണ് ചാർളി. കഴിഞ്ഞ ആഴ്ചകളിൽ തനിക്കുണ്ടായ ആരോഗ്യപ്രശ്നങ്ങളെ കുറിച്ചും താൻ നേടിയ ചികിത്സകളെ കുറിച്ചുമാണ് ചാർളി വീഡിയോയിൽ പറയുന്നത്.
തൊണ്ടവേദന വന്നപ്പോൾ താൻ ഉപയോഗിച്ച യോഗി കാന്തിക എന്ന ആയുർവേദ മരുന്ന് അത്ഭുതപ്പെടുത്തിയെന്ന് യുവാവ് പറഞ്ഞു. ഇത്തരം മരുന്നുകൾ ഒന്നുംതന്നെ അമേരിക്കയിൽ ഇല്ലെന്നുമാണ് യുവാവ് പറയുന്നത്.
ഇന്ത്യൻ സുഹൃത്തുക്കൾ നിർദ്ദേശിച്ച സസ്യങ്ങൾ ഉപയോഗിച്ചുള്ള വീട്ടിലെ ചികിത്സയും തന്നെ വലിയ രീതിയിൽ സഹായിച്ചതായി യുവാവ് പറയുന്നു. ഇന്ത്യയിലെ ചികിത്സാ സൗകര്യങ്ങൾ ഏറ്റവും മികച്ചത് തന്നെയാണെന്നും പാശ്ചാത്യ രാജ്യങ്ങളേക്കാൾ എത്രയോ മുകളിലാണ് ഇന്ത്യയുടെ സ്ഥാനമെന്നുമാണ് ചാർളി തന്റെ ഇൻസ്റ്റാഗ്രാം വീഡിയോയിലൂടെ പറയുന്നത്.
