ശ്രീഹരിക്കോട്ട: ഐഎസ്ആര്ഒയുമായി ചേര്ന്ന് നടത്തുന്ന അമേരിക്കയുടെ ബ്ലൂബേര്ഡ്- 6 ഉപഗ്രഹത്തിന്റെ വിക്ഷേപണം ബുധനാഴ്ച ശ്രീഹരിക്കോട്ടയില് നടക്കും. ഐഎസ്ആര്ഒയുടെ ‘എല്വിഎം 3’ വിക്ഷേപണ വാഹനത്തിലാണ് ബ്ലൂബേര്ഡ്- 6 വിക്ഷേപിക്കുക.
ഇന്ത്യന് സമയം രാവിലെ 8.54ഓടെയാണ് വിക്ഷേപണം. ന്യൂസ്പേസ് ഇന്ത്യ ലിമിറ്റഡുമായുള്ള വാണിജ്യ കരാറിലൂടെയാണ് യുഎസിന്റെ ഉപഗ്രഹവിക്ഷേപണം ഐഎസ്ആര്ഒ നടത്തുന്നത്. ബംഗളൂരു ആസ്ഥാനമായുള്ള ഐഎസ്ആര്ഒയുടെ വാണിജ്യ വിഭാഗമാണ് ന്യൂസ്പേസ് ഇന്ത്യ ലിമിറ്റഡ്.
ലോകമെമ്പാടുമുള്ള ദൈനംദിന സ്മാര്ട്ട്ഫോണുകളിലേക്ക് ഹൈ-സ്പീഡ് സെല്ലുലാര് ബ്രോഡ്ബാന്ഡ് നേരിട്ട് എത്തിക്കുന്നതിനാണ് അടുത്ത തലമുറ ബ്ലൂബേര്ഡ് ഉപഗ്രഹങ്ങള് രൂപകല്പ്പന ചെയ്തിരിക്കുന്നത്.
