തിരുവനന്തപുരം: സംസ്ഥാന സര്‍ക്കാര്‍ നടത്തുന്ന ‘നിയുക്തി 2021’ മെഗാ തൊഴില്‍ മേള ഡിസംബര്‍ 11 മുതല്‍ ജനുവരി എട്ട് വരെ നടക്കും.
എംപ്ലോയ്മെന്‍റ് എക്സ്ചേഞ്ചുകളുടെയും എംപ്ലോയബിലിറ്റി സെന്‍ററുകളുടെയും സഹകരണത്തോടെ വിവിധ ജില്ലകളിൽ നടക്കുന്ന മെഗാ തൊഴിൽ മേള രാവിലെ ഒൻപത് മുതൽ വൈകുന്നേരം അഞ്ച് വരെയാണ് സംഘടിപ്പിച്ചിരിക്കുന്നത്. കാൽ ലക്ഷം പേർക്ക് തൊഴിലുറപ്പാക്കുകയാണ് ലക്ഷ്യം.
ആയിരത്തിലധികം തൊഴില്‍ദാതാക്കളെയും 50000ത്തിലധികം ഉദ്യോഗാര്ഥികളെയും പങ്കെടുപ്പിച്ചാണ് വിവിധ ജില്ലകളിൽ തൊഴിൽ മേളകൾ സംഘടിപ്പിച്ചിരിക്കുന്നതെന്നു അധികൃതർ പറയുന്നു.
തൊഴില്‍മേളയിൽ ഐടി, ടെക്സ്റ്റയില്‍സ്, ജൂവലറി, ഓട്ടോമൊബൈല്‍സ്, അഡ്മിനിസ്ട്രേഷന്‍ മാര്‍ക്കറ്റിംഗ്, ഹോസ്പിറ്റാലിറ്റി, ഹെല്‍ത്ത് കെയര്‍ എന്നിവയിലേതടക്കമുള്ള പ്രമുഖ കമ്പനികള്‍ മേളയിൽ പങ്കെടുക്കുന്നുണ്ട്.
തൊഴില്‍ മേളയില്‍ പങ്കെടുക്കുന്ന ഉദ്യോഗദായകര്ക്കും ഉദ്യോഗാര്ഥികള്ക്കും ഓണ്‍ലൈന്‍ രജിസ്ട്രേഷന്‍ www.jobfest.kerala.gov.in ല്‍ നടത്താം. ഇടുക്കി, ആലപ്പുഴ, വയനാട്, കണ്ണൂര്‍ ജില്ലകളില്‍ നേരത്തെ നിയുക്തി തൊഴില്‍ മേള സംഘടിപ്പിച്ചിരുന്നു.
തുടര്‍ന്നുള്ള ജോബ് ഫെയര്‍ നടത്തപ്പെടുന്ന ജില്ലകൾ, തീയതി, സെന്‍റര്‍ എന്നിവ താഴെ പറയുന്നു.
* തിരുവനന്തപുരം, ഡിസംബര്‍ 11, യൂണിവേഴ്സിറ്റി കോളേജ് ഓഫ് എന്‍ജിനിയറിംഗ് കാര്യവട്ടം.
* കൊല്ലം, ഡിസംബര്‍ 18, ഫാത്തിമ മാതാ നാഷണല്‍ കോളേജ്, കൊല്ലം.
* പത്തനംതിട്ട, ഡിസംബര്‍ 21, മാക് ഫാസ്റ്റ് കോളേജ്, തിരുവല്ല.
* കോട്ടയം, ഡിസംബര്‍ 18, ബസേലിയസ് കോളേജ്, കോട്ടയം
* എറണാകുളം, ഡിസംബര്‍ 11, സെന്‍റ് പോള്‍സ് കോളേജ് കളമശേരി.
* തൃശൂര്‍, ഡിസംബര്‍ 20, തൃശൂര്‍ സെന്‍റ് തോമസ് കോളേജ്.
* പാലക്കാട്, ഡിസംബര്‍ 11, ഗവൺമെന്‍റ് വിക്ടോറിയ കോളേജ്, പാലക്കാട്.
* മലപ്പുറം, ഡിസംബര്‍ 22, മഅദിന്‍ പോളിടെക്നിക് കോളേജ്, മലപ്പുറം.
* കോഴിക്കോട്, ഡിസംബര്‍ 18, ഗവണ്‍മെന്‍റ് എന്‍ജിനിയറിംഗ് കോളേജ്, വെസ്റ്റ് ഹില്‍ കോഴിക്കോട്.
* കാസര്‍ഗോഡ്, ജനുവരി 8, കാഞ്ഞങ്ങാട് നെഹ്റു ആര്‍ട്സ് ആൻഡ് സയന്‍സ് കോളേജ്.
