നെടുങ്കണ്ടം: കല്ലാര് ഡാമിന്റെ സംഭരണശേഷി വര്ധിപ്പിക്കുന്നതിന്റെ ഭാഗമായി മണ്ണ് നീക്കം ചെയ്യുന്ന പ്രവര്ത്തനങ്ങള് ആരംഭിച്ചു. ഡാമിന്റെ ഒരു ഷട്ടര് 10 സെന്റിമീറ്റര് ഉയര്ത്തി വെള്ളം ഒഴുക്കിക്കളഞ്ഞ ശേഷമാണ് ജോലികള് ആരംഭിച്ചത്.
മണ്ണുമാന്തി യന്ത്രം ഉപയോഗിച്ചാണ് മണ്ണും ചെളിയും നീക്കം ചെയ്യുന്നത്. തിങ്കളാഴ്ചവരെ ജോലികള് തുടരും. സുരക്ഷാ മുന്കരുതലിന്റെ ഭാഗമായി വ്യത്യസ്ത സമയങ്ങളില് ഡാമില് സ്ഥാപിച്ചിട്ടുള്ള സൈറണുകള് മുഴക്കിയിരുന്നു. വെള്ളം ഒഴുക്കുന്ന സമയത്ത് പൊതുജനങ്ങള് പുഴയില് ഇറങ്ങരുതെന്നും ജാഗ്രത പാലിക്കണമെന്നും ഡെപ്യൂട്ടി കളക്ടര് അറിയിച്ചിരുന്നു.
കടുത്ത വേനലായതിനാല് ഡാമില് കാര്യമായി വെള്ളമുണ്ടായിരുന്നില്ല. 2022 മുതലാണ് ഡാമിലെ മണ്ണും ചെളിയും ഒഴുക്കിക്കളഞ്ഞ് സംഭരണ ശേഷി വര്ധിപ്പിക്കുന്ന പ്രവൃത്തി ആരംഭിച്ചത്.
