ബോളിവുഡിൽ നിറയെ ആരാധകരുള്ള നായികയാണ് കത്രീന കെയ്ഫ്. ധൂം 3 യിലെ കമ്ലി… എന്ന ഗാനം കത്രീനയുടെ കരിയറിലെ തന്നെ ഹിറ്റ് പാട്ടുകളിൽ ഒന്നാണ്. ഈ പാട്ടിൽ ഡാൻസും സ്റ്റണ്ടും നടി ഒരുപോലെ ചെയ്യുന്നുണ്ട്. കത്രീന ഇത് ഡ്യൂപ്പിനെ വച്ച് ചെയ്യിച്ചതാണ് എന്ന് വിമർശനങ്ങൾ ഉണ്ടായിരുന്നു. കത്രീനയ്ക്ക് ഡ്യൂപ്പായി എത്തിയത് കൊറിയോഗ്രാഫർ ശക്തി മോഹൻ ആണെന്നായിരുന്നു ചിലർ കണ്ടെത്തിയത്. ഇപ്പോഴിതാ വിമർശനങ്ങൾക്ക് മറുപടിയുമായി ശക്തി തന്നെ എത്തിയിരിക്കുകയാണ്.
ഡാൻസ് ഇന്ത്യ ഡാൻസ് എന്ന റിയാലിറ്റി ഷോയിൽ ഞാൻ സ്റ്റണ്ട് ചെയ്യുന്നത് ആരെങ്കിലും കണ്ടിട്ടുണ്ടോ ? കൂടാതെ, കത്രീന കെയ്ഫിന് വേണ്ടി ഞാൻ ബോഡി ഡബിൾ ആകണമെങ്കിൽ, എനിക്ക് അവരുടെ സ്കിൻ ടോൺ ആവശ്യമായി വരില്ലേ? എന്റെ സ്കിൻ ടോണും ഉയരവും അവരുടേതുമായി പൊരുത്തപ്പെടുന്നില്ല. പിന്നെ എനിക്ക് എങ്ങനെ അവരുടെ ബോഡി ഡബിൾ ആകാൻ കഴിയും?
ആ സെറ്റിൽ ഞാനുണ്ടായിരുന്നു. പാട്ടിന്റെ സമയത്ത് ഞാൻ വൈഭവി മർച്ചന്റിന്റെ അസിസ്റ്റന്റായിരുന്നു. ഞാൻ ഒരു നൃത്തസംവിധായകയായി ജോലി ചെയ്യാൻ തുടങ്ങുന്നതിനു മുമ്പായിരുന്നു അത്. കത്രീനയ്ക്ക് പാട്ടിലെ ചുവടുകള് ആരെങ്കിലും പഠിപ്പിച്ചു കൊടുക്കണമായിരുന്നു. അതാണ് ഞാന് ചെയ്തത്. അങ്ങനെ ഒന്നര മാസമാണ് ഞങ്ങൾ റിഹേഴ്സൽ നടത്തിയത്.
കത്രീന വന്നപ്പോഴേക്കും എല്ലാവർക്കും വല്ലാത്ത സമ്മർദമായിരുന്നു. ഞാനൊരു പ്രഫഷണൽ നർത്തകിയായിരുന്നിട്ടും എനിക്കും പ്രഷര് ഫീല് ചെയ്തു. കാരണം അത്ര മനോഹരമായിട്ടാണ് കത്രീന നൃത്തം ചെയ്യുന്നത്.
