Set us Home Page

വീ​റോ​ടെ കൊ​ച്ചു​ണ്ണി

സി​നി​മ​യു​ടെ മായിക ലോകത്ത് എ​ന്നും കായംകുളത്തുകാരൻ കൊ​ച്ചു​ണ്ണി​ക്കു​ള്ള സ്ഥാ​നം ഒ​രു​പ​ടി മു​ക​ളി​ൽ ത​ന്നെ​യാ​ണ്. ആ ​സ്ഥാ​ന​ തി​ള​ക്ക​ത്തി​ന് കോ​ട്ടം ത​ട്ടാ​ത്ത​വി​ധം കൊ​ച്ചു​ണ്ണി​യെ ഗം​ഭീ​ര​മാ​ക്കാ​ൻ നി​വി​ൻ പോ​ളി​ക്ക് സാധിച്ചിട്ടുണ്ട്. ബോക്സ് ഓഫീസിൽ റോഷൻ ആൻഡ്രൂസിന്‍റെ കൊച്ചുണ്ണി പണക്കിലുക്കവുമായി പറന്നുയരുമെന്ന് ഉറപ്പാണ്.

കൊ​ച്ചു​ണ്ണി​യു​ടെ വീ​ര​ശൂ​ര ക​ഥ​ക​ൾ മ​ന​സി​ലി​ട്ട് താ​ലോ​ലി​ക്കു​ന്ന കേ​ര​ള​ക്ക​ര​യി​ലേ​ക്കാണ് മറ്റൊരു കൊച്ചുണ്ണി കൂടി എത്തിയിരിക്കുന്നത്. ഓ​ർ​മ​പ്പെ​ടു​ത്ത​ലു​ക​ൾ, കേ​ട്ടു​ത​ഴ​ന്പി​ച്ച ക​ഥ​ക​ൾ പി​ന്നെ കൊ​ച്ചു​ണ്ണി​യോ​ടു​ള്ള ആ​രാ​ധ​ന ഈ ​മൂ​ന്നു ഘ​ട​ക​ങ്ങ​ളാ​ണ് മ​ല​യാ​ളി​ക​ളെ കാ​യം​കു​ളം കൊ​ച്ചു​ണ്ണി​യെ​ന്ന സി​നി​മ കാ​ണാ​ൻ പ്രേ​രി​പ്പി​ക്കു​ക​യെ​ന്ന് ഉ​റ​പ്പ്.

വീ​രാ​രാ​ധ​ന ഒ​ട്ടും ചോരാതെയാണ് നി​വി​ൻ കൊ​ച്ചു​ണ്ണി​യു​ടെ നി​ഷ്ക​ള​ങ്ക​ത ബി​ഗ് സ്ക്രീ​നി​ൽ പകർന്നാടിയിരിക്കുന്നത്. സിനിമ പുരോഗമിക്കും തോറുമാണ് നി​ഷ്ക​ള​ങ്ക​ത​യ്ക്കു​ള്ളി​ൽ ഒ​ളി​പ്പി​ച്ച വീ​ര​നെ കൊ​ച്ചു​ണ്ണി പുറത്തെടുക്കാൻ തുടങ്ങുന്നത്. കൊച്ചുണ്ണിയുടെ വീരകഥകൾ പറയുന്പോഴും സിനിമ രൗദ്രഭാവത്തിലേക്ക് പോകാതെ സംവിധായകൻ പൊതിഞ്ഞു പിടിക്കുകയായിരുന്നു.

ബാ​ല്യ​വും ക​ട​ന്ന് യൗ​വ​ന​ത്തി​ലേ​ക്ക് എ​ത്തി​യ കൊ​ച്ചു​ണ്ണി​യി​ൽ ക​ള്ള​നാ​കാ​തി​രി​ക്കാ​നു​ള്ള വ്യ​ഗ്ര​ത വേ​ണ്ടു​വോ​ളം ഉ​ണ്ടാ​യി​രു​ന്നു. പിന്നീട് എങ്ങനെയാണ് കൊച്ചുണ്ണി കള്ളനായതെന്ന് സംവിധായകൻ കൃത്യമായി കാട്ടിത്തരുന്നുണ്ട്. അക്കാലത്ത് നിലനിന്നിരുന്നു നാടുവാഴികളുടെ ദുർനടപ്പെല്ലാം സ്ക്രീനിൽ കൃത്യമായി സംവിധായകൻ അടയാളപ്പെടുത്തിയിട്ടുണ്ട്.

സു​ധീ​ർ ക​ര​മ​ന​യും ഇ​ട​വേ​ള ബാ​ബു​വും സു​നി​ൽ സു​ഖദയും ഉ​യ​ർ​ന്ന ജാ​തി​ക്കാ​രു​ടെ ജാ​ള്യ​ത്ത​ര​ങ്ങ​ൾ മനോഹരമായി പകർന്നാടി. ഒരു ഉഷാറ് കുറവുണ്ടല്ലോ എന്ന തോന്നൽ പ്രേക്ഷകന് തോന്നിത്തുടങ്ങുന്പോഴാണ് സ്ക്രീൻ വിഴുങ്ങിക്കൊണ്ട് “അവതാരം’ രംഗപ്രവേശനം ചെയ്യുന്നത്. പിന്നെ തീയറ്ററുകൾ പൂരപ്പറന്പാവുകയായിരുന്നു.

സാക്ഷാൽ ഇത്തിക്കര പക്കിയായി മോഹൻലാൽ എത്തുന്നതോടെയാണ് കൊച്ചുണ്ണിക്ക് അധിക ഊർജം കൈവരുന്നത്. പക്കിയായി താരരാജവ് സ്ക്രീൻ കൈയടക്കിയാണ് ഒന്നാം പകുതി അവസാനിക്കുന്നത്. കൊ​ച്ചു​ണ്ണി​ക്ക് ഉൗ​ർ​ജം പ​ക​ർ​ന്നുള്ള പ​ക്കി​യു​ടെ തേ​രോ​ട്ടം കാ​ണേ​ണ്ട​തു ത​ന്നെ​യാ​ണ്.

നി​വി​നും മോ​ഹ​ൻ​ലാ​ലും ഒ​ന്നി​ച്ചു​ള്ള രം​ഗ​ങ്ങ​ൾ​ക്ക് പ്രേ​ക്ഷ​കരിൽ ആവേശം നിറയ്ക്കുന്ന പ​ശ്ചാ​ത്ത​ല സം​ഗീ​തം കൂ​ടി ഗോ​പി​ സു​ന്ദ​ർ ന​ൽ​കി​യ​തോ​ടെ ചി​ത്രം അ​തി​വേ​ഗം കുതിച്ചു തുടങ്ങു. കൊ​ച്ചു​ണ്ണി​യെ കാ​യം​കു​ളം കൊ​ച്ചു​ണ്ണി​യാക്കി മാ​റ്റി പ​ക്കി പി​ൻ​വാ​ങ്ങു​ന്ന​തോ​ടെയാണ് നിവിൻ കൂടുതൽ ഊർജസ്വലനാകുന്നത്.

ഉ​യ​ർ​ന്ന ജാ​തി​ക്കാ​രു​ടെ പേ​ടി​സ്വ​പ്ന​മാ​യി, പാ​വ​ങ്ങ​ളു​ടെ പടത്തലവനായി കൊ​ച്ചു​ണ്ണി മാ​റു​ന്ന​തോ​ടെ ചി​ത്രം ഗൗ​ര​വഭാ​വ​ത്തി​ലേ​ക്ക് എത്തും. ഇ​തി​നി​ട​യി​ലും ചി​രി​ വഴിയൊരുക്കാൻ സംവിധായകൻ ശ്രദ്ധിച്ചിട്ടുണ്ട്. ജൂ​ഡ് ആ​ന്‍റ​ണി ബ്രാ​ഹ്‌മ​ണ​നാ​യി എ​ത്തി ഇ​ത്തി​രി നേ​രംകൊ​ണ്ട് പ്രേ​ക്ഷ​ക​രെ ആ​വോ​ളം ര​സി​പ്പി​ച്ചാ​ണ് മി​ന്നിമ​റ​യു​ന്ന​ത്. ആദ്യ പകുതിയിലെ പ്രണയഭാവം വിട്ട് നായിക പ്രിയ ആനന്ദ് രണ്ടാം പകുതിയിൽ മറ്റൊരു പരിവേഷത്തിലേക്ക് എത്തുന്നതും കാണേണ്ട കാഴ്ചയാണ്.

കൊ​ച്ചു​ണ്ണി​യു​ടെ ചു​റ്റി​ലും ച​തി​ക്കു​ഴി​ക​ൾ രൂ​പ​പ്പെ​ടു​ന്ന​തോ​ടെ ഏ​തൊ​രു മ​നു​ഷ്യ​നി​ലും സ്വാ​ർ​ഥ​ത ഉ​ട​ലെ​ടു​ക്കു​മെ​ന്ന് സം​വി​ധാ​യ​ക​ൻ കാ​ട്ടി​ത്ത​രു​ന്നു​ണ്ട്. സം​ഘട്ടന രം​ഗ​ങ്ങ​ളി​ലെ​ല്ലാം ത​ഴ​ക്കം വ​ന്ന അ​ഭ്യാ​സി​യെപ്പോലെ നി​വി​ൻ നി​റ​ഞ്ഞു നി​ൽ​ക്കു​കയാണ്. സം​ഘ​ട്ടന​ രം​ഗ​ങ്ങ​ൾ അ​ണി​യി​ച്ചാ​രു​ക്കി​യ​വ​രെ എ​ത്രത​ന്നെ അ​ഭി​ന​ന്ദി​ച്ചാ​ലും മ​തി​യാ​വി​ല്ല. പ്ര​ത്യേ​കി​ച്ചും ക്ലൈ​മാ​ക്സി​ലെ സം​ഘ​ട്ട​ന രം​ഗ​ങ്ങ​ൾ.

ക​ഥ​പ​റ​ച്ചി​ലി​നി​ട​യി​ലും പി​ന്നീ​ട് ആ​വേ​ശത്തിമി​ർ​പ്പി​നി​ട​യി​ലും മി​ഴി​വു​ള്ള കാ​ഴ്ച​ക​ൾകൊ​ണ്ട് ബി​ഗ്സ്ക്രീ​നി​നെ സ​ന്പ​ന്ന​മാ​ക്കി ഛായാ​ഗ്രാ​ഹ​കരാ​യ ബി​നോ​ദ് പ്ര​ദ​നും നീ​ര​വ് ഷാ​യും സു​ധീ​റും കാ​യം​കു​ളം കൊ​ച്ചു​ണ്ണി​യു​ടെ ഓ​ർ​മ​ പു​തു​ക്ക​ലി​ന് മി​ഴി​വേ​കി.

ക്ലൈ​മാ​ക്സിൽ ത​ങ്ങ​ളാ​യി എ​ത്തി​യ ബാ​ബു ആ​ന്‍റ​ണി​യു​ടെ പ്ര​ക​ട​നം പ്രേ​ക്ഷ​ക​രെ ആ​വേ​ശ കൊ​ടു​മു​ടി​യി​ൽ എ​ത്തി​ക്കു​ന്നു​ണ്ട്. കേ​ശ​വ​നാ​യി എ​ത്തി സ​ണ്ണി വെ​യ്ൻ ത​നി​ക്ക് കി​ട്ടി​യ പ്ര​തി​നാ​യ​ക വേ​ഷം കൈ​യ​ട​ക്ക​ത്തോ​ടെ കൈകാര്യം ചെയ്തു.

കൊ​ച്ചു​ണ്ണി​ക്ക് ആ​രേ​യും ആ​വേ​ശ​ത്തി​ലേ​ക്ക് ഉ​യ​ർ​ത്താ​നു​ള്ള എ​ന്തോ ഒ​രു മാ​ന്ത്രി​ക​ത​യു​ണ്ട്. ആര് കൊച്ചുണ്ണിയുടെ വേഷമിട്ടാലും ആ ​മാ​ന്ത്രി​ക​ത​യു​ടെ ഒ​രു അം​ശം അ​യാ​ളി​ലേ​ക്കും പ്ര​വേ​ശി​ക്കും. ഇ​വി​ടെ നി​വി​നും ആ ​മാ​ന്ത്രി​ക​ത കൈ​മാ​റിക്കിട്ടി​യിട്ടുണ്ട്.

വി.​ശ്രീ​കാ​ന്ത്

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS