പാലക്കാട്: നരേന്ദ്രമോദി സർക്കാരിനെതിരായ ജനവികാരം രാജ്യവ്യാപകമായി ആളിക്കത്തുകയാണെന്നു കെ പി സി സി വർക്കിംഗ് പ്രസിഡന്റ് കൊടിക്കുന്നിൽ സുരേഷ് എം പി പറഞ്ഞു. പാലക്കാട് ജില്ലാ കോണ്ഗ്രസ് നേതൃത്വ യോഗം ഉദ്ഘാടനം ചെയ്യുകയായിരുന്നു അദ്ദേഹം.
ബിജെ പി ക്കെതിരെ മറ്റെല്ലാ ജനാധിപത്യ മതേതരത്വ പാർട്ടികളും അണിനിരക്കുന്നതിൽ കടുത്ത അസഹിഷ്ണുതയാണ് നരേന്ദ്രമോദി കാണിക്കുന്നത്. രാഷ്ട്രീയ ലാഭത്തിനായി സുപ്രീംകോടതിയെവരെ തെറ്റിദ്ധരിപ്പിക്കുന്ന പിണറായി സർക്കാർ ജനങ്ങളുടെ മുന്നിൽ അപഹാസ്യരായി തീർന്നുവെന്ന് കൊടിക്കുന്നിൽ സുരേഷ് കൂട്ടിച്ചേർത്തു.
ഡി സി സി പ്രസിഡന്റ് വി കെ ശ്രീകണ്ഠൻ അധ്യക്ഷനായിരുന്നു.നേതാക്കളായ വി എസ് വിജയരാഘവൻ, സി വി ബാലചന്ദ്രൻ, സി ചന്ദ്രൻ, സി പി മുഹമ്മദ്, എ രാമസ്വാമി, വി സി കബീർ, കെ എ തുളസി, സി എച്ച് ഷൗക്കത്തലി, പി വി രാജേഷ്, കെ എസ് ബി എ തങ്ങൾ, എം ആർ രാമദാസ്, കെ ഗോപിനാഥ്, വി കെ പി വിജയനുണ്ണി, ബാബു നാസർ എന്നിവർ പ്രസംഗിച്ചു.