തിരുവനന്തപുരം: കുംഭമേള വൈറല് താരത്തിന്റെ വിവാഹത്തിലെ പ്രായം സംബന്ധിച്ച കേസില് സംസ്ഥാന പോലീസ് മേധാവി റവാഡ ചന്ദ്രശേഖര് നാളെ ദേശീയ എസ് സി എസ് ടി കമ്മീഷന് മുന്പാകെ നേരിട്ട് ഹാജരായി റിപ്പോര്ട്ട് സമര്പ്പിക്കും.
നേരത്തെ കമ്മീഷന് ഈ വിഷയത്തില് നേരിട്ടു ഹാജരായി റിപ്പോര്ട്ട് സമര്പ്പിക്കാന് ഡിജിപിക്ക് കമ്മീഷന് നിര്ദേശം നല്കിയിരുന്നു. പെണ്കുട്ടിയുടെ ജനന രേഖകള് പരിശോധിച്ചപ്പോള് പ്രായപൂര്ത്തിയായെന്നു കണ്ടെത്തിയിരുന്നതായി അദ്ദേഹം കമ്മീഷനെ അറിയിക്കും.
പെണ്കുട്ടിക്ക് പ്രായപൂര്ത്തിയാകാതെ വിവാഹം നടത്തിയെന്ന മാതാപിതാക്കളുടെ പരാതിയില് മധ്യപ്രദേശ് പോലീസ് പെണ്കുട്ടിയുടെ ഭര്ത്താവിനെതിരെ പോക്സോ വകുപ്പ് പ്രകാരം കേസെടുത്തിരുന്നു. ഈ സംഭവത്തില് പെണ്കുട്ടിയുടെ പിതാവ് മുന്പ് തമ്പാനൂര് പോലീസില് പരാതി നല്കിയിരുന്നു.
