കൊച്ചി: ഐതിഹാസിക തിരിച്ചുവരവ് യുഡിഎഫിനുണ്ടാകുമെന്ന് പ്രതിപക്ഷ നേതാവ് വി.ഡി സതീശന്. ജനങ്ങള് യുഡിഎഫിന്റെ തിരിച്ചുവരവിനായി കാത്തിരിക്കുന്നു. സര്ക്കാരിനെതിരേ ജനവികാരമുണ്ടെന്നും വി.ഡി. സതീശന് വ്യക്തമാക്കി. തദ്ദേശ തെരഞ്ഞെടുപ്പില് വോട്ട് രേഖപ്പെടുത്തിയതിനുശേഷം മാധ്യമപ്രവര്ത്തകരോടു സംസാരിക്കുകയായിരുന്നു അദ്ദേഹം.
ശബരിമലയ്ക്കുള്ളിലും ജനങ്ങള്ക്ക് അമ്പരപ്പുണ്ട്. സിപിഎം നേതാക്കളാണ് പ്രതികള്. ഉന്നത നേതാക്കളിലേക്ക് അന്വേഷണം പോകണമായിരുന്നു. എസ്ഐടിക്ക് മേലെ മുഖ്യമന്ത്രിയുടെ ഓഫീസിന്റെ സമ്മര്ദമുണ്ട്.
നിയമസഭാ തെരഞ്ഞെടുപ്പിന്റെയും തദ്ദേശ തെരഞ്ഞെടുപ്പിന്റെയും പാറ്റേണ് വ്യത്യാസം ഉണ്ട്. പക്ഷ, ഇവിടെ സൂചനയുണ്ടാകുമെന്നും അദ്ദേഹം പറഞ്ഞു. കൊച്ചി കോര്പറേഷനില് യുഡിഎഫ് ജയിക്കും. കേരളത്തിലെ ഭൂരിപക്ഷം ജില്ലാ പഞ്ചായത്തുകളും ജയിക്കും. ജയിക്കാത്ത മുനിസിപ്പാലിറ്റികള് വരെ ജയിക്കും.
രാഹുല് മാങ്കൂട്ടത്തില് വിഷയം കോണ്ഗ്രസിനെ ബാധിക്കില്ല. പ്രതിരോധത്തിലായത് സിപിഎം ആണ്. കോണ്ഗ്രസ് മാതൃകാപരമായ നടപടി സ്വീകരിച്ചു. സിപിഎം അറസ്റ്റ് നീട്ടിക്കൊണ്ടുപോകുന്നുവെന്നും അദ്ദേഹം പറഞ്ഞു.നടിയെ ആക്രമിച്ച കേസില് വന്നത് അവസാന വിധിയല്ല. സര്ക്കാര് അപ്പീലിന് പോകണം.
ഏത് തെളിവുകളുടെ അടിസ്ഥാനത്തിലാണ് ശിക്ഷിച്ചത് ഏത് തെളിവുകളുടെ അഭാവത്തിലാണ് ശിക്ഷിക്കാതിരുന്നത് എന്നത് വിധി വായിച്ചാലേ മനസിലാവൂ.ആളുകളെ വൈറ്റ് വാഷ് ചെയ്യുന്ന ജോലിയാണ് ഇപ്പോള് സോഷ്യല് മീഡിയയില്.
അതിജീവിതയ്ക്കെതിരായ സൈബര് ആക്രമണം ഇതിന്റെ ഭാഗമാണ്. സോഷ്യല് മീഡിയ അല്ല കാര്യങ്ങള് തീരുമാനിക്കുന്നതെന്നും സോഷ്യല് മീഡിയ ഇപ്പോള് ഒരു വില്പന ചരക്കാക്കി മാറ്റിയെന്നും പ്രതിപക്ഷ നേതാവ് വ്യക്തമാക്കി.
