വിദ്യാർഥികളെക്കൊണ്ട് അധ്യാപിക ക്ലാസ്മുറിയിൽ തന്റെ ശരീരം മസാജ് ചെയ്യുന്ന വീഡിയോ ആണിപ്പോൾ സോഷ്യൽ മീഡിയയിൽ വൈറലാകുന്നത്. ഉത്തർപ്രദേശിലെ ചിത്രകൂട് ജില്ലയിലാണ് സംഭവം. സ്കൂളിലെ പ്രധാനാധ്യാപികയായ മധുറായ് ആണ് കുട്ടികളെക്കൊണ്ട് മസാജ് ചെയ്യിപ്പിച്ചത്.
അധ്യാപിക ക്ലാസിൽ കമഴ്ന്ന് കിടക്കുകയാണ്. കിടന്നുകൊണ്ട്തന്നെ ക്ലാസിലെ പെൺകുട്ടികളോട് തന്റെ ദേഹമൊക്കെ മസാജ് ചെയ്ത് തരാൻ ടീച്ചർ ആവശ്യപ്പെട്ടു. തങ്ങളുടെ ടീച്ചർ പറഞ്ഞതല്ലേ, ധിക്കരിക്കാൻ പാടില്ലല്ലോ എന്ന് കരുതി കുട്ടികളെല്ലാവരും മാറി മാറി അധ്യാപികയ്ക്ക് മസാജ് ചെയ്ത് നൽകി.
പെൺകുട്ടികളെക്കൊണ്ട് തന്റെ ശരീരം ചവിട്ടിത്തിരുമ്മിപ്പിക്കുന്നത് വീഡിയോയിൽ കാണാം. മൊബൈല് ഫോണ് നോക്കിക്കൊണ്ട് അധ്യാപിക നിലത്ത് കിടക്കുകയാണ്. 23 സെക്കന്റ് മാത്രം ദൈര്ഘ്യമുള്ള വിഡിയോയില് അഞ്ചാംക്ലാസ് വിദ്യാര്ഥിനികളാണുള്ളത്.
ടീച്ചർ മിക്ക ദിവസങ്ങളിലും തങ്ങളെക്കൊണ്ട് ഇങ്ങനെ ചെയ്യിക്കാറുണ്ടെന്ന് കുട്ടികൾ പരാതി പറഞ്ഞു. കുട്ടികളുടതുടര്ന്ന് അധ്യാപികയെ സസ്പെന്റ് ചെയ്തത്. എന്നാല് എഐ സാങ്കേതിക വിദ്യയിലൂടെ നിര്മിച്ചതാണ് ഈ വിഡിയോ എന്നാണ് മധുറായിയുടെ വിശദീകരണം.
