സിംഗപ്പൂർ: വിമാനത്തിനുള്ളില്‍വച്ച് എയര്‍ഹോസ്റ്റസിനോട് അപമര്യാദയായി പെരുമാറിയ ഇന്ത്യന്‍ വംശജന് ജയിൽ ശിക്ഷ. സിംഗപ്പൂര്‍ എയര്‍ലൈന്‍സില്‍ സഞ്ചരിക്കവേ എയർഹോസ്റ്റസിനോട് അപമര്യാദയായി പെരുമാറിയ നിരഞ്ജന്‍ ജയന്തിനെയാണ് സിംഗപ്പൂർ കോടതി മൂന്ന് ആഴ്ചത്തെ തടവിന് ശിക്ഷിച്ചത്.
ഓസ്ട്രേലിയയിൽ സ്ഥിരതാമസമായ നിരഞ്ജനെതിരെ നിരവധി വകുപ്പുകൾ ചുമത്തിയാണ് സിംഗപ്പൂർ പോലീസ് കേസെടുത്തിരിക്കുന്നത്. ഇതിൽ ഒരു കുറ്റത്തിനാണ് കോടതി ശിക്ഷ വിധിച്ചിരിക്കുന്നത്. വിമാനത്തില്‍ സഞ്ചരിക്കവേ എയര്‍ ഹോസ്റ്റസിന്‍റെ മൊബൈല്‍ നമ്പര്‍ പതവണ ആവശ്യപ്പെട്ടിട്ടും നല്‍കാത്തതിനെ തുടര്‍ന്ന് നിരഞ്ജൻ ഇവരെ അപമാനിക്കുകയായിരുന്നു.
കഴിഞ്ഞ ഓഗസ്റ്റിൽ സിഡ്നിയിൽനിന്ന് സിംഗപ്പൂരിലേക്കുള്ള യാത്രക്കിടെയാണ് സംഭവം. എയർഹോസ്റ്റസ് സഹപ്രവർത്തകർ മുഖേനെയാണ് പോലീസിൽ പരാതിനൽകിയത്. അതേസമയം മദ്യ ലഹരിയില്‍ ആയിരുന്നു താനെന്ന് നിരഞ്ജൻ പറഞ്ഞു.
