ഭക്ഷണം ഏതായാലും അല്പ്പം എരിവും പുളിയുമില്ലെങ്കില് അത് അതിന്റെ രുചിയെത്തന്നെ ബാധിക്കും. എന്നാല് എരിവിത്തിരി കൂടിയാലോ, കണ്ണില് നിന്നും മൂക്കില് നിന്നും വെള്ളം വന്ന്, മുഖമാകെ ചുവന്ന് ഒരുപരുവമാകും. അറിയാതെ ഒരു മുളകോ മറ്റോ കടിച്ചുപോയാല് ഉണ്ടാകുന്ന പരവേശവും വെപ്രാളവും അതിലുമധികമാണ്. എന്നാല് മധ്യപ്രദേശിലെ പ്യാരി മോഹന്റെ ആകെയുള്ള ഭക്ഷണം തന്നെ മുളകാണ്. ദിവസം മൂന്നുകിലോ മുളകാണ് പ്യാരി മോഹന്റെ ഭക്ഷണം. എല്ലാതരത്തിലുമുള്ള മുളകുകളും ഈ 40കാരന് പ്രിയം തന്നെ. പച്ചമുളകും, ചുവന്ന മുളകും, കുരുമുളകും, മുളകുപൊടിയും മോഹന്റെ പ്രിയ വിഭവങ്ങള് തന്നെ. ഉച്ചഭക്ഷണത്തിന് ചോറിന് പകരം പച്ചക്കറിയും പഴങ്ങളും കഴിക്കുന്നവരെ പോലെ, വലിയ പ്ലേറ്റ് നിറയെ പച്ചമുളകും ചുവന്ന മുളകും വെച്ച് ആര്ത്തിയോടെ കഴിക്കുന്ന പ്യാരിക്ക് പ്രോത്സാഹനവുമായി നാട്ടുകാര് ചുറ്റുമുണ്ട്. എന്നാല് ഇതുവരെ വയറിന് എന്തെങ്കിലും പ്രശ്നങ്ങളോ, മറ്റെന്തെങ്കിലും അസുഖങ്ങളോ ഇദ്ദേഹത്തിന് ഉണ്ടായിട്ടില്ല എന്നതും അത്ഭുതാവഹമാണ്. ഏതായാലും ഈ മുളകുതീറ്റ പ്യാരിയെ നാട്ടിലെ ഒരു സെലിബ്രിറ്റി തന്നെയാക്കി മാറ്റിയിരിക്കുകയാണ്.
Related posts
പാമ്പ് പുലിയാണ് കേട്ടോ! ഓടുന്ന കാറിന്റെ അടിയിൽ തൂങ്ങിക്കിടക്കുന്ന പാമ്പ്; ഞെട്ടിക്കുന്ന വൈറൽ വീഡിയോ
അതിവേഗത്തിൽ പായുന്ന കാറിൻ്റെ അടിയിൽ പാമ്പ് തൂങ്ങിക്കിടക്കുന്ന ദൃശ്യങ്ങളാണ് ഇന്റർനെറ്റിൽ ഇപ്പോൾ ശ്രദ്ധ നേടുന്നത്. വീഡിയോയിൽ കാറിന്റെ താഴത്തെ ഭാഗത്ത് തൂങ്ങിക്കിടക്കുന്ന വലിയ...വെയിലേൽക്കാതെ… ട്രാഫിക് സിഗ്നലുകളിൽ ഗ്രീൻ റൂഫ്; പോണ്ടിച്ചേരിയിൽ നിന്നുള്ള വൈറൽ വീഡിയോയ്ക്ക് പ്രതികരണവുമായി നെറ്റിസൺസ്
വേനൽക്കാലത്ത് മരങ്ങൾ ഇല്ലാത്ത തുറസ്സായ തെരുവുകളിലൂടെയുള്ള സവാരി യാത്രക്കാരെ തളർത്തുന്നു. പ്രത്യേകിച്ച് ഉച്ചസമയത്തെ ചൂട് യാത്രകൾക്ക് തടസമാകും. പാതയോരങ്ങളിൽ വളരുന്ന മരങ്ങൾ...പൂച്ചകളെ രാത്രിയിൽ തട്ടിക്കൊണ്ടുപോയി ചാക്കിൽ നിറച്ച് ബിരിയാണി കടകളിൽ വിൽക്കുന്നു; വെളിപ്പെടുത്തലുമായി മൃഗസ്നേഹി
തെരുവ് മൃഗങ്ങൾക്ക് നഗരം എത്രത്തോളം സുരക്ഷിതമല്ലെന്ന് പ്രാദേശിക മാധ്യമങ്ങളോട് സംസാരിക്കുന്ന മൃഗസ്നേഹി, വഴിയോരങ്ങളിൽ കാണുന്ന പൂച്ചകളുടെ അവസ്ഥയെ കുറിച്ച് തുറന്നു പറയുകയാണ്....