തനിക്ക് കിട്ടുന്ന സമ്മാനങ്ങൾ പാവപ്പെട്ടവർക്ക് നൽകാനുള്ള തീരുമാനമെടുത്ത് മയൂർ ഷിൽഖേ.
സമ്മാനം തരാൻ ആഗ്രഹിക്കുന്നവർ അത് ചെക്കായോ പണമായോ നൽ‌കിയാൽ ആ അമ്മയെയും കുഞ്ഞിനെയും പോലെ കഷ്ടപ്പെട്ടുന്നവർക്ക് കൈമാറാൻ കഴിയുമെന്നും മയൂർ പറയുന്നു.
തനിക്ക് റെയിൽവേ സമ്മാനിച്ച 50,000 രൂപയുടെ പകുതി കണ്ണുകാണാത്ത ആ അമ്മയ്ക്കും രക്ഷിച്ച കുട്ടിയ്ക്കും നൽകുമെന്ന് മയൂർ വ്യക്തമാക്കി.
മയൂരിന് മഹീന്ദ്ര ഥാർ സമ്മാനം നൽകുമെന്ന് ആനന്ദ് മഹീന്ദ്ര അറിയിച്ചിരുന്നു. ജാവ മോട്ടോർ സൈക്കിൾ തങ്ങളുടെ പുതിയ വാഹനം മയൂറിന് നൽകുമെന്ന് പ്രഖ്യാപിച്ചിട്ടുണ്ട്.
റെയിൽവേ ട്രാക്കിൽ നിന്നും കുട്ടിയെ രക്ഷിച്ച വീഡിയോയാണ് മയൂറിനെ പ്രശസ്തനാക്കിയത്.
അമ്മയ്ക്കൊപ്പം സ്റ്റേഷനിലൂടെ നടന്നുപോവുകയായിരുന്ന കുട്ടി പെട്ടെന്ന് ട്രാക്കിലേക്ക് വീണു.
ഈ കാഴ്ച കണ്ട് ട്രാക്കിലൂടെ വാൻഗണി റെയിൽവേ സ്റ്റേഷനിൽ പോയിന്‍റ്സ്മാനായി ജോലി ചെയ്യുന്ന മയൂർ ഷിൽഖേ ഓടിയെത്തി കുഞ്ഞിനെ ഫ്ലാറ്റ്ഫോമിലേക്ക് പിടിച്ചുകയറ്റുകയായിരുന്നു.
ഈ സമയം ട്രെയിൻ തൊട്ടടുത്തെത്തുകയും ചെയ്തു. മുംബൈയിലെ വാൻഗണി റെയിൽവേ സ്റ്റേഷനിലെ സിസിടിവി ദൃശ്യം റെയിൽവേ മന്ത്രി പീയുഷ് ഗോയൽ ട്വിറ്ററിൽ ഷെയർ ചെയ്തതോടെ മയൂറിനെത്തോടെ അഭിനന്ദനങ്ങളുടെ പെരുമഴയായിരുന്നു.
