യു​വാ​വി​ന്‍റെ ദു​സ്വ​ഭാ​വം ഭാ​ര്യ​യോ​ട് പ​റ​ഞ്ഞ​തി​ലെ വൈ​രാ​ഗ്യം; അ​മ്മ​യെ​യും മ​ക​നെ​യും വീ​ടു​ക​യ​റി ആ​ക്ര​മി​ച്ച​വ​ർ അ​റ​സ്റ്റി​ൽ

കാ​ട്ടാ​ക്ക​ട : അ​മ്മ​യെ​യും മ​ക​നെ​യും വീ​ടുക​യ​റി ആ​ക്ര​മി​ച്ച കേ​സി​ൽ പ്ര​തി​ക​ൾ പി​ടി​യി​ൽ. മ​ല​യി​ൻ​കീ​ഴ് മേ​പ്പൂ​ക്ക​ട കോ​ള​ച്ചി​റ മേ​ലെ പു​ത്ത​ൻ​വീ​ട്ടി​ൽ സ​ജീ​വി​നെ​യും അ​മ്മ​യെ​യും വീ​ടു​ക​യ​റി ആ​ക്ര​മി​ച്ച കേ​സി​ലാ​ണ് സ​ഹോ​ദ​ര​ങ്ങ​ളാ​യ പ്ര​തി​ക​ൾ പി​ടി​യി​ലാ​യ​ത്. മ​ല​യി​ൻ​കീ​ഴ് മേ​പ്പൂ​ക്ക​ട തേ​ജ​സ് ഭ​വ​നി​ൽ മ​നോ​ജ്, മ​ല​യി​ൻ​കീ​ഴ് പൂ​ക്ക​ട പോ​ള​ച്ചി​റ സീ​നാ​യി ഭ​വ​നി​ൽ മു​രു​ക​ൻ എ​ന്നി​വ​രെയാണ് കാട്ടാക്കട പോലീസ് അറസ്റ്റ് ചെയ്തത്.

കേ​സി​ലെ ഒ​ന്നാം പ്ര​തി​യാ​യ മ​ല​യി​ൻ​കീ​ഴ് മേ​പ്പൂ​ക്ക​ട ക​ണ്ണ​ൻ​കോ​ട് തേ​ജ​സ് ഭ​വ​നി​ൽ മ​നോ​ജ് എ​ന്ന് വി​ളി​ക്കു​ന്ന മ​ണി​ക​ണ്ഠ​ൻ രാ​ത്രി കാ​ല​ങ്ങ​ളി​ൽ സ്ഥി​ര​മാ​യി പ​രി​സ​ര​പ്ര​ദേ​ശ​ങ്ങ​ളി​ലെ വീ​ടു​ക​ളു​ടെ വാ​തി​ലി​ൽ മു​ട്ടു​ന്ന വി​വ​രം മ​നോ​ജി​ന്‍റെ ഭാ​ര്യ​യെ അ​റി​യി​ച്ച​തി​ലു​ള്ള വി​രോ​ധ നി​മി​ത്ത​മാ​ണ് മ​നോ​ജും സ​ഹോ​ദ​ര​ൻ മു​രു​ക​നും സ​ജീ​വി​നെ​യും അ​മ്മ​യെ​യും മ​ർ​ദി​ച്ച​ത് ക​ഴി​ഞ്ഞ ഞാ​യ​റാ​ഴ്ച​യാ​യി​രു​ന്നു സം​ഭ​വം.

കൂ​ട്ടു​കാ​രോ​ടൊ​പ്പം മു​ണ്ടു​കോ​ണം എ​ന്ന സ്ഥ​ല​ത്ത് ക്രി​ക്ക​റ്റ് ക​ളി​ക്കാ​ൻ പോ​യി മ​ട​ങ്ങി വ​രി​ക​യാ​യി​രു​ന്ന സ​ജീ​വി​നെ ഞാ​യ​റാ​ഴ്ച വൈ​കു​ന്നേ​രം നാ​ല​ര മ​ണി​യോ​ടു​കൂ​ടി പൂ​ങ്കോ​ട് ഭ​ജ​ന​മ​ട​ത്തി​ലേ​ക്ക് പോ​കു​ന്ന വ​ഴി​യി​ൽ ക​ണ്ണം​കോ​ട് പാ​ല​ത്തി​ന് സ​മീ​പം വ​ച്ച് മ​നോ​ജും മു​രു​ക​നും ക​ണ്ടാ​ല​റി​യാ​വു​ന്ന ര​ണ്ടുപേ​രും ചേ​ർ​ന്ന് ത​ട​ഞ്ഞു​നി​ർ​ത്തു​ക​യും അ​സ​ഭ്യം പ​റ​യു​ക​യും അ​വി​ടെ നി​ന്ന് മ​ര​ച്ചീ​നി ക​മ്പ് ഒ​ടി​ച്ചെ​ടു​ത്ത് സ​ജീ​വി​ന്‍റെ മു​തു​കി​ൽ അ​ടി​ക്കു​ക​യും അ​ടി​കൊ​ണ്ട് സ​ജീ​വ് ഓ​ടി വീ​ട്ടി​ലേ​ക്ക് ക​യ​റി​യ​പ്പോ​ൾ മ​നോ​ജും കൂ​ട്ട​രും പു​റ​കെ ഓ​ട്ടോ​റി​ക്ഷ​യി​ലും ബൈ​ക്കി​ലും പി​ന്തു​ട​ർ​ന്ന് വീ​ട്ടി​ൽ ക​യ​റി സ​ജീ​വി​നെ​യും അ​മ്മ​യെ​യും ജാ​ക്കി ലി​വ​റാ​യി ഉ​പ​യോ​ഗി​ക്കു​ന്ന ഇ​രു​മ്പ് ക​മ്പി​കൊ​ണ്ടും മ​ര​ച്ചീ​നി ക​മ്പു കൊ​ണ്ടും ആ​ക്ര​മി​ക്കു​ക​യാ​യി​രു​ന്നു.

സ​ജീ​വി​ന്‍റെയും അ​മ്മ​യു​ടെ​യും പ​രാ​തി​യു​ടെ അ​ടി​സ്ഥാ​ന​ത്തി​ൽ മ​ല​യി​ൻ​കീ​ഴ് പോ​ലീ​സ് കു​റ്റ​ക​ര​മാ​യ ന​ര​ഹ​ത്യ ശ്ര​മ​ത്തി​ന് കേ​സ് ര​ജി​സ്റ്റ​ർ ചെ​യ്തി രുന്നു.