അഭിനയത്തിനൊപ്പം സൗന്ദര്യം കൊണ്ടും മലയാളികളുടെ പ്രിയങ്കരിയായി മാറിയ താരമാണ് ഹണിറോസ്.
സമൂഹ മാധ്യമങ്ങളിലൂടെ താരം ഇടയ്ക്കിടെ പങ്കുവയ്ക്കാറുള്ള ചിത്രങ്ങള്‍ക്കും വീഡിയോകള്‍ക്കും ആരാധകർ ഏറെയാണ്.
ഇപ്പോളിതാ നടിയുടെ ഒരു ആരാധകനെ കുറിച്ച് പറഞ്ഞ കാര്യങ്ങളാണ് സോഷ്യല്‍മീഡിയയില്‍ ചര്‍ച്ചയാകുന്നത്. ഒരു ടെലിവിഷന്‍ പരിപാടിക്കിടെയായിരുന്നു നടിയുടെ വെളിപ്പെടുത്തല്‍.
തന്നെ നിരന്തരം ഫോണ്‍ ചെയ്യുന്നൊരു ആരാധകനെക്കുറിച്ചാണ് ഹണി റോസ് പറഞ്ഞത്. തമിഴ് നാട്ടിലുള്ള വ്യക്തിയാണ്. സ്ഥിരം വിളിക്കും.
തമിഴ് നാട്ടിലെ ഒരു ഗ്രാമ പ്രദേശത്തില്‍ നിന്നുളള വ്യക്തിയാണ്. അദ്ദേഹം പറയുന്നത് അവിടെയൊരു അമ്പലമുണ്ടാക്കിയിട്ടുണ്ട്, ആ അമ്പലത്തിലെ പ്രതിഷ്ഠ താന്‍ ആണെന്നുമാണ്- ഹണി റോസ് പറഞ്ഞു.
ആ ക്ഷേത്രം പോയി കണ്ടിട്ടുണ്ടോ എന്ന് അവതാരകന്‍ ചോദിക്കുമ്പോള്‍ കണ്ടിട്ടില്ലെന്നാണ് താരത്തിന്‍റെ മറുപടി. പിന്നാലെ ഇതെനിക്ക് ട്രോള് കിട്ടാനുള്ള പരിപാടിയാകാന്‍ എല്ലാ സാധ്യതയുമുണ്ടെന്നും ഹണി റോസ് പറയുന്നുണ്ട്.
നേരത്തെ ഖുശ്ബുവിന്‍റെ അടക്കമുള്ള താരങ്ങളുടെ പേരിൽ ആരാധ കർ തമിഴ്നാട്ടിൽ ക്ഷേത്രം പണിതിരുന്നു
വിനയന്‍ സംവിധാനം ചെയ്ത ബോയ്ഫ്രണ്ട് എന്ന സിനിമയിലൂടെ ആയിരുന്നു ഹണി റോസിന്‍റെ വെള്ളിത്തിരയിലേക്കുള്ള അരങ്ങേറ്റം.
മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും നിരവധി ചിത്രങ്ങളില്‍ ഹണി റോസ് അഭിനയിച്ചു.
അഭിനയ പ്രാധാന്യമുളള റോളുകള്‍ക്കൊപ്പം ഗ്ലാമറസ് വേഷങ്ങളിലും ഹണി റോസ് തിളങ്ങി. മലയാളത്തില്‍ ട്രിവാന്‍ഡ്രം ലോഡ്ജ് ഉള്‍പ്പെടെയുളള ചിത്രങ്ങളിലൂടെയാണ് നടി ശ്രദ്ധേയയായത്.
മോഹന്‍ലാല്‍ നായകനായ മോണ്‍സ്റ്ററാണ് ഹണി റോസിന്‍റെ ഇനി പുറത്തിറങ്ങാനുള്ള മലയാള ചിത്രം.
തെലുങ്കിൽ നന്ദമൂരി ബാലകൃഷ്ണയുടെ ചിത്രത്തിലും തമിഴില്‍ പട്ടാംപൂച്ചി എന്ന ചിത്രത്തിലും ഹണി ഇപ്പോള്‍ നായികയായി അഭിനയിച്ചുവരികയാണ്.
