ന്യൂഡൽഹി: ഉത്സവാഘോഷങ്ങൾക്കിടെ കോവിഡിന് എതിരായ ജാഗ്രത ഒട്ടും കുറയരുതെന്ന് പ്രധാനമന്ത്രി നരേന്ദ്ര മോദി.
പ്രതിമാസ റേഡിയോ പ്രഭാഷണ പരിപാടിയായ മൻ കി ബാത്തിലാണ് പ്രധാനമന്ത്രി ഇക്കാര്യം ഓർപ്പെടുത്തിയത്.
മുൻ വർഷങ്ങളിലെ ദുർഗ പൂജയിലും ദസറയിലും നിരവധി ആളുകൾ തടിച്ചുകൂടിയിരുന്നു. എന്നാൽ ഇത്തവണ അത് സംഭവിച്ചില്ല.
ഇനിയും നിരവധി ഉത്സവങ്ങൾ ആഘോഷിക്കേണ്ടതുണ്ട്. നിയന്ത്രണങ്ങളോടെ വേണം ഇതെല്ലാമെന്നും പ്രധാനമന്ത്രി ആവശ്യപ്പെട്ടു.
ഉത്സവാഘോഷങ്ങൾക്കിടെ വിപണിയിൽനിന്ന് സാധനം വാങ്ങുമ്പോൾ പ്രാദേശിക ഉത്പന്നങ്ങൾക്ക് മുൻഗണന നൽകണം.
എല്ലാ ആഘോഷങ്ങളിലും നമ്മുടെ ധീരസൈനികരെയും ഓർക്കണം. അവരെ ബഹുമാനിക്കുന്നതിനായി ജനങ്ങൾ വീട്ടിൽ വിളക്ക് കത്തിക്കണമെന്നും പ്രധാനമന്ത്രി ആവശ്യപ്പെട്ടു.
