ചെന്നൈ: അടുത്തിടെ വിവാഹിതരായ തെന്നിന്ത്യൻ താരദന്പതികളായ നയൻതാരയ്ക്കും വിഘ്നേഷ് ശിവനും ഒടിടി പ്ലാറ്റ്ഫോമായ നെറ്റ്ഫ്ളിക്സിന്‍റെ നോട്ടീസ്. താരദന്പതികളുടെ വിവാഹത്തിന്‍റെ സംപ്രേഷണാവകാശം സ്വന്തമാക്കിയ കന്പനി കരാർലംഘനത്തെത്തുടർന്ന് മുടക്കിയ പണം തിരികെയാവശ്യപ്പെട്ട് നോട്ടീസ് നൽകുകയായിരുന്നു.
ചെന്നൈ മഹാബലിപുരത്തെ ഷെറാട്ടണ്‍ ഗ്രാൻഡ് റിസോർട്ടിൽ നടന്ന വിവാഹത്തിന് 25 കോടിയോളം രൂപ ചെലവു വന്നിരുന്നു.
അത്യാർഭാടപൂർവം നടന്ന വിവാഹത്തിൽ ആശംസകളർപ്പിക്കാൻ ചലച്ചിത്രമേഖലയിലെ പ്രമുഖരെല്ലാം എത്തിയെങ്കിലും ചിത്രങ്ങൾ പകർത്താൻ ആർക്കും അനുമതി നൽകിയിരുന്നില്ല.
ഒരുമാസത്തിനുശേഷം വിവാഹച്ചിത്രങ്ങൾ വിഘ്നേഷ് ശിവൻ തന്‍റെ സമൂഹമാധ്യമ അക്കൗണ്ടുകളിലൂടെ പ്രസിദ്ധീകരിച്ചതാണ് നെറ്റ്ഫ്ളിക്സിനെ ചൊടിപ്പിച്ചത്.
വിവാഹവേദിയുടെ രൂപകലപ്ന, പഞ്ചനക്ഷത്രഹോട്ടലിലെ അതിഥികളുടെ താമസം, സുരക്ഷ, ഭക്ഷണം ഉൾപ്പെടെ യുള്ള സംവിധാനങ്ങൾക്കു പണം ചെലവഴിച്ചത് നെറ്റ്ഫ്ളിക്സ് ആയിരുന്നുവെന്നാണ് റിപ്പോർട്ടുകൾ.
