കോട്ടയം: പുസ്തകങ്ങളുടെ വ്യാജ പിഡിഎഫ് പതിപ്പുണ്ടാക്കി സമൂഹമാധ്യമങ്ങളിലൂടെ വില്പ്പന നടത്തിയ കേസില് പ്രതി അറസ്റ്റില്. മലപ്പുറം പള്ളറപ്പറമ്പ് സ്വദേശിയായ പള്ളറ തെക്കേക്കണ്ടി വീട്ടില് പി.സി. ഹിബാത്തുല് റഹ്മാനെയാണ് കോട്ടയം ഈസ്റ്റ് പോലീസ് മലപ്പുറത്തുനിന്ന് അറസ്റ്റ് ചെയ്തത്.
ഡിസി ബുക്സിനുമാത്രം പകര്പ്പവകാശമുള്ള പുസ്തകങ്ങള് പിഡിഎഫ് ഫോര്മാറ്റിലേക്ക് മാറ്റി വ്യാജകോപ്പികള് നിര്മിക്കുകയും വാട്സ് ആപ്പ്, ഇന്സ്റ്റഗ്രാം തുടങ്ങിയ ഓണ്ലൈന് പ്ലാറ്റ്ഫോമുകള് വഴി വില്ക്കുകയുമായിരുന്നു പ്രതി. ഒ.വി. വിജയന്, ടി.ഡി. രാമകൃഷ്ണന്, ബഷീര്, ജോസഫ് അന്നംകുട്ടി ജോസ് തുടങ്ങി നിരവധി എഴുത്തുകാരുടെ പുസ്തകങ്ങളാണ് പ്രതി വിറ്റത്.
പകര്പ്പവകാശ ലംഘനം നടത്തുന്നവരെ നിയമപരമായി നേരിടുമെന്നും പുസ്തക പ്രസാധനമേഖലയെ തകര്ക്കുന്ന ഇത്തരം പ്രവര്ത്തനങ്ങള്ക്കെതിരെ ശക്തമായി മുന്നോട്ടുപോകുമെന്നും ഓള് കേരള ബുക്ക് സെല്ലേഴ്സ് ആൻഡ് പബ്ലിഷേഴ്സ് അസോസിയേഷന് ഭാരവാഹികള് പറഞ്ഞു.
