തിരുവനന്തപുരം: മുഖ്യമന്ത്രിയുടെ വസതിക്കു മുന്നില്‍ പ്രതിഷേധവുമായി സമരക്കാരെത്തിയതില്‍ പോലീസിനെതിരെ നടപടി. മ്യൂസിയം സിഐ, എസ്‌ഐ എന്നിവരെ സ്ഥലം മാറ്റി. അഞ്ച് ഉദ്യോഗസ്ഥരെ സസ്‌പെന്‍ഡ് ചെയ്തു.
കഴിഞ്ഞ ദിവസം രാത്രിയോടെയാണ് സംഭവം നടന്നത്. ക്ലിഫ്ഹൗസിന് മുന്‍പില്‍ യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധ മാര്‍ച്ച് സംഘടിപ്പിച്ചിരുന്നു. പ്രവര്‍ത്തകരെ പോലീസ് ബാരിക്കേഡ് ഉപയോഗിച്ചു തടഞ്ഞു.
ഇതിനിടെ പത്തോളം പ്രവര്‍ത്തകര്‍ പോലീസിന്‍റെ കണ്ണ് വെട്ടിച്ച് ക്ലിഫ് ഹൗസിന്‍റെ പരിസരത്തോക്ക് ഓടിക്കയറി. പിന്നീട് കൂടുതല്‍ പോലീസ് എത്തി ഇവരെ അറസ്റ്റ് ചെയ്തു നീക്കുകയായിരുന്നു. സംഭവത്തില്‍ മുഖ്യമന്ത്രി കമ്മീഷണറെയും ഡിസിപിയെയും വിളിച്ച് കാരണം തിരക്കിയിരുന്നു.
