കോഴിക്കോട്: പാട്ട് പാടാത്തതിനു വിദ്യാര്‍ഥിക്ക് സീനിയര്‍ വിദ്യാര്‍ഥികളുടെ മര്‍ദനം. ബോധരഹിതനായി വീണ വിദ്യാര്‍ഥിയെ കോഴിക്കോട് മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു.
ബാലുശേരി കരിയാത്തന്‍കാവ് ശിവപുരം ഗവ. ഹയര്‍ സെക്കന്‍ഡറി സ്‌കൂളിലെ പ്ലസ്‌വണ്‍ സയന്‍സ് വിദ്യാര്‍ഥി ഷാമിലിനാണ് (17) മര്‍ദനമേറ്റത്. ഇന്നലെ സ്‌കൂള്‍ ഗേറ്റില്‍ വച്ചായിരുന്നു ആക്രമണം.
പ്ലസ്ടു വിദ്യാര്‍ഥികള്‍ പാട്ടുപാടാന്‍ ആവശ്യപ്പെട്ടപ്പോള്‍ അതിനു വഴങ്ങാത്തതാണ് മര്‍ദനത്തിനു കാരണമെന്ന് രക്ഷിതാക്കള്‍ പറയുന്നു.
പ്ലസ്ടു വിദ്യാര്‍ഥികളാണ് മര്‍ദിച്ചതെന്നാണ് പരാതി. നേരത്തെയും പ്ലസ്ടു വിദ്യാര്‍ഥികള്‍ ഷാമിലിനെ ആക്രമിച്ചിട്ടുണ്ട്. റാഗിംഗിനു കേസെടുക്കണമെന്ന് പിതാവ് ആവശ്യപ്പെട്ടു. ഷാമിലിന് മുഖത്തും ശരീരത്തിലുമെല്ലാം മര്‍ദനമേറ്റ പാടുകളുണ്ട്.
