ഭോപ്പാൽ: മധ്യപ്രദേശിലെ ഗ്വാളിയറിൽ ശീതള മാതാ ക്ഷേത്രത്തിന് സമീപമുണ്ടായ ട്രക്ക് അപകടത്തിൽ മരിച്ചവരുടെ എണ്ണം 14 ആയി. അപകടത്തിൽ പരിക്കേറ്റവരെ സന്ദർശിക്കാൻ മധ്യപ്രദേശ് മന്ത്രി രാകേഷ് ശുക്ല ഗ്വാളിയറിലെ ട്രോമാ സെന്‍ററിലെത്തി.
സ്ഥിതിഗതികൾ സംസ്ഥാന സർക്കാർ സൂക്ഷ്മമായി നിരീക്ഷിച്ചുവരികയാണെന്നും പരിക്കേറ്റവർക്ക് കൃത്യമായ ചികിത്സ ഉറപ്പാക്കുന്നുണ്ടെന്നും അദ്ദേഹം പറഞ്ഞു. അപകടത്തിന്‍റെ കാരണം കണ്ടെത്താൻ വിശദമായ അന്വേഷണം പുരോഗമിക്കുകയാണെന്നും ഉത്തരവാദികളെന്ന് കണ്ടെത്തുന്നവർക്കെതിരെ നടപടിയുണ്ടാകുമെന്നും മന്ത്രി വ്യക്തമാക്കി. മുഖ്യമന്ത്രി സ്ഥിതിഗതികൾ നിരീക്ഷിച്ചുവരികയാണെന്നും പരിക്കേറ്റവർക്ക് മികച്ച ചികിത്സ ലഭ്യമാക്കാൻ സർക്കാർ ആവശ്യമായ നടപടികൾ സ്വീകരിച്ചിട്ടുണ്ടെന്നും രാകേഷ് ശുക്ല പറഞ്ഞു.
