ആംസ്റ്റർഡാം: നെതർലൻഡ്സ് പ്രധാനമന്ത്രിയായി റോബ് ജെറ്റൻ തെരഞ്ഞെടുക്കപ്പെട്ടു. രാജ്യത്തിന്റെ ചരിത്രത്തിലെ ഏറ്റവും പ്രായം കുറഞ്ഞ പ്രധാനമന്ത്രിയാണ് 38കാരനായ റോബ് ജെറ്റൻ.
സ്വന്തം പാർട്ടിയായ ഡെമോക്രാറ്റ്സ് 66 പാർട്ടി (ഡി66), പീപ്പിൾസ് പാർട്ടി ഫോർ ഫ്രീഡം ആൻഡ് ഡെമോക്രസി (വിവിഡി), ക്രിസ്ത്യൻ ഡെമോക്രാറ്റിക് അലയൻസ് (സിഡിഎ) എന്നീ പാർട്ടികൾ ചേർന്നുള്ള സഖ്യകക്ഷിസർക്കാരിന്റെ പ്രധാനമന്ത്രിയായി തെരഞ്ഞെടുക്കപ്പെട്ട റോബ് ഇന്നലെ സ്ഥാനമേറ്റു.
2017ൽ കേവലം ഒരു സീറ്റ് നേടിയ സ്ഥാനത്തുനിന്നാണ് തന്റെ ഡെമോക്രാറ്റ്സ് 66 പാർട്ടി (ഡി66) യെ കഴിഞ്ഞ ഒക്ടോബറിൽ നടന്ന തെരഞ്ഞെടുപ്പിൽ 26 സീറ്റ് നേടി നിർണായകശക്തിയാക്കി റോബ് ജെറ്റൻ മാറ്റിയത്. യൂറോപ്യൻ അനുകൂലിയായ ഇദ്ദേഹം സ്വവർഗാനുരാഗിയാണ്. ഒളിന്പിക് മെഡൽ ജേതാവും അർജന്റൈൻ ഹോക്കി താരുമായ നിക്കോളാസ് കീനാനാണു പങ്കാളി.
