ആലപ്പുഴ: സ്വാശ്രയ കോളജ് വിഷയത്തിൽ യുഡിഎഫും എൽഡിഎഫും പരസ്പര സഹായ മുന്നണിയായി പ്രവർത്തിക്കുകയാണെന്ന് ബിജെപി സംസ്‌ഥാന ജനറൽ സെക്രട്ടറി ശോഭാസുരേന്ദ്രൻ. സ്വാശ്രയ മാനേജുമെന്റുകളെ നിലയ്ക്കു നിർത്തുന്നതിനു പകരം അവരുമായി ഒത്തുതീർപ്പുണ്ടാക്കാനാണ് മുഖ്യമന്ത്രി ശ്രമിക്കുന്നത്. പുതിയ സർക്കാർ അധികാരത്തിലെത്തിയതിനുശേഷം സംസ്‌ഥാനത്തെ വിവിധ ജില്ലകളിലുണ്ടായ ദളിത് പീഡനങ്ങളെ കുറിച്ച് നിലപാട് വ്യക്‌തമാക്കാൻ സാംസ്കാരിക–സാഹിത്യ നായകർ തയാറാകണം. സംവിധായകൻ കമൽ സിപിഎമ്മിന്റെ നാക്കായി പ്രവർത്തിക്കുകയാണ്. ഉയർന്ന പദവി നല്കിയതിനു നന്ദി കാണിക്കുകയാണ് കമൽ ചെയ്യുന്നത്. ദേശീയഗാനത്തോട് അനാദരവു കാണിച്ച് ആർക്കും മുന്നോട്ടുപോകാനാകില്ല. ഈ വിഷയത്തിൽ ബിജെപി സംസ്‌ഥാന പ്രസിഡന്റ് വ്യക്‌തമാക്കിയതാണ് പാർട്ടിയുടെ നയം.
വ്യക്‌തിയെന്ന നിലയിൽ വിമർശനങ്ങളുന്നയിക്കാനുള്ള സ്വാതന്ത്ര്യം കമലിനെന്ന പോലെ എ.എൻ. രാധാകൃഷ്ണനുമുണ്ട്. അതേ സമയം പാക്കിസ്‌ഥാനിലേക്കു പോകണമെന്ന തരത്തിൽ പരാമർശം നടത്തിയിട്ടില്ലെന്നാണ് രാധാകൃഷ്ണൻ കഴിഞ്ഞദിവസം വ്യക്‌തമാക്കിയത്. പത്രസമ്മേളനത്തിന്റെ ക്ലിപ്പിംഗിൽനിന്നും ഇക്കാര്യം വ്യക്‌തമാകും
കേന്ദ്രസർക്കാർ പ്രഖ്യാപിച്ച പല പദ്ധതികളും പേരുമാറ്റി സംസ്‌ഥാനത്ത് നടപ്പാക്കുന്നുണ്ട്. നരേന്ദ്രമോദിയുടെ സ്വച്ഛ് ഭാരത് പദ്ധതി കേരളത്തിലെത്തിയപ്പോൾ ഹരിതകേരളം എന്നായി. റേഷൻ വിതരണവുമായി ബന്ധപ്പെട്ട പ്രശ്നം അവസാനിച്ചുവെന്ന ഭക്ഷ്യമന്ത്രിയുട പ്രഖ്യാപനം വിഷയമുന്നയിച്ച് ബിജെപി നടത്തിയ യാത്രയുടെ വിജയമാണ്. കേന്ദ്രത്തിൽനിന്നും സംസ്‌ഥാനത്തിനു ലഭിക്കുന്ന ഭക്ഷ്യധാന്യങ്ങൾ ഉപഭോക്‌താക്കളിലേക്കെത്തുന്നതിനു മുമ്പ് മറിച്ചു വിൽക്കപ്പെടുന്ന സാഹചര്യമാണ് നിലവിലുണ്ടായിരുന്നത്. ഭക്ഷ്യസുരക്ഷാനിയമം പൂർണമായും നടപ്പിലാക്കുന്നതോടെ ഇത്തരം പ്രശ്നങ്ങൾ പരിഹരിക്കപ്പെടുമെന്നും അവർ കൂട്ടിച്ചേർത്തു. ബിജെപി ജില്ലാ പ്രസിഡന്റ് കെ. സോമനും പത്രസമ്മേളനത്തിൽ പങ്കെടുത്ത
