മുംബൈ: ആര്യൻ ഖാന് ജാമ്യം ലഭിച്ച വാർത്ത ഷാരുഖ് ഖാൻ സ്വീകരിച്ചത് ആനന്ദാശ്രുക്കളോടെയെന്ന് മുതിർന്ന അഭിഭാഷകൻ മുകുൾ റോഹത്ഗി.
കഴിഞ്ഞ മൂന്നുനാല് ദിവസങ്ങളിലായി ഷാരുഖ് വളരെയധികം അസ്വസ്ഥനായിരുന്നെന്നും മുൻ അറ്റോർണി ജനറലും കേസിൽ ആര്യന്റെ അഭിഭാഷകനുമായ മുകുൾ റോഹത്ഗി പറഞ്ഞു.
ഏതാനും ദിവസങ്ങളായി അദ്ദേഹം ശരിയായി ഭക്ഷണം കഴിച്ചിരുന്നോയെന്നും സംശയമാണ്.
കാപ്പിമാത്രമാണ് കുടിച്ചിരുന്നത്. വളരെയധികം അസ്വസ്ഥനായിലരുന്നു. അവസാനമായി അദ്ദേഹത്തെ കണ്ടപ്പോൾ മുഖത്ത് വലിയ ആശ്വാസം കാണാൻ കഴിഞ്ഞു- റോഹത്ഗി പറഞ്ഞു.
25 ദിവസത്തെ കസ്റ്റഡിക്ക് ശേഷമാണ് മുംബൈ ഹൈക്കോടതിയിൽനിന്ന് ആര്യന് ജാമ്യം ലഭിച്ചത്. കേസിൽ കൂട്ടുപ്രതികളായ അബ്ബാസ് മര്ച്ചന്റിനും മുണ്മുണ് ധമേച്ചയ്ക്കും ജാമ്യം ലഭിച്ചു.