ഹൈദരാബാദ്: ദേശീയ പൗരത്വ രജിസ്റ്റർ ആസാമിന് പുറമേ രാജ്യത്ത് മുഴുവൻ നടപ്പാക്കുമെന്ന അമിത് ഷായുടെ പ്രഖ്യാപനത്തെ രൂക്ഷമായ ഭാഷയിൽ വിമർശിച്ച് തമിഴ് നടൻ സിദ്ധാർഥ്. അമിത് ഷായെ ഹോം മിനിസ്റ്റർ എന്നതിന് പകരം ‘ഹോം മോണ്സ്റ്റർ’ (രാക്ഷസൻ) എന്നാണ് സിദ്ധാർഥ് വിശേഷിപ്പിച്ചത്. ട്വിറ്ററിലൂടെയാണ് തമിഴ് സൂപ്പർസ്റ്റാർ പ്രതികരണവുമായി രംഗത്തെത്തിയത്.
ഈ രാക്ഷസന് ഇങ്ങനെ സംസാരിക്കാൻ ആരാണ് അധികാരം കൊടുത്തത്. മുസ്ലിം അഭയാർഥികളെ മുഴുവൻ രാജ്യത്തുനിന്നും പുറത്താക്കുമെന്ന് പറയുന്നത് ഭരണഘടനാവിരുദ്ധമല്ലേ. ഇവിടെ എന്താണ് നടക്കുന്നത്. എല്ലാവരും കാണ്കെ വംശശുദ്ധീകരണത്തിന്റെ വിത്തുകൾ പാകുകയാണയാൾ- സിദ്ധാർഥ് ട്വീറ്റ് ചെയ്തു.