കോൺഗ്രസ് അധ്യക്ഷൻ രാഹുൽ ഗാന്ധിയുടെ വയനാട്ടിലെ സ്ഥാനാർഥിത്വത്തെ വിമർശിച്ച് സിപിഎം ജനറൽ സെക്രട്ടറി സീതാറാം യെച്ചൂരി. ബിജെപിക്ക് സ്വാധീനമില്ലാത്തെ കേരളത്തിലാണ് രാഹുൽ മത്സരിക്കുന്നതെന്ന് ഓർക്കണമെന്നു പറഞ്ഞ യെച്ചൂരി രാഹുലിനെ ഇടതുമുന്നണി പരാജയപ്പെടുത്തുമെന്നും കൂട്ടിച്ചേർത്തു.
രാഹുലിന്‍റെ സ്ഥാനാർഥിത്വത്തിനുള്ള മറുപടി അതായിരിക്കണമെന്ന് ഓർമിപ്പിച്ച യെച്ചൂരി ആലത്തൂരിലെ യുഡിഎഫ് സ്ഥാനാർഥിയെ ഇടതുമുന്നണി കൺവീനർ എ.വിജയരാഘവൻ നടത്തിയ പരാമർശങ്ങളെക്കുറിച്ച് പ്രതികരിച്ചില്ല. ഈ വിഷയത്തിൽ പാർട്ടി സംസ്ഥാന നേതൃത്വം മറുപടി പറയുമെന്നും അദ്ദേഹം വ്യക്തമാക്കി.
