ഭാര്യയെ സലൂണിലെ ജോലിയിൽ നിന്നും പിരിച്ച് വിട്ടതിൽ പ്രതിഷേധിച്ച് ഭർത്താവ് സ്ഥാപനത്തിലെത്തി സലൂൺ അടിച്ച് തകർക്കുകയും ഉടമസ്ഥനെ ക്രൂരമായി മർദിക്കുകയും ചെയ്തു. വടക്കൻ ബെംഗളൂരുവിലെ അവലഹള്ളിയിലുള്ള ‘സ്കിൻ ഷൈൻ യൂണിസെക്സ് സലൂണിൽ’ആണ് സംഭവം. ആക്രമണത്തിൽ പരിക്കേറ്റ സലൂൺ ഉടമ മോഹൻ കുമാറിനെ ആശുപത്രിയിൽ പ്രവേശിപ്പിച്ചു.
സുഷമയെ ജോലിയിൽ നിന്നും മാസങ്ങൾക്ക് മുൻപി പിരിച്ചു വിട്ടിരുന്നു. അതിന്റെ ദേഷ്യത്തിൽ സുഷമയുടെ ഭർത്താവ് മോഹൻകുമാറിനെ പല തവണ ഫോണിൽ വിളിച്ച് അസഭ്യം പറയുകയും ഭീഷണിപ്പെടുത്തുകയുമൊക്കെ ചെയ്തിരുന്നു. എന്നാൽ അതൊന്നും അത്ര കാര്യമായി മോഹൻ എടുത്തിരുന്നില്ല. പിന്നീട് പോകപ്പോകെ ഭീഷണി കടുപ്പിക്കുകയും ശനിയാഴ്ച യുവതിയും അവരുടെ ഭർത്താവും അയാളുടെ കൂട്ടുകാരും ചേർന്ന് സലൂണിൽ എത്തുകയും മോഹനെ മർദിക്കുകയുമായിരുന്നു.
സംഭവത്തിന്റെ വീഡിയോ സോഷ്യൽ മീഡിയയിൽ വൈറലാണ്. ഇതിന്റെ അടിസ്ഥാനത്തിൽ അവലഹള്ളി പോലീസ് കേസ് രജിസ്റ്റർ ചെയ്ത് സംഭവത്തിൽ അന്വേഷണം ആരംഭിച്ചിരിക്കയാണ്. ആക്രമണത്തിന് ശേഷം ഒളിവിൽ പോയ പ്രതികൾക്കായി തെരച്ചിൽ ഊർജിതമാക്കിയതായും പോലീസ് പറയുന്നു.
