ഫ്‌ളവേഴ്‌സിലെ സ്റ്റാര്‍ മാജിക് എന്ന പരിപാടിയിലൂടെ മലയാളികള്‍ക്ക് സുപരിചിതയാ നടിയാണ് ശ്രീവിദ്യ മുല്ലശ്ശേരി. ഉരുളയ്ക്ക് ഉപ്പേരി പോലെ കൗണ്ടറുകള്‍ അടിക്കുന്ന ശ്രീവിദ്യയ്ക്ക് നിരവധി ആരാധകരുമുണ്ട്.
ഇപ്പോഴിതാ സിനിമയിലും തന്റെ സാന്നിധ്യം അറിയിക്കുകയാണ് ശ്രീവിദ്യ മുല്ലശ്ശേരി. ധ്യാന്‍ ശ്രീനിവാസന്‍ നായകനായി എത്തുന്ന പുതിയ സിനിമയായ സത്യം മാത്രമേ ബോധിപ്പിക്കൂ എന്ന ചിത്രത്തിലൂടെയാണ് ശ്രീവിദ്യയുടെ സിനിമ അരങ്ങേറ്റം.
ഈ സിനിമയുടെ പ്രൊമോഷന്റെ ഭാഗമായി ശ്രീവിദ്യ റെഡ് എഫ്എമ്മിന്് നല്‍കിയ അഭിമുഖമാണ് ഇപ്പോള്‍ വൈറലായി മാറിയിരിക്കുന്നത്.
തന്നെക്കുറിച്ച് രസകരമായ കുറേ സത്യങ്ങളാണ് ശ്രീവിദ്യ അഭിമുഖത്തില്‍ തുറന്ന് പറഞ്ഞിരിക്കുന്നത്.
സ്റ്റാര്‍ മാജിക്കിലേത് പോലെ തന്നെ രസകരമായ കൗണ്ടറുകളും തമാശകളും ഒക്കെയായിട്ടാണ് ശ്രീവിദ്യ മറുപടികള്‍ നല്‍കിയിരിക്കുന്നത്.
അഭിമുഖത്തിനിടെ റാപ്പിഡ് ഫയര്‍ എന്ന റൗണ്ടില്‍ ശ്രീവിദ്യയോട് ചോദിച്ച ചോദ്യങ്ങളില്‍ ഒന്ന് എപ്പോഴാണ് അവസാനമായി ക്യൂ നിന്നത് എന്നായിരുന്നു.
ബിവറേജിന് മുന്നില്‍ എന്നായിരുന്നു ഇതിന് ശ്രീവിദ്യ തുടക്കത്തില്‍ നല്‍കിയ മറുപടി. എന്നാല്‍ അല്ല, അല്ല ഞാന്‍ ബാറില്‍ പോയി സാധനം വാങ്ങുന്ന ആളാണെന്നും തിരുത്തുകയായിരുന്നു.
അവസാനമായി ക്യൂ നിന്നത് വാക്‌സിന്‍ അടിക്കാന്‍ പോയപ്പോള്‍ ആശുപത്രിയിലാണെന്നും ശ്രീവിദ്യ വ്യക്തമാക്കി.
അതേസമയം സെറ്റില്‍ വച്ച് ചീത്ത വിളി കേള്‍ക്കാറുണ്ടോ എന്ന് ചോദിച്ചപ്പോള്‍, അത് എന്നും കേള്‍ക്കുന്നതാണ് എന്നായിരുന്നു ശ്രീവിദ്യയുടെ മറുപടി.
സ്റ്റാര്‍ മാജിക്കിന്റെ ചിത്രീകരണത്തിനിടെ തനിക്ക് പലപ്പോഴും വഴക്ക് കേട്ടിട്ടുണ്ടെന്നാണ് ശ്രീവിദ്യ പറയുന്നത്.
ഷോയുടെ ഡയറക്ടറായ അനൂപേട്ടന്‍ എന്നും ചീത്ത വിളിക്കുമായിരുന്നു എന്നും ആദ്യമൊക്കെ ചീത്ത വിളിക്കുന്നത് കേള്‍ക്കുമ്പോള്‍ തനിക്ക് കുറച്ച് നാണക്കേട് തോന്നുമായിരുന്നുവെങ്കിലും ഇപ്പോള്‍ അത് ശീലമായെന്നും അതിനാല്‍ മൈന്റ് ചെയ്യാറില്ലെന്നും ശ്രീവിദ്യ പറഞ്ഞു.
ഇപ്പോള്‍ ചീത്തവിളി കേട്ടില്ലെങ്കിലാണ് അത്ഭുതമെന്നും സ്വതസിദ്ധമായ ചിരിയോടെ പറയുകയാണ്.
സിനിമയുടെ പേര് സത്യം മാത്രമേ ബോധിപ്പിക്കൂവെന്നാണെങ്കിലും ജീവിതത്തില്‍ തനിക്ക് സത്യം മാത്രം ബോധിപ്പിക്കാന്‍ കഴിയില്ലെന്നും ആവശ്യത്തിന് കള്ളത്തരങ്ങള്‍ പറയുന്നയാളാണ് താനെന്നുമായിരുന്നു ശ്രീവിദ്യയുടെ മറുപടി.
പിന്നാലെ താന്‍ സ്റ്റാര്‍ മാജിക്കില്‍ വച്ച് ഏറ്റവും കൂടുതല്‍ തവണ പറഞ്ഞിട്ടുള്ള കള്ളം ഏതാണെന്നും ശ്രീവിദ്യ മനസ് തുറക്കുന്നുണ്ട്.
സെറ്റിലിരുന്ന് ഉറക്കം തൂക്കുന്നത് കാണുമ്പോള്‍, അനൂപേട്ടന്‍ വിളിച്ച് ചോദിക്കു, ഉറക്കമാണോ ശ്രീവിദ്യാ എന്ന്. ഹേയ് ഇല്ല അനൂപേട്ടാ എന്ന് പറയും.
ഏറ്റവും അധികം പറഞ്ഞ കള്ളവും അതാണെന്നും അത് സ്ഥിരം സംഭവമാണെന്നും ശ്രീവിദ്യ പറയുന്നു. ശ്രീവിദ്യയെ പോലെ തന്നെ ആരാധകരുടെ പ്രിയപ്പെട്ട സ്റ്റാര്‍ മാജിക് താരമാണ് അനു.
താനും അനുവും കൂടെ ലുലു മാളില്‍ പോയപ്പോഴുണ്ടായ രസകരകമായൊരു സംഭവവും ശ്രീവിദ്യ വെളിപ്പെടുത്തുന്നുണ്ട്.
ആ സമയത്ത് അവിടെ വച്ച് ചിലര്‍ ഫോട്ടോ എടുക്കാനായി അരികിലെത്തുക ആയിരുന്നു. അപ്പോള്‍ അനു ഫോട്ടോ ഒക്കെ എടുക്കാം പക്ഷെ തങ്ങളുടെ യൂട്യൂബ് ചാനല്‍ സബ്സ്ക്രൈബ് ചെയ്യണെന്ന് പറയുകയായിരുന്നു.
എന്നാല്‍ അത് പറച്ചില്‍ മാത്രമായിരുന്നില്ല. ഫോട്ടോ എടുത്ത ശേഷം അവരെ കൊണ്ട് ചാനല്‍ സബ്സ്ക്രൈബ് ചെയ്യിപ്പിച്ച ശേഷമാണ് അനു വിട്ടതെന്നും തനിക്ക് അത് ഇഷ്ടപ്പെട്ടുവെന്നും താരം പറയുന്നു.
പിന്നാലെ സ്റ്റാര്‍ മാജിക് ഫ്ളോറിലെ എല്ലാവരെയും കൊണ്ട് ഞാന്‍ തന്റെ ചാനല്‍ സബ്സ്ക്രൈബ് ചെയ്യിപ്പിച്ചുവെന്നാണ് ശ്രീവിദ്യ പറയുന്നത്.
എത്ര വലിയ നടി ആയാലും യൂട്യൂബ് ചാനല്‍ വിടില്ല എന്നും, അത് തന്റെ മെയിന്‍ വരുമാനമാണെന്നുമാണ് ശ്രീവിദ്യ പറയുന്നു.
