കിസ്മതിന് ശേഷം ശ്രുതി മേനോൻ വീണ്ടുമൊരു ചിത്രത്തിൽ നായികയാകുന്നു. പ്രദീപ് ചോക് ലി സംവിധാനം ചെയ്യുന്ന ചിപ്പി എന്ന ചിത്രത്തിലാണ് ശ്രൂതി വീണ്ടും വരുന്നത്. ചേരിയിൽ ചിപ്സ് വിൽക്കുന്ന പെണ്‍കുട്ടിയുടെ വേഷത്തിലാണ് ശ്രുതി മേനോൻ എത്തുന്നത്. കുട്ടികളെ ലക്ഷ്യമാക്കി ഒരുക്കുന്ന ചിത്രമായ ചിപ്പിയുടെ കഥ കടൽത്തീരത്തിന് അടുത്തുള്ള സ്കൂളിനെ ചുറ്റിപ്പറ്റിയാണ് നടക്കുന്നത്. ചിത്രത്തിന്‍റെ കഥ തന്നെ ആകർഷിച്ചുവെന്നും അതു കൊണ്ടാണ് താൻ ചിത്രത്തിൽ അഭിനയിക്കാൻ തയ്യാറായതെന്നും നടി ശ്രുതി മേനോൻ പറഞ്ഞു. സലിം കുമാർ, മണികണ്ഠൻ, ജോയി മാത്യു, സുരഭി എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. തലശ്ശേരിയാണ് ചിത്രത്തിന്‍റെ പ്രധാന ലൊക്കേഷൻ.
് ഷാനവാസ് കെ ബാവകുട്ടി സംവിധാനം ചെയ്ത് ഷൈൻ നിഗമും ശ്രുതി മേനോനും കേന്ദ്ര കഥാപാത്രങ്ങളെ അവതരിപ്പിച്ച ചിത്രമായിരുന്നു കിസ്മത്. 2016ൽ പുറത്തിറങ്ങിയ ചിത്രം പ്രേക്ഷക ശ്രദ്ധ നേടി. രണ്ട് വ്യത്യസ്ത മതത്തിൽപ്പെട്ടവർ തമ്മിൽ പ്രണയിക്കുന്നതും തുടർന്നുണ്ടാകുന്ന വിവാദങ്ങളുമായിരുന്നു ചിത്രം. സംഭവകഥയെ ആസ്പദമാക്കി ഒരുക്കിയ ചിത്രത്തിന് മികച്ച പ്രതികരണം ലഭിച്ചു.
