അസുൻസിയോൺ: പ്രമുഖ സ്വകാര്യ ഡിജിറ്റൽ ബാങ്കിന്‍റെ തകർച്ചയെത്തുടർന്നുണ്ടായ സാമ്പത്തിക ക്രമക്കേടുകളും അഴിമതി ആരോപണങ്ങളും ലാറ്റിനമേരിക്കൻ രാജ്യമായ പരാഗ്വേയിൽ വൻ രാഷ്‌ട്രീയ പ്രതിസന്ധിക്ക് വഴിവച്ചു. ബാങ്ക് തകർച്ചയുമായി ബന്ധപ്പെട്ട കേസിൽ പ്രസിഡന്‍റ് സാന്‍റിയാഗോ പെനയെ പാർലമെന്‍റ് ഇംപീച്ച് ചെയ്ത് അധികാരത്തിൽനിന്നു നീക്കി. ക്രിമിനൽ അന്വേഷണം നേരിടുന്ന അദ്ദേഹം നിലവിൽ വീട്ടുതടങ്കലിലാണ്. വൈസ് പ്രസിഡന്‍റ് പെദ്രോ അലിയാന പുതിയ പ്രസിഡന്‍റായി സത്യപ്രതിജ്ഞ ചെയ്ത് അധികാരമേറ്റു. ഇന്നലെ നടന്ന സെനറ്റ് വോട്ടെടുപ്പിൽ 45 അംഗങ്ങളിൽ 44 പേരും ഇംപീച്ച്മെന്‍റിനെ അനുകൂലിച്ച് വോട്ട് ചെയ്തതോടെയാണു പെനയുടെ രാഷ്‌ട്രീയപതനം ഉറപ്പായത്. രാജിവയ്ക്കാനുള്ള സന്നദ്ധത നേരത്തേ അറിയിച്ചിരുന്നെങ്കിലും രാജിക്കു പകരം ഇംപീച്ച്മെന്‍റ് നടപടികളുമായി മുന്നോട്ടുപോകാനായിരുന്നു പ്രതിപക്ഷത്തിന്‍റെയും ഭരണപക്ഷത്തെ വിമത വിഭാഗത്തിന്‍റെയും തീരുമാനം. ഇതോടെ പ്രസിഡന്‍റായിരിക്കെ ലഭിച്ചിരുന്ന നിയമപരിരക്ഷയും പെനയ്ക്കു നഷ്‌ടമായി. ചട്ടങ്ങൾ ലംഘിച്ച് സ്വകാര്യ കമ്പനികൾക്കു വായ്പ രാജ്യത്തെ പ്രമുഖ ധനകാര്യ സ്ഥാപനമായ ഉയെനോ ബാങ്കിന്‍റെ…
Read Moreലാറ്റിനമേരിക്കൻ രാജ്യമായ പരാഗ്വേയിൽ രാഷ്‌ട്രീയ പ്രതിസന്ധി; സ്വകാര്യ ഡിജിറ്റൽ ബാങ്കിന്‍റെ തകർച്ചയുമായി ബന്ധപ്പെട്ട കേസിൽ പ്രസിഡന്‍റ് സാന്‍റിയാഗോ പെനയെ പാർലമെന്‍റ് ഇംപീച്ച് ചെയ്തു
