ജൂഡ് ആന്റണി, സ്വാസിക എന്നിവര്‍ പ്രധാനവേഷങ്ങളിലെത്തുന്ന ‘മറ്റൊരു കടവില്‍, കുളിസീന്‍ 2’ എന്ന ഹ്രസ്വചിത്രം വൈറലാകുന്നു. 2013ല്‍ പുറത്തിറങ്ങിയ ‘കുളിസീന്‍’ എന്ന ചിത്രത്തിന്റെ രണ്ടാം ഭാഗമാണിത്. രാഹുല്‍ കെ. ഷാജി സംവിധാനം ചെയ്തിരിക്കുന്ന ഈ ചിത്രം നിര്‍മിച്ചിരിക്കുന്നത് സുനില്‍ നായരാണ്. സ്വാസികയ്ക്കും ജൂഡിനും പുറമെ, പാഷാണം ഷാജി, മാത്തുക്കുട്ടി , ബോബന്‍ സാമുവല്‍ അല്‍താഫ് മനാഫ് എന്നിവരും വേഷമിടുന്നു. നീന്തല്‍ അറിയാത്ത ഭര്‍ത്താവും നീന്തിക്കുളിക്കാന്‍ ഇഷ്ടപ്പെടുന്ന ഭാര്യയുമാണ് ചിത്രത്തിലെ കേന്ദ്രകഥാപാത്രങ്ങള്‍. കുളത്തില്‍ നീന്തിക്കുളിക്കാന്‍ ഭാര്യ സ്ഥിരമായി പോകുന്നതോടെ മനസമാധാനം നഷ്ടപ്പെടുന്ന രമേശന്‍ എന്ന ചെറുപ്പക്കാരന്‍ കുളി അവസാനിപ്പിക്കാനായി ചെയ്തുകൂട്ടുന്ന വിക്രിയകളാണ് ചിത്രം പറയുന്നത്. ഹ്രസ്വചിത്രം ഇതിനോടകം യൂട്യൂബില്‍ വൈറലായിക്കഴിഞ്ഞു.
Read Moreനീന്തല്‍ അറിയാത്ത ഭര്‍ത്താവും നീന്തിക്കുളിക്കാന്‍ പോകുന്ന ഭാര്യയും ! ‘മറ്റൊരു കടവില്‍ കുളിസീന്‍ 2’ ഹ്രസ്വചിത്രം വൈറലാകുന്നു…
