പാരീസ്: ഫ്രഞ്ച് ഓപ്പണ് ടെന്നീസ് ടൂര്ണമെന്റിന് ഇന്ന് തുടക്കമാവുമ്പോള് ഏവരും ചോദിക്കുന്ന ചോദ്യം പതിവ് പോലെ തന്നെ റാഫേല് നദാല് കിരീടം കൈപ്പിടിയിലൊതുക്കുമോ എന്നതാണ്. അതോ സ്പാനിഷ് ഇതിഹാസതാരത്തെ സമീപ കാലത്ത് കളിമണ് കോര്ട്ടില് വീഴ്ത്തിയ താരങ്ങളിലാരെങ്കിലുമാവുമോ ഇത്തവണത്തെ ചാമ്പ്യന് എന്ന ചോദ്യവും നിലനില്ക്കുന്നു. ഏറെ നാളത്തെ ഇടവേളയ്ക്കു ശേഷം കളിക്കളത്തില് തിരികെയെത്തിയ സ്വിസ് ഇതിഹാസം റോജര് ഫെഡറര്, ലോക ഒന്നാം നമ്പര് നൊവാക് ജോക്കോവിച്ച്, ലോക രണ്ടാം നമ്പര് ഡാനില് മെദ്വദേവ് എന്നിവരും തികഞ്ഞ പ്രതീക്ഷയിലാണ്. ഇതുകൂടാതെ കളിമണ് കോര്ട്ടില് നദാലിന് വെല്ലുവിളിയുയര്ത്തുന്ന ഗ്രീക്ക് താരം സ്റ്റെഫാനോസ് സിറ്റ്സിപ്പാസ്, ഡീഗോ ഷ്വാര്ട്സ്മാന്, രണ്ടു തവണ (2018, 2019) റോളംഗ് ഗാരോവില് നദാലിനോട് അടിയറവു പറഞ്ഞ ഓസ്ട്രിയന് താരം ഡൊമിനിക് തീം എന്നിവരും കിരീടപ്രതീക്ഷ വെച്ചു പുലര്ത്തുന്നു. ഇതുകൂടാതെ മോണ്ടികാര്ലോ മാസ്റ്റേഴ്സില് നദാലിനെ പരാജയപ്പെടുത്തിയ റഷ്യന് താരം…
Read More